Luk 1:6 - Wëël Jwøk

⁶ 'Ba gena jiy mo beyø nyïm Jwøk karge riet, ni ge caatha køør moa näk ocem Wuue ki ciik moe bëët, ni bäŋ gïn mo ege baaø rege.

Luk 1:6 Iomraidhean Croise

Wïlöölö 17:1

'Ba kanya tïm Abrammi ni cwiiye pïërabïŋween ka abïŋween, Wuuö Jwøk ree anyoodhe jï Abram, ni kööe jïgø, ni «Aana Jwøa en teeki jïre; beerra man cäädhï nyïma, ni bëëdï ni bäŋ gïn mo jøøŋŋi ri bëëtö marï.

Wïlöölö 6:9

Man beeye luum nyïïkwaac Nöa. Nöa beeye dhaanhø mo mare beer ri jøøa bëëdö kar kaaca, ni bäŋ gïn mo jøøŋŋi ri bëëtö mare. Ena bëëdö ni caatha køør Jwøk.

Wïlöölö 7:1

Køøre Wuuö Jwøk aköö jï Nöa, ni «Ïïni ki jø paarï bëët, cou yi jääy, kiper beeye ïïna ŋata jooda keere ni mare beer ri beenhnhø man bäre.

1 Nyeye 15:5

Kiper Deebit abëëdö ni tïïya gïï mo nëëni ni beyø ki jï Wuuö Jwøk, ni käre gaa wøk ki gïïa köömmi ya Wuuö Jwøki ki geni bëët, yïth nïne moa beede bëët; 'ba beeye luum Uria nyï Këth keere na gaa wøk ki gø.

1 Nyeye 9:4

«'Ba ïïni, ni näk miï bëëdö niï tïïya adïëri nyïma, kaawat mana tïïc wäru ma Deebit, ni cwïnyï thïïŋ, ni tïïyï jammi bëët moa köömma ïïni ki ge, ni gwøgï ciik 'moa ki luup ŋøl 'moa,

2 Nyeye 20:3

ni «Wui, Wuuö Jwøk, a kwaya ïïni, par wïïï ki mana bëëda naa caatha køørï na adïëri ki cwïnya bäre, ni tïïa ki gïï mo nëëni ni beyø ki jïrï.» Ni ö Edhekaya ni put jwöŋö døc ni yie ee keeyø.

2 Luup Nyeye 17:4

'Ba eni manynya Jwøk, Jwø kwari, ni cäädhi ka køør ciik mo gø, ni tïïe moa wara tïïc jø Icrielli käre tïïö.

Jööp 1:1

'Ba da dhaanhø mo obëëdö yi ŋööm Uc mo nyeŋŋe cwøl ni Jööp. 'Ba dhaanhø manøgø, ena dhaanhø mo bäŋ gïn mo ogwäyö ri bëëtö mare, mo bëëtö mare tiir, ni eni lwäär ki Jwøk, ni ree ee mänö ki gïï mo reyø.

Jööp 1:8

Køøre Wuuö Jwøk aköö jï Ceethan, ni «?Dhaanhnha ma Jööp ajootï? Eni, ena dhaanhø mo bäŋ ŋat mo caala gø bäät piny; ena dhaanhø mo bäŋ gïn mo ogwäyö ri bëëtö mare, mo bëëtö mare tiir, ni eni lwäär ki Jwøk, ni ree ee mänö ki gïï mo reyø.»

Jööp 9:2

na «Adïëri møn, ŋääa ni manøgø bee gïn ma kare, ?'ba ennø, bëëtö mar dhaanhø tïme ni tiir nidïï nyïm Jwøk?

Luk 1:7

'Ba jïge bäŋ nyilaal, kiper Ilidhabeth bwøc, ni geno nø jalø karge riet.

Luk 16:15

'Ba Jecu aköö jïge, ni «Beeye uuni ni wø pwøc dëëtu keeru nyïm jiy nou beyø, 'ba cwïnynyu ŋäc Jwøki. Kiper gïn wø näk wøp døc ki jï jiy, beeye gïna raaca eni ki jï Jwøk.

Luk 2:25

'Ba kanyøca da ŋat mo ena yi Jerucalem mo nyeŋŋe cwøl ni Cimien. 'Ba ena dhaanhø mo beer ni cwïnye ena køør Jwøk, ni bëëde ni køya ŋato cøm cwïny jø Icriel. Ni Jwïëc Jwøk na en kur keere ena bääte.

Moa Tïïc Nyïïatwieli 2:25

Kiper gïre acaan Deebiti, «ni ‹Wuuö Jwøk a wara neeta nyïma cooth, kiper eni wø ena bäät cer cwïïa naa ba pädha.

Moa Tïïc Nyïïatwieli 23:1

'Ba Pøøl nyeŋ kwääc løøe aneene ni ee kemø, ni kööe, ni «Nyïïmera, aana bëëdö nyïm Jwøk ki cwïny mo leer bäre këël dïcäŋi en.»

Moa Tïïc Nyïïatwieli 24:16

Kiper manøgønø, raa yaa gwøø cooth ki man bëëda ni cwïnya tar nyïm Jwøk ki nyïm jiy.

Moa Tïïc Nyïïatwieli 8:21

Ïïni, bäŋ karï man thiinh en ri tïïc man, kiper cwïnyï patha kare nyïm Jwøk.

Wëëlö Mana Göör Pøølli Baŋ Jø Röm 8:4

Ni manøgø tïïe kaper nee bëënynyö mana many ciik Jwøki nee thur kare dëëtø, ø wø caath køør Jwïëc Jwøk ni patha køør mo dëël.

1 Körin 11:2

Uuna pwøa kiper mana lääŋŋu aani ki yïth jammi bëët, ni gwøgu kööŋŋe kaawat mana wëëga ge uuni.

2 Körin 1:12

'Ba atöör marwa beeye en, kiper ŋäcwa ki cwïnywa ni waana bëëdö pinyi en ki bëëtö mana en kur keere na käl baŋ Jwøk, ni bäŋ atade yie, ni kadha bëëtö mana beetwa nyïmmu. Ni bëëtö marwa ba käl ri riek waŋ mar pinyi en, 'ba käla ri met yi Jwøk.

Tiet Ciik 5:33

Cäädhu ki køør ciik bëët moa ö Wuuö Jwøki na näk Jwøu na kööm uuni ki ge, kiper nou bëëdu nou kwøw, nou jïtu ki bëëtö mo beer, ni ö cwiiri mou ni thöönhge yi ŋöömmo lwørru na maru.

Pilipay 2:15

kiper nee bäŋe ajäla mo ö dëëtu, ni bëëtö maru beer, ni uuna nyïï Jwøk mo bäŋ gïn mo jøøŋŋi ri bëëtö maru, kany bëëdu dï jøøi ni reyø ni wïthge teek ni en piny en, jøøo rienynyu dïge keda ceer ni wø meeny piny,

Köløcia 1:22

kawaane, uuna dwøk baŋe ki køør thøw Jecu, na cïp rïŋ dëëre, kiper nou kïth nyïme nou ena kur keeru, ni bäŋ ajäla dëëtu, ni bäŋ gïn mo jøøŋŋi dëëtu nyïme,

1 Thecalönika 3:13

Kiper manøgønø nee cwïnynyu tïïe ni ba jøøŋŋi ni ena kur keerge nyïm Jwøø na näk Wääø, yi cäŋo ö Kwääyø ma Jecu ki jiye bëët.

2 Piter 3:14

Kiper manøgønø, omëëya, na tïme nou koora gïïögø, putu manynyø ki cwïnynyu bäre nou nwäne ki bëët-mëër ni bäŋ kïdö mo raac wala gïn mo jøøŋŋi dëëtu.

1 Jøøn 2:29

Ni näk ŋäyu ni mare beer, dou ŋääö ni jiy bëët mo wø tïïc gïno beer, nywøla eni.

1 Jøøn 2:3

Ni näk luup moa cem Jwøki yøø gwøø, beeye noo ŋääø gø ni eni ŋääø.

1 Jøøn 3:7

U ni therø, kär dee ŋat cøøk uuni. Ŋat wø tïïc gïn mo beer, eni beer keda mar Krictø na beer.