Luk 1:76 - Wëël Jwøk

⁷⁶ 'Ba ï na nyilaal, ïïno cwøl ni ïïna nyikuŋ Jwøa Dwøŋ ni en Maal, kiper ïïno cäädhi nyïm Wuuö niï jiiŋŋa uutjïëthe moe,

Luk 1:76 Iomraidhean Croise

Milkiya 3:1

Wuuö Jwøk, eni na wïth jammi bëët, aköö, ni «Neennu, aani nyïïatwiel mara ojääŋŋa, ni ö eni ni jiiŋ jöö nyïma; ni ö kwäärö na manynyu ni ö yi øt lam mare ni cwöba rou. 'Ba eni na nyïïatwiel mano käär luumma tuut Jwøki ki jiy oööi, ni beeye ŋata met yïthu ki gø.»

Milkiya 4:5

«'Ba kanyo poode ni dïcäŋ mara, a na Wuuö Jwøk, poot kär öö, ni beeye dïcäŋo täk gïïa døøŋŋø yie, noo lwäärö ki gø, nyikugö mara ma Ilaaja ojääŋŋa baŋu.

Mathiew 14:5

'Ba këël na bëëde ni Eerat manynya man 'näk Jøøn, ena lwäyö ki jiy. Kiper ojïëc jiyi ni Jøøn beeye nyikuŋ Jwøk.

Mathiew 21:26

'Ba noo caanø gø, ni ‹Käla baŋ jiy›, ø lwäär ki lwaak, kiper jiy bëët ojïëy ni Jøøn beeye nyikuŋ Jwøk.»

Mathiew 3:11

«Aani, dëëtu lwøa ka pïï na nyuudhi kiper løk cwïny, 'ba ŋato ööi køøra dwøŋŋa eni ki aani, ni këël wac tiete kiree a ba rømi ki man käära ge ki cera. Eni uuno lwøe na nyuudhi ki Jwïëc Jwøk na en kur keere ki maac.

Mathiew 3:3

'Ba Jøøn beeye ŋata cään nyikuŋ Jwøki ma Aydheea kipere, na kööe, ni «Da dwør dhaanhø mør mo cwödö ŋää paac, ni ‹Jiiŋŋu jöör Wuuö, ni tïïyu uutjïëthe moe ni thïïŋ.› »

Maak 11:32

?'Ba olønye jïïø nidïï ki man kööø, ni ‹Käla baŋ jiy›?» Kiper ge lwäär ki jiy, kiper mana bëët jiyi bëët ni geno jïëy ni Jøøn a nyikuŋ Jwøk mana na adïëri.

Luk 1:32

'Ba kare otïmö ni dwøŋ, ni cwøli ni O Jwøa Dwøŋ ni en Maal. 'Ba eno wëëk Kwäärö ma Jwøk wäl kwari ma Deebit,

Luk 1:35

Ni kö nyïïatwiel maalli jïgø, ni «Jwïëc Jwøk na en kur keere öö bäätï, ni ö teek Jwøa Dwøŋ ni en Maal ni rïëp ïïni. Kiper manøgønø, nyilaaro lwaarø ki gø, ocwøl ni ena kur keere na O Jwøk.

Luk 6:35

'Ba mëërru ki nyïïmännu ni tïïyu gïï mo beyø jïge, ni wëëgu ge mäyö baŋu, ni bäŋ gïn mo ŋääthu ni duua baŋu. 'Ba uuno jïti ki gïn mo dwøŋ maalø, ni tïmu na wäät Jwøa Dwøŋ ni en Maal. Kiper eni ki dëëre mëëye wø nyuthe jø wø kuc dwøk met ec, ki jø raay.

Jøøn 1:23

Ni kööe jïge, ni «Aana dwør dhaanhø mo cwödö ŋää paac, ni ‹Tïïyu jöör Wuuö Jwøk ni thïïŋ,› kaawat mana caan nyikuŋ Jwøki ma Aydheea.»

Jøøn 1:27

ni beeye eni noo ööi køøra, ŋata näk thøøth waye ba doo mïërö jïra ki man päda ge wøk tiete.»

Jøøn 3:28

Uuni ki dëëtu, mara awïnynyu na caana gø, na ‹A paa Krictø, 'ba beeye aani na jääŋŋi nyïme.›

Moa Tïïc Nyïïatwieli 16:17

'Ba ena läm køør Pøøl ki waani ni rëëdö, ni köö, ni «Jøøi ii beege jø wø tïny Jwøa Dwøŋ ni en Maal, ni ge køpa luum jöör pïëm man piem jiy ki gø jïïu.»