Luk 1:78 - Wëël Jwøk

⁷⁸ ki køør met yi Jwøk marø na jwør can marø, ni ö bäätø ki maal kaawat man wø cööt øwi,

Luk 1:78 Iomraidhean Croise

Aydheea 11:1

'Ba lwiidhø ojoot ki ri Jeci; ni ö bati mano ööi ki ree ni nywøle ki nyey.

Aydheea 42:16

Cööye bwødha bwødhø ki waŋjöö mo kucge, ge pieya pieyø ki nyeŋ jïëthe mo kucge. Muudhö tïïa tïïö na tar nyïmge, ni ö kwöra gwalli øtjöö ni tïïa ge ni pøøth. Gïïögøøni beege noo tïïa, ni ge ba wïïa jaak ni kära tïïö.

Aydheea 63:15

Wui, Wuuö Jwøk, lwïthï piny ni räŋŋï niï ena maal kar bëëtö marï na en kur keere na näk mar ajiem. ?Age këëyö marï ki teek marï? Mëër marï ni wø ba jøøl ki bäth ec marï akanï ki waani.

Aydheea 63:7

Aani, mëër man wø ba jøøl mar Wuuö Jwøk caana caanø, ni caana tïïe moe mo nyeŋŋe doo pwøø kiperge ki køør gïïa tïïe bëët kiperø, ki japa beyø na thööth na tïïe kiper dhi øt Icriel ki køør bäth ec mare ki mëër mare na dwøŋ ni wø ba jøøl.

Dhekaraya 3:8

« ‹Wui ï na Jøcua, ni bee ï na Kwääy Lam Mana Dwøŋ, cek ïthï ki nyïïawäätï moø no opï piny buutï yøø, ni beege jøøa näk nyuuthe kiper gïïo tägi yi nyïm. Kiper ka adïëri møn, aani dhaanhnha na caal lwinh jaath 'käla kälö.

Dhekaraya 6:12

Ni caanï gø jïre ni man bee dwør Wuuö Jwøk, eni na wïth jammi bëët, ena köö, ni ‹Man bee dhaanhø mo nyeŋŋe cwøl ni Lwinh Jaath; eno løth kaamar lwinh jaath kanya en yie, ni geer øtø mar Wuuö Jwøk.

Milkiya 4:2

'Ba kiperu, u wø lwäär nyeŋŋa, adïëri mara man wø nyooth teek pïëm öö bäätu kaawat man wø tuul cäŋŋi, ni ö kønynyi mara ni rienye bäätu kaamar cäŋ. Ni cäädhu ni tïm yïthu ni met kaamar nyïïrøøe mo bïëdö kiper mana gøøny geni.

Kwään Jiy 24:17

«Ŋato ööi anø jooda, 'ba öönynye patha ennø; ni eni nëënö jïra, 'ba kare ba cään. Nyeya othïïŋ ri jø Icriel, ni caala cëërö mo pøn ri jic Jeekap; ni ö eni ni gøøc jø Möap ki kare bäre, ni dïïr wïthge, ge na näk jø okiera.

Jøøn 3:16

«Kiper Jwøk mëër ki jø piny døc, ni beeye na cïp Wääde ma aciel, kiper nee ŋato wäro jïëy ki eni ni ŋääth gø nee kwøe ki kwøw mana näk adïëri mo bäŋ cuŋŋe, nee ba ränynye.

Epeca 5:14

Ni beeye na købi, «Ni päyï nø, ï no obutö, ni ööï maal ki yi thøø. 'Ba Krictø ïïno mooe ki tar.»

Pilipay 1:8

Kiper Jwøk beeye ni ŋäc mara, naa lääŋŋa uuni døc ki mëër mana en jï Krictø Jecu.

Pilipay 2:1

'Ba ni näk ŋäyu ni da cøm cwïny ki ri Krictø, ki mëër ni tïïö cwïnynyu, ni uuno kuut ri Jwïëc Jwøk, ni da met ec ki pänh cwïny kiper jø møøk mo you joodø,

Köløcia 3:12

Kiper manøgønø, kaawat mana ö Jwøki na jier uuni, nou ena kur keeru na mo Jwøk ni uuno omëëye, bëëdu ni cwïnynyu jööt, ni yïthu bäth, nou mwöl, ni bäŋ atöör, ni cwïnynyu you cïp piny.

2 Piter 1:19

'Ba luumma kwøŋ nyïïkuk Jwøki køp, ajootwa na adïëri møn. Doo beerra eni jïïu ki man cegu ïthu døøc ki gøøni keda lamba mo liella yi muudhö, gøøc mano ö tiet øwi noo kwääre ni päny cëëy amöölla yïth cwïnynyu.

1 Jøøn 3:17

?'Ba ni näk da ŋat mo jïre da jap piny ni neen coki ni can, ni mec waŋe ki gø, mëëc Jwøk bëëde cwïnye nidïï?

Mana Nyooth 22:16

«Aana Jecu na jääŋ nyïïatwiel maal mara baŋu ki gïïögø nee køp jï acook Jwøk. Aana lweet Deebit ni näga kunhnhe, na cëëc øw na tar.»