Luk 10:16 - Wëël Jwøk

¹⁶ Ni kö Jecu jï bääge, ni «Ŋato wïny maru, wïnynya mara. Ni ŋato kwier uuni, kwiera aani. 'Ba ŋato kwier aani, kwiera eni na jääŋ aani.»

Luk 10:16 Iomraidhean Croise

Bwøth Wøk 16:7

noo tïme na amöölla thuwø, ajiem mar Wuuö Jwøk neennu neenø; kiper ŋurö maru mana ŋuru dëëre ki gøøni awïnynye. ?Aŋø, ni ŋuru dëëtwa en, waana ŋaani cøøn?»

Bwøth Wøk 16:8

Ni cäŋ Modhe köö, ni «Beeye Wuuö Jwøk noo mooc uuni ki rïŋö man cammu ka abøøya, ki møø man jäŋŋu ki gø ka amöölla. Kiper eni na Wuuö Jwøk ŋurö mana ŋuru dëëre ki gøøni awïnynye. ?Aŋø, waana ŋaani cøøn? Ŋurö maru ba en bäätwa, 'ba ena bäät Wuuö Jwøk.»

Milkiya 1:6

Wuuö Jwøk, eni na wïth jammi bëët, aköö, ni «Nyilaal wänni di wøørø, ni ö ŋat tïïci ni wøør kwäärö mare. Wøp nø; ?ni näk mo aana wääu, age wödö mana nyoothu jïra? ?Ni näk mo aana kwääyu thuwø, age lwär mana nyoothu jïra? Uuni na dïlämme, beeye uuni na taak aani. «'Ba uuna köö, ni ‹?Ï ewa taaø nidïï?›

Kwään Jiy 14:11

Ni kö Wuuö Jwøki jï Modhe, «?A ki kany mo nyïëdi nø noo poot jøøi ii naa poot ege taaø? ?A ki kany mo nyïëdi ni pootge naa ba ŋääthge en, këël na bëëde ni ŋïïce mo døøŋŋø yaa tïïö dïge?

Kwään Jiy 14:2

Ni ö jø Icrielli bëët ni ŋurge ki nyeŋ Modhe ka Aran, ni ö lwaaøgø bäre ni köge jïge, na «?Aŋø ni ba tïme kere wa thøøa Ijep wala dï paabi en?

Kwään Jiy 16:11

'Ba gïna tïïyu en, uuni ki jøøa cäädhu ki geni, beeye thïïŋ røk dëër Wuuö Jwøk. ?Aŋø, Aran aŋa, ni ŋuru ki nyeŋŋe en?»

Mathiew 10:40

«'Ba ŋat wø jïëc uuni, jïëya aani. Ni ŋat wø jïëc aani, jïëya eni na jääŋ aani.

Mathiew 18:5

Ni ŋat wäro pänh nyilaal mo caala man ki nyeŋŋa, eni pänhnha aani.

Maak 9:37

ni «Ŋat wäro pänh nyilaal mo caala man ki nyeŋŋa, eni pänhnha aani. Ni ŋat wäro pänh aani, ba pänh aani, 'ba pänhnha eni na jääŋ aani.»

Luk 9:48

ni kööe jïge, ni «Ŋato wäro jïëc nyilaari ki nyeŋŋa, jïëya aani. Ni ŋato wäro jïëc aani, jïëya ŋata jääŋ aani. Kiper ŋato wäro kare thiinhnha eni dïïu bëët, beeye ŋato kare dwøŋŋa eni.»

Jøøn 12:44

'Ba Jecu dwøre atïŋ maal døc ni kööe, ni «Ŋat wø jïëy ki aani ni ŋääth a, ba jïëc aani keere, 'ba jïëya eni na jääŋ aani thuwø.

Jøøn 12:48

'Ba ŋat wø kweer ki aani ni ba wïny luup moa caana, da ŋat mo ŋøla luumme piny. Ni beeye luubö mana kwøŋa caan noo ŋøl mare piny yi cäŋo cuŋ pinynyi yie.

Jøøn 13:20

Adïëri møn a caana gø jïïu, ni ŋat wäro jïëc ŋato jääŋŋa, jïëya aani; ni ŋato wäro jïëc aani, jïëya eni na jääŋ aani.»

Moa Tïïc Nyïïatwieli 5:4

?Aŋø, kanya poot pwödhö ni kärï dwøk pwödhö, ba bëëdö na marï? ?'Ba køøre na nø dwøgï gø pwödhö, paa wïïï ki mana diï tïïö ki gwete? ?Aŋø na tïïyï gïn en ki cwïnyï? Ï ba cään jiy ki tööt, 'ba ï cäänna Jwøk.»

Galeecia 4:14

'Ba këël kanya bëëda naa tuu dïïu, ni u yaa öölö ki täw mara, u kär jøøm ki aani, wala da gïn mo raac mo you caanø dëëra, 'ba aana pänhnhu kede aana nyïïatwiel maal mar Jwøk, wala kaawat mana dou Krictø Jecu pänhnhö.

1 Thecalönika 4:8

Kiper manøgønø, ŋato taak luummögø, ba taak dhaanhø, 'ba taaga Jwøk, ŋat wø cïp Jwïëye na en kur keere jïïu.