Köløcia 3:5 - Wëël Jwøk

⁵ Kiper manøgønø, 'nägu jap piny ni en cwïnynyu, teeŋ kaa käp, ki rääö, ki gïïa reyø wø nieŋ cwïnynyu køørge, ki many raay, ki päl cwïny, na näk beeye wøør juu møøk.

Köløcia 3:5 Iomraidhean Croise

Bwøth Wøk 37:22

'Ba tuge ki gïïa no ojiiŋŋø ni mïërö yøø keda wïth jenni mo oŋøøk, atïïe ni ee gääbö na aciel ki dëër gø bäre. Ni thääth dëër gø bäre na gïrpiny aciel, ni tïïe ki warkey mana tøŋ.

Mathiew 15:19

Kiper acaare moa reyø wø ööi ka yi cwïny, teeŋ ka 'näk, ki luk, ki käp, ki käw, ki caan gïn mo patha adïëri, ki waac nyeŋ.

Wëëlö Mana Göör Pøølli Baŋ Jø Röm 1:26

Kiper manøgønø, gena wec Jwøki ki man bëëtge ni cwïnyge onieŋ ri gïï wø lää wïci ki ge. Ni ö määrge ni wiilge bëëtö mana dege bëëdö ki gø, ni tïïge ki gïï mo ba doo maara tïïc.

Wëëlö Mana Göör Pøølli Baŋ Jø Röm 1:29

Ni cwïnyge bëëdö ni päŋ ki teeŋ gïïa reyø bëët, ki raay, ki päl cwïny, ki cøl cwïny. Ni cwïnyge päŋ ki gwön, ki 'näk jiy, ki wëëye, ki cwøk, ka aranya. Ni gena dïwääc nyeŋŋi,

Wëëlö Mana Göör Pøølli Baŋ Jø Röm 6:13

Ni käru nou wëëga thäk dëëtu raay ni gena gïï wø tïïc gïï mo reyø. 'Ba cïpu dëëtu jï Jwøk ni uuna jiy mo okäl wøk ki yi thøø, ni cäŋge kwøw. Ni cïpu thäk dëëtu jï Jwøk na gïï wø tïïc gïï mo beyø.

Wëëlö Mana Göör Pøølli Baŋ Jø Röm 6:6

Ŋääø ni gïïa kwøŋ en cwïnynyø anäk bäät jaadha no odëëdö ki eni na aciel, kiper nee dëël mana päŋ ki raay nee ränynye, nøø tïmø ni ø patha laaŋe jï raay këët.

Wëëlö Mana Göör Pøølli Baŋ Jø Röm 7:23

'ba da gïn mør mo wø jooda joodø thäk dëëra mo këëdö ki luubö mana en wïïa, ni tïïya aani ni aana laŋ raay mo otwöö, ni bëëdö thäk dëëra.

Wëëlö Mana Göör Pøølli Baŋ Jø Röm 7:5

Kanya poodø ni ø bëënna moa wara cac dëëlli, gïïa reyø na wara nieŋø køørge, gena jiec ciik Jwøki, ni tïïge thäk dëëtø ni känge ki gïï mo duua thøø.

Wëëlö Mana Göör Pøølli Baŋ Jø Röm 8:13

Kiper ni näk mou bëëdö nou tïïya gïï wø cac dëëlli, u thøw. 'Ba ni näk tïïe mo dëël you wëëk thøø ki køør Jwïëc Jwøk, uuno kwøw.

1 Körin 5:1

Wui, akøp ni da käp dïïu, mo teeŋe kär kwøŋ joot këël dï jøøa kuc luum Jwøk na bäre bäre. Kiper akøp ni da dhaanhø mo bëëdö ka cï wänni.

1 Körin 6:11

'Ba teeŋ bëëtö manøgø beeye bëët jø møøk dïïu na poode. 'Ba uuna lwøk, ni cïp uuni kur keeru, ni uuno jïëö ni maru beer ki nyeŋ Kwäärö ma Jecu Krictø, ki ri Jwïëc Jwøø.

1 Körin 6:13

Kwön atïïc kiper ec, ni ö eci ni tïïi kiper kwön. 'Ba gïïögø geno raany Jwøki karge riet. 'Ba dëël kär cwäny käp, 'ba cwääc kaper Kwäärö. Ni ö dëëlli ni bëën Kwäärö.

1 Körin 6:18

Bëëdu ni karu bäär ki käp. Kiper raay møga bëët mo wø baac dhaanhe ba en ri rïŋ dëël, 'ba ŋat ma kääbi wø raanynya rïŋ dëëre kiree.

2 Körin 12:21

A lwäär kiper kanyo cäŋa duu baŋu, Jwøk mara waŋa odøøc mo law nyïmmu, ni kïmma ki gïr jøø ni thööth no obääyö yøø, ni ge poot bëëdö ni cwïnyge ba løkge ki man wecge rääö, ki käp, ki jap laac wïc na tïïcge.

Galeecia 5:24

'Ba jøøa näk mo Krictø Jecu, gïï wø many dëëlli agurge bäät jaadha no odëëdö, ki jape na reyø wø caye.

Epeca 4:19

Ni tïmge na jø ataa, ni putge cwïnyge cïp køør gïï mo patha karge, ni geno wär ki man tïïcge teeŋ jammi bëët moa reyø.

Köløcia 2:11

'Ba beeye eni thuwø, na ö uuni ni jïtu ki daŋ, ni beeye kanya gøønyu mo dëël piny, ni daŋ manøgø paa man wø tïïc ki ceŋ, 'ba beeye daŋ mana näk mar Krictø.

1 Thecalönika 4:3

Ni beeye mana many Jwøki nou tïmu nou ena kur keeru, nou tïmu ni karu bäär ki käp,

1 Thecalönika 4:5

ni ba en ri bëët käp, kaawat man wø tïïc juurre, jø wø kuc Jwøk.

1 Timöthi 6:10

Kiper mëëc jammi beeye wø käl teeŋ raay bëët. Ni beeye päl cwïny kiper jammi na tïm jø møøki ni geno gaa wøk ri ŋäädhe, ni raanyge cwïnyge ki luup mo thööth mo leth.

Ibaru 12:16

Ni bäŋe ŋat mo bëëte patha kare, wala ŋat mo taaga Jwøk, ni caala Icøø na ŋeew dööŋö mare ki kar cam aciel.

Ibaru 13:4

Beerra man tïm nywömmi na gïn mo owøørø jï jiy bëët, ni ba wëëk kar joot dëël mar nywöm ränynyö. Kiper kääpe ki jø lugi, marge oŋøl Jwøki wøk.

Ibaru 13:5

Bëëdu ni dëëtu you gwøø ki mëëc jammi, ni uuno rømø ki mou na en jïïu. Kiper Jwøk aköö, ni «U ba leeŋa piny, ni ba wiia uuni.»

Jeemeth 4:1

?Agïnaŋø ni wø käl lenye ki wëëye dïïu? ?Aŋø, patha gïïa reyø ni wø nieŋ cwïnynyu køørge ni wø këëdi yïth cwïnynyu?

1 Piter 2:11

U na mëëra ki uuni, a kwaya uuni, kiper mana näk uuna wëëlle nou path yi pinyi en, bëëdu ni karu bäär ki gïïa reyø wø many dëëlli ni wø këëdi ki jwïëyu.

Mana Nyooth 21:8

'Ba mar jøøa lwäyö, ki jøøa näk kär jïëy, ki jøøa näk ocienø, ki dïnäk jiy, ki jø käp, ki jø thïëth, ki jø wø lam juu møøk, ki tööte bëët, marge beeye ciin yi naamo liel ki maa näk jïye keec ni lïëth døc, na näk beeye thøw oen cään.»

Mana Nyooth 22:15

'Ba guu, ki jø thïëth, ki kääpe, ki dïnäk jiy, ki jø wø lam juu møøk, ki jø wø mëër ki caan tööt oen wøk.