Luk 1:79 - Wëël Jwøk

⁷⁹ nee tar cïbe jï jø wø bëëdö yi muudhö, ni bëëdö dhi thøø, ni bwøth øøni ki waŋjöör bëët-mëër.»

Luk 1:79 Iomraidhean Croise

Jööp 10:22

kanya näk bëëdö na wäär ni näga muudhö, ni wïc ee kierø ni tar mare poot na muudhö.› »

Jööp 3:5

Beerra man mayi ya muudhö ki lwøc mo cøl; beerra man rïëpi ya pöölö; beerra man ö dïcäŋögø ni wëëgi ya muunhnhögø lwär.

Pwöc Leec Wïc 3:17

Uutjïëthe moe beege ni wø cïpi ki met ec, ni uutjïëthe moe bëët beege ni wø duunni ki bëët bëënynyö.

Pwöc Leec Wïc 8:20

Aani na leec wïc, a wø cäädha øtjöör bëënynyö, naa ena dï jöör adïëri,

Aydheea 42:16

Cööye bwødha bwødhø ki waŋjöö mo kucge, ge pieya pieyø ki nyeŋ jïëthe mo kucge. Muudhö tïïa tïïö na tar nyïmge, ni ö kwöra gwalli øtjöö ni tïïa ge ni pøøth. Gïïögøøni beege noo tïïa, ni ge ba wïïa jaak ni kära tïïö.

Aydheea 42:7

nee nyeŋ cööye japï, nee jiy moa no otwöö uut tööc nee ge pätï, ni beege jø wø bëëdö kwör tööc moa cøl yi muudhö.

Aydheea 48:17

Man beeye dwør Wuuö Jwøk, eni na wïïl uuni wøk, eni na Jwø Icriel na en kur keere, ena köö, ni «Aani, aana Wuuö Jwøk, Jwøk maru, ni wø pwöny uuni nou bëënynyu, ni wø bwøth uuni ki jöö mano cøru yie.

Aydheea 48:22

Wuuö Jwøk aköö, ni «Bëët-mëër bäŋgø jï jø raay.»

Aydheea 49:6

Ena köö, ni «Bee gïn mo thiinh jaak kipera ki man tïïa ïïni na dhaanhnha, nee wïth tuŋi mo Jeekap tïŋï maal, ni duuï jø Icriel moa no odööŋ ni kwøw. Aani thuwø ï tïïa tïïö ni ïïna tar mar wïth juurre, nee pïëm mara man wø piema jiy ki gø nee pïïe teegi mo piny bäre.»

Aydheea 49:9

ni kööï jï jiy moa no omaaø ki tøŋ, ni ‹Dunynyu wøk,› ni kööï jï jiy moa en yi muudhö, ni ‹Nyoothu rou.› Geno bëëdö kaamar dïëk mo cämö ni yïthge met jaak thäk nyeŋ jïëthe, mo cam marge jootge bäät thuuri moa leer.

Aydheea 59:8

Uuni øtjöör bëët-mëër kuyu, ni bäŋ ŋøl luup ma kare uutjïëthe mou. Uutjïëthe mou you tïïö no oköömmö, ni ŋat wø cør yïthge bäŋ bëët-mëër mo ŋääe.

Aydheea 9:2

Jiy mo wø cäädhi yi muudhö, tar mo dwøŋ oneenge, ni ö jø wø bëëdö yi ŋöömma näk muudhö ni rieny tarri bäätge.

Jeremaya 2:6

Geni, ge kär pëëö, ni ‹?Wuuö Jwøk en kaa, na käl øøni wøk ki yi ŋööm Ijep, na bwøth øøni ki dï paap, yïth pwöle mo otal mo ocöötö ki kääk, yi ŋöömma näk yie da meel na kany mo cøl ma kar thøø, yi ŋöömma näk bäŋ ŋat mo cør yie, na näk bäŋ ŋat mo bëëde yie?›

Jeremaya 6:16

Luumma caan Wuuö Jwøki jï jiye beeye en, ena köö, ni «Cuŋŋu ya agääk jïëthe, ni raŋŋu gø døøc, ni pëënynyu uutjïëtha cääŋŋe, man näk mo jööra beer a mane, ni putu wääth ki yie; køøre uuno jïti ki jwömö ki yïth cwïnynyu. 'Ba uuna köö, ni ‹Jïwa bäyö, wa ba cäädhi ki yie.› »

Mathiew 4:16

jøøa bëëdö yi muudhö, tar mo dwøŋ aneenge, ni kwäär øwi bäät jøøa bëëdö dhi thøø.»

Luk 2:32

na tar mano nyooth jöö jï juurre, na ajiemma eni jï jiyï ma jø Icriel.»

Jøøn 1:9

'Ba taya näk adïëri na cïpö ki tar jï jiy bëët, beeye eni na ö piny.

Jøøn 12:46

Aana öö ni aana tar kiper piny, nee ŋato jïëy ki aani ni ŋääth aani nee ba dööŋe yi muudhö.

Jøøn 8:12

Ni ö Jecu ni cäŋ cäännö ki geni ni kööe, ni «Aana tac piny. Ŋat wø cäädhi køøra, ba cäädhi yi muudhö këët, 'ba beeye tac kwøw noo joode.»

Jøøn 9:5

Kany pooda naa poot ena piny en, aana tac piny.»

Moa Tïïc Nyïïatwieli 10:36

'Ba luumma jääŋ Jwøki baŋ jø Icriel ŋäyu, ni køpa luumma nyään na met mar bëët-mëër ki køør Jecu Krictø, ŋata näk Kwääc jiy bëët,

Moa Tïïc Nyïïatwieli 26:18

kiper nee nyeŋge japï, nee muudhö wecge ni løøge rege baŋ tar, ni wecge teek Ceethan ni løøge rege baŋ Jwøk, kiper nee raay moge wec Jwøki, ni jïtge ki karge dï jøøa näk ocïp kur keerge na mo Jwøk, ki køør ŋäädhe man wø ŋääthge aani.›

Wëëlö Mana Göör Pøølli Baŋ Jø Röm 3:17

Ni jöör bëët-mëër kucge.»

Epeca 5:8

Kiper dïkwøŋ uuna muudhö, 'ba kawaane uuna tar ki ri Wuuö. Cäädhu ni uuna nyïï tar.