Luk 10:2 - Wëël Jwøk

² Ni kööe jïge, ni «Pwödhö aciek døc, 'ba jø tïïc nøk. Kiper manøgønø, kwaayu wää pwödhö, nee jääk yi pwödhö mare ki jø tïïc.

Luk 10:2 Iomraidhean Croise

1 Nyeye 18:22

'Ba Ilaaja aköö jïge, ni «Beeye aani keera na dööŋ na nyikuŋ Wuuö Jwøk; 'ba nyïïkuk Baal gena jiy ma dïpe aŋween ki pïërabïïc.

Jeremaya 3:15

Køøre uuno mooa ki dïkwääye mo cwïnyge ena køøra, ni bwøthge uuni ki leec wïc ki ŋäc tiet luup.»

Dhekaraya 11:17

«Otïmö ni leth jï dïkwääy dïëk mo bëëdö ni jääk, ni dïëk ee wiiø! Eni cer cwïïe ki waŋe mana en bäät cwïïe oŋøl ko opëëllö! Cere mana en bäät cwïïe obäp, ni ö waŋe mana en bäät cwïïe ni tïme ni ba rääŋö!»

Dhekaraya 11:5

'Ba jø wø ŋeew ge wø ŋaalge ŋaalø ni putge aay ni dëëtge bäŋ ajäla. Ni ö jøøa gath ge ni köge, ‹Waana kwär! Pwøc en jï Wuuö Jwøk!› 'Ba dïkwääye moge cwïnyge ba pädhi ki gïrge.

Kwään Jiy 11:17

Køøre aano ö piny ni cääna ki ïïni kaace, ni lwöta ri Jwïëc Jwøk na en bäätï ni kïtha gø bäätge; ni ö geni ni käärge jiy na aciel ki ïïni, ni ba käära ïïni keerï këët.

Kwään Jiy 11:29

'Ba aløk Modhe jïre, na «?Aŋø ni tïme ni këëö ïïni na kara en? Kiper doo beer ki man ö jic Wuuö Jwøki bëët ni tïmge na nyïïkuk Jwøk, ni ö Wuuö Jwøki ni kïth jwïëye bäätge.»

Mathiew 20:1

«Kiper buya käl maal caala wää pwödhö mo omøøl wøk ka amöölla kuna cääye ki jø tïïö yi pwöthe.

Maak 13:34

Gïnögø caala dhaanhø mo manynya wääth. Kanyo tïŋŋe paac, jammi bëët cïbe ceŋ laage, ni ŋati man nø ki tïïe. Ni kööm ŋat wø koor dhi kiir, ni bëëde ni kurö.

Maak 16:15

Ni kööe jïge, ni «Cou ni caathu dï piny bäre, ni køpu luumma nyään na met jï jiy bëët.

Maak 16:20

Ni aacge ni køpge luumma nyään na met yïth mïëri bëët, ni Wuuö tïïö ka geni, ni nyootha gø ni luummögø ni wø køpge beeye adïëri ki køør ŋïïce mo wø cäädhi ki gø na aciel. Enøgønø.]

Luk 9:1

Ni ö Jecu ni cwøl bääge na näk apaar kurriiø ni mooc ge ki teek bäät anäge bëët, ki teek man køny jø täwe.

Moa Tïïc Nyïïatwieli 11:19

'Ba kanyøgø jøøa keethø kiper gïïa leth na tägö køør kanya 'näk Ectipen, gena aay gøøc mana pïïcge Pönicia, ki Caypara, ki Antïëk, ni luum Jwøk køpge købø jï jø Juuth keerge.

Moa Tïïc Nyïïatwieli 13:2

Kanya wøørge Wuuö ni ge lämö ki lam-wödö, Jwïëc Jwøk na en kur keere aköö, ni «Cïbu Barnaba ki Cøøl kur keerge jïra, kiper tïïc mana cöölla geni gø.»

Moa Tïïc Nyïïatwieli 13:4

'Ba kiper mana tïme ni ge jääŋŋa Jwïëc Jwøki na en kur keere, gena aa Celucia, ni lunyge ci Caypara ki jää naam.

Moa Tïïc Nyïïatwieli 20:28

'Ba kawaane gwøgu rou, ni gwøgu pïïth bäre, pïïdha cïp Jwïëc Jwøki na en kur keere ceŋŋu ni uuna dïkuye, na acooŋ Jwøk na joode ki køør remme caammu.

Moa Tïïc Nyïïatwieli 22:21

«'Ba ena köö ki aani, ni ‹Tïŋŋï, kiper ïïno jääŋŋa kany mo bäär baŋ juurre.› »

Moa Tïïc Nyïïatwieli 8:4

'Ba jøøa keethø, gena cäädhö ni ge køpa luum Jwøk.

1 Körin 12:28

'Ba Jwøk aröönyö ki jiy ya acooŋ Jwøk. Dïkwøŋ beege nyïïatwieli, rietge beege nyïïkuk Jwøk, dääge beege dïpööye, køøre beege jø wø tïïc gïï mo rëëma ec, køøre ki muuy mar riem täwe, ki dïkunynye, ki dïnyuuthe, ki jøøa wëëk teek ki man cäänge ki teeŋ dhøgi møøk.

1 Körin 15:10

'Ba beeye met ec mar Jwøk na tïïc aani ni aana dhaanhø en. 'Ba met yie na nyuth aani paa oballe jaak. 'Ba atïmö ni tïïö aani døc naa kaala geni. 'Ba paa aani, 'ba beeye met yi Jwøk ni wø tïïö dëëra.

2 Körin 6:1

'Ba waana tïmö ni wa tïïö ka Jwøk na aciel, ni wa köömma uuni nee met yi Jwøk ba jïëyu ki dhøgu jaak.

Pilipay 2:21

'Ba jiy møga atïmö ni ge ŋäya dëëtge keerge, ni paa moa näk mo Jecu Krictø.

Pilipay 2:25

'Ba yaa caarø ni doo beerra eni ki man jääŋŋa coka ma Eparödaata baŋu, eni ni wø tïïö ki aani, na ŋat leny mo odwätö ki aani, ni beeye ŋata jääŋŋu, na køny canna.

Pilipay 2:30

Kiper eni bøtha kany mo thiinh ki thøø kiper tïï Krictø, ni taak jwïëye, kiper mana dou tïïö jïra, nee thur kare.

Köløcia 1:29

Ni beeye ni ööla døc ki tïïc en, naa tïïö ka ki køør teek mare bäre, keda man tïïe cwïnya ki teege en.

Köløcia 4:12

'Ba uuna määth Epapara ŋata öö ki baŋu, na näk laŋ Krictø Jecu. Eni lääŋŋa uuni cooth ki cwïnye bäre yïth laam moe, nou cuŋŋu ni uuno thur karu, ni moa many Jwøki bëët you kwanyø na adïëri.

1 Thecalönika 2:9

Kiper wïthu kär wïl ki tïïc marwa na öölwa døc, nyïïmera. Waana tïïö ki wärre ki cääŋŋe bëët, kiper nou ba öölwa, kanya køpwa luumma nyään na met na näk mar Jwøk jïïu.

1 Thecalönika 5:12

'Ba nyïïmera, wa kwaya uuni ki man wøørru jøøgø ni tïïö dïïu yøø, ni enu ceŋge ki ri Wuuö, ni jøga uuni.

2 Thecalönika 3:1

'Ba mana dööŋ keere nø, nyïïmera, lämu kiperwa, nee luum Wuuö nyaae døc ni di jiemø, keda mana täge dïïu,

1 Timöthi 4:10

Kiper ŋäädhe marø ena ri Jwøa kwøw, ŋata näk Pïëmi mar jiy bëët, ni piema jøøa näk ojïëy røk, ni beeye ni tïïø ni øøno ööl døc en.

2 Timöthi 4:5

'Ba ï ki dëërï, bëëdï karï cooth, ni cwïnyï iï maa ki gïï wø leth, ni tïïyï tïï ŋat wø køp luum Jwøk, nee tïïc marï put thur kare.

Piliman 1:1

Aana Pøøl na tööny Krictø Jecu, ki Timöthi na näk cöögø. A määtha ïïni, Piliiman, ï na näk omëër marwa na tïïö ki waani na aciel,

Ibaru 3:6

'Ba Krictø Øt Jwøk agwøe ni ena wäädö. 'Ba beeye øøni na øde, ni näk mo ø puta bëëtö ni cwïnynyø yøø maa ki mana jïëø ki gø, ni ø jeemma ŋäädhe marø.

Mana Nyooth 2:1

«'Ba gööt baŋ nyïïatwiel maal mar acooŋ Jwøk mana en Epeca ni kööï, ni «Moi beege luup ŋata näk cer cwïïe da ceer abïriiø, ni wø cäädhi ki dï lambae abïriiø ni wø en bäät tëëde ma warkey karge bïriet.