6 Kiper gïïögøøni beeye no ö wëëc Jwøki bäät jø adhala.
?Aŋø, u buu ŋa? ?U ŋeethu bäät ŋa ni lëëpu you rwääö wøk? ?U patha wäät jø ageem, ni uuna wäät tööte?
Kiper wëëc Jwøk onyoodhø ni ööi ki maal dëët jø wø ba wøør Jwøk bëët ki rääö mar jiy na thiel adïëri piny ki køør rääö marge.
Kär dee ŋat mo cøøk uuni ki luup mo oballe jaak. Kiper beeye teeŋ gïïögønø ni wø käl wëëc Jwøk bäät jø adhala.
Bëëdu ni uuno obwöre ma dïlïŋ luup, ni ba tïmu nou caatha køør gïïa reyø na nieŋ cwïnynyu køørge kanya poode ni bäŋ gïn ŋäyu.
Ni nyeŋge ena køør käp, ni raay ba maarge wec. Ni ge maaŋŋa wïth jøøa cwïnyge cwøk. Ni cwïnyge ege pwönynyö ki wärö. Ni gena jiy mo ocienø.
'Ba guu, ki jø thïëth, ki kääpe, ki dïnäk jiy, ki jø wø lam juu møøk, ki jø wø mëër ki caan tööt oen wøk.
