Luk 1:33 - Wëël Jwøk

³³ ni ö jø dhi øt Jeekap ni bëën eni na bäre bäre, ni bëët buye ni bäŋ cuŋŋe.»

Luk 1:33 Iomraidhean Croise

2 Camiel 7:13

Ni ö eni ni gëëde ki øtø kiper nyeŋŋa, ni këëlla tier wälu mar nyec mare piny na bäre bäre.

2 Camiel 7:16

'Ba dhi øtø marï ki nyec marï puta ruuö køørï; ni këëlla tier wälu marï piny na bäre bäre.› »

Aydheea 16:5

wälu okëël piny ni teek ki mëër; ni ö dïŋut luup mo tïïö na kare ni pï bääte, ni beeye ŋato ööi ki dhi øt Deebit, ni wø many ŋøl ma kare, ŋat wø laar luup ŋøl na adïëri.

Aydheea 9:7

'Ba bura mare ki bëët-mëër mare cäätha maal ni ba cuŋ, ni pï piny bäät wäl Deebit ki buc nyec mar gø, ni mak gø ni ee jølø ni teek ki ŋøl ma adïëri ki bëët bëënynyö, ki mano täge ennø këël bäre bäre. 'Ba Wuuö Jwøk, eni na wïth jammi bëët, gïnögø tïïe tïïö nee thur kare ki këëyö mare.

Jeremaya 23:5

Wuuö Jwøk aköö, ni «Ka adïëri møn, da nïne mo öö, maa tïŋŋa maal ki ŋat mo mare beeye adïëri, na ŋat mo tïmö na lwiidhø mo käla ri dhi øt Deebit, ni ö ŋatøgø ni bëëde ni nyeya, ni käär paac ni wïïe leer, ni luup ŋøle na karge ni tïïya adïëri yi paac.

Daniel 2:44

«'Ba noo tïme na yïth nïr nyeye moeke, Jwø maal da akwöm nyec mo këëlle piny mo ba ränynyi na bäre bäre; na akwöm nyec manøgø ba wëëk jiy møøk. Eni akwöm mo nyec moeke bëët di nyadhø ni dïïr wïthge; 'ba eni ki dëëre keere, bëëdö na bäre bäre.

Daniel 4:34

'Ba kanya thum cwiiri moøgø na abïriiø yøø, a na Nabukedenecör, nyeŋŋa ataa maal, ni ö acaara mara ni put duu baŋa, ni ö Jwøa dwøŋŋi ni en maal ni puta gø pwøc, ni wøøra eni, ni jiema eni, eni ni wø bëëdö na bäre bäre. Teek mare bëëdö na bäre bäre, ni buc nyec mare këëta yïth beenhnhe bëët,

Daniel 6:26

«Ennø, aana kän wøk ki ciik: Jiy bëët moa en ya akwöm nyec mara bëëtge ni ge lwäära Jwø Daniel ni dëëtge kwanynyi nyïme.» «Kiper beeye Jwøa kwøw ni wø bëëdö na bäre bäre, ni buc nyec mare beeye man wø bëëdö ni ba ränynyi, ni teek mare bëëdö na bäre bäre.

Daniel 7:18

'Ba jic Jwøa Dwøŋ ni en Maal, buc nyec oci jïge, ni ö buc nyeci manøgø ni tïme na marge na bäre bäre, ki yïth beenhnhe bëët moo ööi.›

Daniel 7:27

Køøre teek mar käär jiy, ki dööŋö bäre mar akwöp nyec mo bäät piny put ka cïp ceŋ jic Jwøa Dwøŋ ni en Maal. Buc nyec mar Jwøa Dwøŋ ni en Maal beeye bura mo bëëdö na bäre bäre, ni ö jøøa en teeki ceŋge ni tïnyge eni ni wïnyge mare.›

Obadiya 1:21

'Ba jøøa piem jiy geno ci maal bäät Kïn Dhayan, nee po jø tuuŋ Icøø na en bäät kïte nee käärge. Ni ö buc nyeci ni tïme na mar Wuuö Jwøk.

Mikiya 4:7

Aani, ŋööte ki jiy moa no ojarø tïïa tïïö na mo dööŋ, ni tïïa geni na wï jur mo teek. Ni ööa, a na Wuuö Jwøk, ni käära geni ni aana nyeya marge bäät Kïn Dhayan, ki mano täge kar kaace nø, këël bäre bäre.

Mathiew 1:1

Man beeye tier tuuŋ mar Jecu Krictø na käl ri Deebit na käl ri Eeberam.

Mathiew 28:18

Ni ö Jecu baŋge ni kööe jïge, ni «Teek mar maal bäre ki mar piny bäre anø wëëk aani.

Luk 1:34

'Ba Meeri aköö jï nyïïatwiel maal, ni «?Gïnögø otäge nidïï, kiper jïra bäŋ dïcwøø?»

Wëëlö Mana Göör Pøølli Baŋ Jø Röm 9:6

Ni manøgø ba caan gø ni luum Jwøk kär thur kare. Kiper nyïïkwaac Icriel paa jø Icriel bëët,

Galeecia 3:29

'Ba ni näk uuna mo Krictø, uuna nyïïkwaac Eeberam møn, ni uuna lwiidhi, kaawat mana kwøŋ buuk.

Galeecia 6:16

Bëët-mëër ki met ec obëëdö bäät jø wø bëën luummi en, na näk jø Icriel moa näk adïëri mo Jwøk.

Pilipay 3:3

Kiper øøni, øøna jøøa daŋ na adïëri, ni wø wøør Jwøk ki ri Jwïëy, ni ø töödö ka ri Krictø Jecu, ni ø ba ŋääth mo dëël na bäre bäre.

Ibaru 1:8

'Ba mar Wäädö, ee caanø, ni «Ï na Jwøk, wälu marï obëëdö këël na bäre bäre; ni ŋøl ma adïëri otïmö ni beeye athøny kwär mar buyï.

Mana Nyooth 11:15

Ni ö bïriet nyïïatwiet maalli ni kooth tuuŋ mare. Ni jït maalli ki dööti mo døøŋŋø, mo cäänö, ni «Buc piny atïmö na buc Kwääyø ma Jwøk, eni ki Krictø na røønye. 'Ba eno bëënni këël na bäre bäre.»