Köløcia 4:1 - Wëël Jwøk

¹ U na kwääri, bëëdu ki laaŋe mou na wøpe, ni ba caannu geni, ni ŋäyu gø ni jïïu da Kwäärö maal thuwø.

Köløcia 4:1 Iomraidhean Croise

Luup Dïpööy 5:8

Ni näk miï jïtö ki dhaanhø mo can mo di caarø yi paayø mo ŋøl ma adïëri ki bëëtö ma kare orwäänyö yie, kär cwïnyï thäŋŋö kanyo jootï gø; kiper kwäärö man nø da kwäärö mør bääte mo raŋŋa gø, ni kwääri moøgø thuwø poot da kwääri møøk bäätge mo raŋŋa ge.

Aydheea 58:3

Ge köö, na ‹?Aŋø ni wø ba neenï wödö marwa en kany wø kwierwa cam ni marwa wödö? ?Na aŋø ni wø ba raŋï gø en kany wø dwøkwa dëëtwa piny ni wa mwöl?› «'Ba ka adïëri møn, uuni, kany wø wödu, u tïïya man wø manynyu keeru, nou bëëdö ni jø tïïc mou bëët you thiel piny.

Ciik Kiper Dïlämme 19:13

« ‹Kär dhaanhø mør caanni, ni ba twierï gø. Ŋat mo tïïö baŋï ki gwel, gwete kär tïïyï nee ruue baŋï ki wäär bäre këël amöölla.

Milkiya 3:5

Wuuö Jwøk, eni na wïth jammi bëët, aköö, ni «Aano ö baŋu kuna jääla uuni, ni puta mara caan dëët ajuuk ki jø luuy ki jø wø kööŋ ni marge tööt, ki jø wø møt gwet jø tïïc, ni wø thiel määr thuunhnhi ki kïïe piny, ki jø wø daaŋ luum wëëlle mo path ki jöö mo patha kare; ni beege jø wø ba lwäär ki aani thuwø.»

Mathiew 20:4

Ni kööe jïge, ‹Uuni thuwø, cou yi pwödhö mara. Aano cïpi jïïu ki gwel mo rømø ki tïïc mano tïïyu.› Køøre gena ci pwödhö.

Luk 19:15

«'Ba kanya duue no orøønyø na nyeya, ena cïpö ki dwøl nee laaŋe moa mooe ki gwel nee cwøl jïre, kiper nee buua moa jootge ri gath ŋääe.

Jeemeth 2:13

Kiper ŋat wø ba køny can dhaanhø mør, wø ŋøla wøk ni bäŋ køny kipere. 'Ba ŋat wø kunyö, bäŋ kany mo ŋøli wøk ki gø.

Jeemeth 5:4

Neennu, gwet jøøa kac pwöth mou na møtu atïmö ni rëëdö. Ni ö oduuru mar jøøa kac caammi mou ni wïnye ïth Kwäärö Wuuö Jwøk, eni na wïth jammi bëët.

Mana Nyooth 17:14

'Ba geno määnynyi baŋ Nyidiel, ni ö geni ni bööti ya Nyidielli, kiper ena Kwääy kwääri, ni ena Nyeny nyeye, ni jøøo en buute, gena jøøa cwøl, na jier, na jiy mo oŋäädhö.»

Mana Nyooth 19:16

'Ba ra abïïne ki ya awaye ogöönnö ki nyeŋ, ni köö, ni «Nyeny nyeye ni näk Kwääc kwääri.»