Luk 10:22 - Wëël Jwøk

²² «Jammi bëët onø wëëk Wära aani, ni bäŋ ŋat mo ŋäc Wäädö, 'ba beeye Wuuö keere, ni bäŋe dhaanhø mo ŋäc Wuuö, 'ba beeye Wäädö keere, ki ŋat wø met yi Wäädö ki man nyooth eni jïgø.»

Luk 10:22 Iomraidhean Croise

Mathiew 11:25

Kanyøgø Jecu aköö, ni «Ïïna pwøa, Awuuö, ï na Kwääc maal ki piny, kiper mana mänï gïï ki jøøa wïthge leer na ŋäc jammi, ni nyoothï geni jï obwöre moa mar.

Mathiew 11:27

«Jammi bëët onø wëëk Wära aani; ni bäŋ ŋat mo ŋäc Wäädö, 'ba beeye Wuuö keere, ni bäŋe dhaanhø mo ŋäc Wuuö, 'ba beeye Wäädö keere, ki ŋat wø met yi Wäädö ki man nyooth eni jïgø.

Mathiew 28:18

Ni ö Jecu baŋge ni kööe jïge, ni «Teek mar maal bäre ki mar piny bäre anø wëëk aani.

Jøøn 1:18

Bäŋ dhaanhø aciel mo Jwøk ee neenø, 'ba beeye Wäädö mana näk acielø jï Jwøk na en kö Wuuö na nyooth gøøni.

Jøøn 10:15

kaa mana ö Wuue ni ŋäc aani, ni ŋääa Wuuö thuwø. Ni aani jwïëya cïba cïbö kiper dïëk.

Jøøn 13:3

Jecu na ŋäc gø ni jammi bëët ocïp Wuue cere, ni eni ööi ka baŋ Jwøk, ni eni cäŋa døø baŋ Jwøk,

Jøøn 17:10

ni 'moa bëët beege moï, ni moï bëët beege 'moa, ni aano jiemø rege.

Jøøn 17:2

kaa mana wëëgï gø teek bäät jiy bëët, kiper nee cïpe ki kwøw mana näk adïëri mo bäŋ cuŋŋe jï moa cïpï jïre bëët.

Jøøn 17:26

Nyeŋŋï anyoodha jïge, 'ba cäŋa ka nyoothø, kiper nee mëër mana mëërï ki aani ki gø, nee tïme ni ena cwïnyge, ni ena rege.»

Jøøn 17:5

'Ba kawaane, Wuuö, jiem aani buutï ka ajiem mana kwøŋï aani jiem ki gø na pooda buutï, ni piny poot kär cwääö.

Jøøn 3:35

'Ba Wuuö mëër ki Wäädö ni cïp jammi bëët cer gø.

1 Körin 15:24

'Ba kanyøgøøni beeye cuŋ piny, kanyo ö Krictø noo dwøk bura jï Jwøk na näk Wuuö, køør mano raany bure bëët, ki kwääri, ni bäŋ teek mør këët.

2 Körin 4:6

Kiper beeye Jwøk na köö, ni «Tar rienye yi muudhö,» na wëëk tar rieny yïth cwïnynyø, nee tay ajiem Jwøk ni en täärnyïm Krictø wëëk ŋäc.

Epeca 1:21

Ni dwøŋŋa eni dï moa näk ocuumö bëët, ki teeŋ teek bëët ki rööny, ni lïëŋŋa nyeŋŋe dï nyeŋ moa näk ocaa bëët, ni patha yi piny man keere, 'ba këël yi piny mano ööi thuwø.

Ibaru 2:8

ni cïbï jammi bëët cere.» 'Ba kanya ö Jwøki na cïp jammi bëët cer dhaanhø, bäŋ gïn mo ee wii wøk, ni ba en cere. 'Ba kawaane, jammi bëët poot ba neetø ni ena cere.

1 Jøøn 5:20

'Ba ŋääø ni O Jwøk anø öö, ni mooc øøni ka acaara ki man ŋääø ŋata näk adïëri. Ni ø ena ri ŋata näk adïëri ki køør Wääde ma Jecu Krictø. Manøgø beeye Jwøk mana näk adïëri ni näk kwøw mana näk adïëri mo bäŋ cuŋŋe.

2 Jøøn 1:9

'Ba ŋat wø reŋ nyïm ni ba bëëdö ri pwöc Krictø, tøør ri Jwøk. 'Ba ŋat wø bëën pwöc Krictø, ena ri Wuuö ki Wäädö karge riet.