Köløcia 4:12 - Wëël Jwøk

¹² 'Ba uuna määth Epapara ŋata öö ki baŋu, na näk laŋ Krictø Jecu. Eni lääŋŋa uuni cooth ki cwïnye bäre yïth laam moe, nou cuŋŋu ni uuno thur karu, ni moa many Jwøki bëët you kwanyø na adïëri.

Köløcia 4:12 Iomraidhean Croise

Mathiew 5:48

Kiper manøgønø, u doo bëëdö ni bëëtö maru bäre beer, kaawat man bëët Wääu ni en maal ni bëëtö mare bäre beer.

Luk 1:1

Kawaane jiy mo thööth anø tägö ki man göörge gïïa tïïc Jwøki na nø thur karge dïwa,

Luk 22:44

'Ba kiper mana tïme ni cwïnye opädhö døc, ena lämö døc ki cwïnye bäre. Ni ö kwäk mare ni tïme kaamar remø ni tøøna piny.

Jøøn 12:26

'Ba ni näk da ŋat mo tïnynya aani, wär eni caath køøra. Ni kanyo ena yie, beeye kanyo en ŋat wø tïny aani yie thuwø. 'Ba ni näk da ŋat mo tïnynya aani, eno røøny Wära.

Wëëlö Mana Göör Pøølli Baŋ Jø Röm 15:14

'Ba uuni nø, nyïïmera, ŋääa ki cwïnya døøc nou beyø, ni jammi bëët ŋäyu, ni maara lønyø jïïu ki man pwönynyu røgu.

Wëëlö Mana Göör Pøølli Baŋ Jø Röm 15:30

Nyïïmera, a kwaya uuni ki nyeŋ Kwääyø ma Jecu Krictø ki køør mëër mar Jwïëc Jwøk ki man lämu ki aani na aciel karubëët, ni kwaayu Jwøk døc kipera,

1 Körin 14:20

'Ba, nyïïmera, kär acaara maru tïmö na acaac obwöre. Bëëdu ni uuno obwöre mo mar ki kur raay, ni tïmu nou døøŋŋø ki kur acaara.

1 Körin 2:6

'Ba da leec wïc mo wø caanwa caanø dï jøøa wïthge leer. 'Ba paa leec wïc mar pinyi en, wala man wø car jø bëën pinyi en, jøø ni teekge ojøøl yøø.

2 Körin 13:11

'Ba ennø, nyïïmera, turu paar nø. Bëëdu ki bëëtö mana beer. Leŋŋu kwac mara. Mëërru ki røgu. 'Ba Jwø wø cïp mëër ki bëët-mëër oen buutu.

Galeecia 1:10

?Aŋø, aani kawaane, a manynya man ö jiyi ni pwøcge aani, ni patha pwøc mar Jwøk? Wala, a manynya man døøya yïth jiy mo met? Onää a poot døøya yïth jiy mo met, a bäŋ doo tïmö ni aana laŋŋø mar Krictø.

Galeecia 4:19

U na nyïïa, cwïnya ajïtö ki gïn mo caala mäc lwaar kiperu, këël mano tïm Krictø ni ena cwïnynyu.

Köløcia 1:22

kawaane, uuna dwøk baŋe ki køør thøw Jecu, na cïp rïŋ dëëre, kiper nou kïth nyïme nou ena kur keeru, ni bäŋ ajäla dëëtu, ni bäŋ gïn mo jøøŋŋi dëëtu nyïme,

Köløcia 1:28

'Ba beeye Krictø ni wø gïre køpwa, ni köömwa jiy bëët, ni pwönywa jiy bëët ki køør luup leec wïc bëët, kiper nee jiy bëët kïthwa nyïm Jwøk, ni kwänynyö marge othur kare na wøp ri Krictø.

Köløcia 1:29

Ni beeye ni ööla døc ki tïïc en, naa tïïö ka ki køør teek mare bäre, keda man tïïe cwïnya ki teege en.

Köløcia 1:7

kaawat mana kwanynyu gø baŋ Epapara, omëëcwa, na laŋŋø ki waani na aciel. Ena ŋat tïïc mo oŋäädhö mar Krictø mo kønya waani,

Köløcia 1:9

Kiper manøgø nø, ki mana täge dïcäŋa wïnywa gø yie, bäŋ dïcäŋ aciel mo ewa ŋøl wøk, ni wa ba lämö kiperu, ni wa kwaaya Jwøk nee moa many Jwøki bëët tïme ni ŋäyu ki køør leec wïc ka acaare bëët mo wø en ri Jwïëye,

Köløcia 4:9

'Ba Onecima, na näk oŋäädhö, löömmö ki gø, ni beeye cöögø na mëërø ki gø, ŋata öö ki baŋu. 'Ba jammi bëët moa tägö kany, ocaange jïïu.

1 Thecalönika 5:23

'Ba Jwøk ki dëëre, ni wø cïp bëët-mëër, uuno tïïe nou ena kur keeru ki karu bäre, ni ö jwïëyu, ki kwøw maru, ki dëëtu, ni bëëtge na karge ni bäŋ ajäla røkge, kanyo ö Kwääyø ma Jecu Krictø.

Piliman 1:23

'Ba ïïna määth Epapara, ni en øt twöc ki aani na aciel en ki køør Krictø Jecu.

Ibaru 5:14

Kiper kwön mo teek rømi ka jiy mo døøŋŋø, jøøa näk onø kwänynyö ki man ŋecge gïïa beyø ki gïïa reyø, kiper man wø pwönyge rege ki gø.

Ibaru 5:7

'Ba yïth nïne moa bëët Jecu bäät piny, Jecu alämö ni kwac Jwøk, ni jwöŋe ki pï nyeŋ ki dwøl mo päl, ni jwönna ŋata näk løny jïre ki man piem gø nee ba thøøe, ni wïny mare kiper mana leŋ luup mo Jwøk.

Jeemeth 1:1

Aana Jeemeth na laŋ Jwøk ki Kwäärö ma Jecu Krictø. A määtha uuni na tuŋi apaar kurriiø, u no okeethø dï piny.

Jeemeth 1:4

'Ba wëëgu tëënnö thur kare, kiper nou thuru karu na bäre bäre, ni bäŋ gïn mo läämö.

Jeemeth 5:16

Kiper manøgønø, køpu raay mou yïthakiyu keeru, ni lämu kiperu keeru, kiper nee dëëtu wø jöönge. 'Ba lam ŋat mo beer jïre da teek mo dwøŋ døc ki man tïïc jammi ni cööpge karge.

2 Piter 1:1

Aana Cayman Piter na laŋŋø na nyïïatwiel Jecu Krictø, a määtha uuni, u na wëëk ŋäädhe mo röömi ki marwa ki ri beeny Jwøk marø, ge ki Pïëmi ma Jecu Krictø.

Juut 1:24

'Ba pwøc en jï ŋat wø løny jïre ki man gwøk uuni ki pädhö, ni bwøth uuni kar ajieme, ni bäŋ gïn mo jøøŋŋi dëëtu ni yïthu met.