Köløcia 3:2 - Wëël Jwøk

² Cïbu cwïnynyu køør jammi moa en maal, ni patha køør jap piny.

Köløcia 3:2 Iomraidhean Croise

1 Luup Nyeye 22:19

'Ba ennø, cïpu cwïnynyu bäre ki jwïëyu bäre ni manynyu Wuuö Jwøk, Jwøk maru, ni tägu geer øtø mana en kur keere mar Wuuö Jwøk, kiper na acanduk man wø nyooth luumma tuut Wuuö Jwøki ki jiy, ki jammi moa perge leth mo Jwøk moa en kur keerge, nee käli ni kïthi yi øtø mano geer kiper nyeŋ Wuuö Jwøk.»

1 Luup Nyeye 29:3

'Ba maya thuwø, ki køør met ec mara kiper Øt Jwøa, jammi moa en jïra, ni beege warkey ki gwet-bïrö, acïba no opöödhö ni ena maal ki jammi moa kwøŋa cïp kipere, eni na Øt Jwøa, ni beeye øt lam mana en kur keere.

Pwöc Leec Wïc 23:5

Kany wø näk mo waŋï këëta bääte, puta aay; kiper kwärö wø laara jïtö ki bwöm, ni tïme kaamar odhuuth ni wø määt maal.

Luup Dïpööy 7:14

Ki yïth nïne mo wø bëët jammi ni beyø, bëëdï ni iï met. 'Ba ki yïth nïne mo wø bëët jammi ni reyø, cädï ki man näk mo beeye Jwøk na tïïc manøgø ki maya. Kiper manøgø nø, dhaanhø bäŋ gïn mo løny jïre ki man ŋäc gø kiper bëëtö mare mano en nyïm bäre.

Mathiew 16:23

'Ba Jecu alwïthö ni kööe jï Piter, ni «Daak riï ŋääa, Ceethan! Bee ïïni ni cwany tieta en. Kiper acaara marï ba en løø Jwøk, 'ba ena løø jiy.»

Mathiew 6:19

«Kär dëëtu kännu ki jammi bäät pinyi en, ni da alweela ki nyal mo raanynya ge, ki kuuwe mo turö ki uudi mo kwädö.

Luk 12:15

Ni kööe jïge, «Caarru wïthu ni gwøgu rou ki bëët päl cwïny bäre. Kiper dhaanhø bäŋ wø kwøw kiper jammi na thööth jïre.»

Luk 16:11

?'Ba ni näk mo u kär ŋäädhö ri jap kwärö mo bäät piny, aŋa noo wëëk u jap kwärö moa näk adïëri?

Pilipay 1:23

Gïï na ariiø ii a ege diyø døc. 'Ba a doo naa manynya man aa ni cøøa buut Krictø, kiper beeye mana beerra eni døc.

Köløcia 3:1

'Ba ni näk uuno tïŋ maal nø ki Krictø, beerra man manynyu moa en maal, ni beeye kanya en Krictø yie, no opï piny kur cer cwïï Jwøk.

Köløcia 3:5

Kiper manøgønø, 'nägu jap piny ni en cwïnynyu, teeŋ kaa käp, ki rääö, ki gïïa reyø wø nieŋ cwïnynyu køørge, ki many raay, ki päl cwïny, na näk beeye wøør juu møøk.