Luk 1:8 - Wëël Jwøk

⁸ 'Ba kanya tïm tïïci ni ena ceŋ dïlämme mo dhi øtø mana käl Dhekaraya yie, ni Dhekaraya tïïö na dïlämi nyïm Jwøk,

Luk 1:8 Iomraidhean Croise

1 Luup Nyeye 24:19

Moøgø beege kwääri mo dïlämme kany wø öge øt Wuuö Jwøk kiper tïïc marge mana no ocïp piny kiper dïlämme ki ri kwarge ma Aran, kaawat mana ö Wuuö Jwøki, Jwø Icriel, na kööm Aran.

1 Luup Nyeye 24:2

'Ba Nadap ka Abiyu gena thøw ni wääge poot nutö, ni bäŋ wäätge mo ege nywølø. 'Ba Eliedhar ki Itamer gena tïmö na dïlämme.

2 Luup Nyeye 11:14

Ni ö jø tuuŋ Libay moøgø ni wecge kwör kwaath moge ki kwör bëëte moge ni öge Juuda ki Jerucalem, kiper Jeröbäm ki wääte ege mänö ki man bëëtge na dïlämme mo tïnynya Wuuö Jwøk.

2 Luup Nyeye 31:19

'Ba dïlämme na näk nyïïkwaac Aran moa en yïth päänye moge, ki moa en kwör kwaath deŋ päänye moge, da jiy mo ojierø røkge ki nyeŋge ki man pääŋge muuce jï cwøw bëët moa näk dïlämme, ki jï jø tuuŋ Libay bëët moa näk nyeŋge ogöör piny ki køør tuuŋ marge.

2 Luup Nyeye 31:2

'Ba Edhekaya dïlämme ki jø tuuŋ Libay acïïmme na dhøgi, ni cïp tïïc mar ŋati man nø jïgø ki yi dhøk mana en yie. 'Ba tïïe moa cïbe jï jøøgø bëët na mo tïïge rege, beege cïp olämme mo wø waaŋ bäre, ko olämme mo wø duunni ki mëër, ki tïny Øt Wuuö Jwøk, ki dwøk met ec ki pwøc dï kal mar Øt Wuuö Jwøk.

2 Luup Nyeye 8:14

'Ba Cølöman ki køør ciik mo wänni ma Deebit, dïlämme acïïmme na dhøgi bäät tïïe moge; ni cïïm jø tuuŋ Libay na dhøgi kiper tïï dwøk pwøc ki køny dïlämme ki tïïc ki køør ciik moa näk ocïp piny kiper yi cäŋ cooth; ni cïïm jø koor dhøk kal na dhøgi bäät dhøk kal bëët, ki køør mana caan Deebiti na näk dhaanh Jwøk.

Edhera 6:18

Køøre geni dïlämme apääŋge na dhøgi, ni pääŋge jø tuuŋ Libay na dhøgi kiper tïï Øt Jwøk na en Jerucalem, ki køør mana no ogöörö yi wëël Modhe.

Bwøth Wøk 28:1

«'Ba ïïni na Modhe en, cöögu ma Aran ki wääte wär nyïï buutï, ni lwørï ge dï jø Icriel, naa tïnyge ni gena dïlämme. Ni beeye Aran ki wääte na näk Nadap ka Abiyu ki Eliedhar ki Itamer.

Bwøth Wøk 28:41

Køøre nø, gïïögø bëët wär kïth dëër cöögu ma Aran, ni kïthï mo wääte dëëtge na aciel ki eni bëët; ni jørï geni ki maaw, ni røønyï geni, ni tïïyï ge na jiy mo ena kur keerge, naa tïnyge ni gena dïlämme.

Bwøth Wøk 29:1

«'Ba jöö mano tïïyï Aran ki wääte na jiy mo ena kur keerge ki gø, naa tïnyge ni gena dïlämme, beeye en. Wärï lwötï ki nyirøøa ma rwaath ki nyöök rööm ariiø mo bäŋ gïn mo jøøŋŋi dëëtge,

Bwøth Wøk 29:44

«'Ba aani oduŋkaany røømmø ki gïn wø cïp olämme bääte tïïa tïïö ni bëëtge na gïï mo ena kur keerge; ni tïïa Aran ki wääte na jiy mo ena kur keerge thuwø, naa tïnyge ni gena dïlämme.

Bwøth Wøk 29:9

ni twöï kaae moa näk mo abïïe dëëtge, ni kïthï cöörri wïthge. Ni tïm tïï dïlämme ni ena ceŋge cooth, ni put tïïci manøgø bëëtö na ciik jïge. Ni manøgø beeye jöö mano cïbï tïïc mar Aran ki wääte ceŋge ki gø.

Bwøth Wøk 30:30

«Ni jørï Aran ki wääte niï røønya geni, ni cïbï geni kur keerge, naa tïnyge ni gena dïlämme.

Kwään Jiy 18:7

Ni ö ïïni ki wäätï ni tïïyu tïï dïlämme na näk tïïc maru, këël gïï wø manynyi kiper gïn wø cïp olämme bääte, ki tïï kanya en kur keere na pere leth na näk ogëëŋö ka abïï. Tïïe moøgø bëët otïïyu. Tïï dïlämme acïba jïïu na muuy; 'ba noo näk da dhaanhø mør jaak mo nyänhnha buut oduŋkaara, wala manynya tïïc mana en yie nee tïïe, wär eni 'näk.»

Luk 1:5

'Ba ki yïth nïr Eerat na bëëdö na nyeny Judia, kaaca da dïlämi mo nyeŋŋe cwøl ni Dhekaraya, na käl dhi øt Abaaja. Eni jïre da dhaagø mo käla dëët jø dhi øt Aran, mo nyeŋŋe cwøl ni Ilidhabeth.

Luk 1:7

'Ba jïge bäŋ nyilaal, kiper Ilidhabeth bwøc, ni geno nø jalø karge riet.