Köløcia 3:16 - Wëël Jwøk

¹⁶ Wëëgu luum Krictø bëëtö cwïnynyu na adïëri, kaawat man wø pwönynyu røgu, nou jøga røgu ki køør acaare bëët mo leec wïc, kaawat man wø wärru Dut Pwøc ki dut Jwøk, nou dwøga met ec jï Jwøk.

Köløcia 3:16 Iomraidhean Croise

1 Nyeye 3:28

'Ba kanya ö jø Icrielli na wïnyge luum ŋøl mana ŋøl nyeya, gena put tïmö ni ge lwäär ki eni; kiper ajootge ni eno nø mooc Jwøki ki leec wïc nee luup wø ŋøle na karge.

1 Luup Nyeye 25:7

'Ba ge na jø wär, moa näk geno pwönynyö ki wär dudi jï Wuuö Jwøk na näk okwänynyö døc, kwäänge ki jø tuuŋge bëët beege dïpe ariiø ki pïërabära ka abära.

Neemiya 12:46

Kiper ya acääŋŋe yïth nïra beet Deebiti ka Acaapi, da jiy mo bëëdö na jø wø bwøth jø wø wär ki dudi, na jø wø bwøth jiy ki dut pwøc ki dut dwøk met ec jï Jwøk.

Jööp 23:12

Aani ciik moe kära wiiø; aani, luup mo wø ö wøk ki dhee yaa kan cwïnya, ni perge leth jïra ni kaala cam man wø cama ki yi cäŋ.

Pwöc Leec Wïc 14:8

Leec wï ŋat mo waŋe riek wø nyootha jïëth tïïe moe jïre, 'ba bøølø mar jøøa wïthge känni cøøga geni.

Pwöc Leec Wïc 18:1

Ŋat wø kul dëëre wø manynya mare keere, ni eni wø jøøŋŋa luup leec wïc bëët.

Obeec Dudi 1:1

Duut man beeye obeec dudi mo Cølöman.

Aydheea 10:2

nee luup jøøa näk jïge bäŋ teek na can nee ba ŋølge na kare, ni teek bëëtö mar jiya moa can ba gwøkge; nee bëëtge ni ge møønna määr thuunhnhi, ni jap kïïe twierge twierø.

Aydheea 26:1

'Ba dïcäŋeca duut man di wärö yi ŋööm Juuda, na ennø nø: Waani, jïwa da pääny mo teek, kiper Jwøk waana mooe ki kiir mo teek mo piema waani.

Aydheea 30:29

'Ba uuni, uuno wär ki dudi kaawat man wø wärru ki wäär kany wø wøørru ajwömma en kur keere. Cwïnynyu omïnni kaamar jiy mo cøøa baŋ lam ni ge kudhö ko opele, ni ge cøøa bäät Kïn Wuuö Jwøk baŋ Jwø Icriel na näk kïn gwøk røk.

Aydheea 5:1

Aani a wär ki duut jï ŋata mëëra ki gø, ni bee duut mo cäänö kaper omëëya ki pwöth jer omøki mare. Ŋata mëëra ki gø jïre da pwöth jer omøki yïth ŋøøpa beyø nyäär thuur.

Jeremaya 15:16

Kanya ö luupï baŋa, amwønya yia, ni cïpge ki met cwïny jïra, ni mïn yia, kiper a wø cwøla ri nyeŋŋï, ï na Wuuö Jwøk, Jwø wïth jammi bëët.

Mathiew 26:30

'Ba kanya lønyge ki wär duut Jwøk, gena aa wøk ni cige bäät Kïn Ølip.

Luk 2:51

Ni aae ki geni ni ci yi Nadhareth, ni bëëdö ni luupge ee leŋø. 'Ba menni gïïögø bëët akan cwïnye.

Jøøn 15:7

Ni näk mou bëëdö dëëra ni bëët luupa cwïnynyu, gïn wäro manynyu, pëënynyu. Otïïc jïïu.

Wëëlö Mana Göör Pøølli Baŋ Jø Röm 10:17

Kiper manøgø nø, ŋäädhe wø ööi ka køør gïn mo owïnynyö. Ni gïn wø wïnynyi wø ööi ka køør man wø køp luum Krictø.

Wëëlö Mana Göör Pøølli Baŋ Jø Röm 15:14

'Ba uuni nø, nyïïmera, ŋääa ki cwïnya døøc nou beyø, ni jammi bëët ŋäyu, ni maara lønyø jïïu ki man pwönynyu røgu.

1 Körin 14:15

?Agïnaŋø noo tïïa? Aano lämö ki jwïëya, ni läma ki wïïa thuwø. Ni wära duut ki jwïëya, ni wära ki wïïa thuwø.

1 Körin 14:26

?'Ba agïnaŋø noo tïïø nø, nyïïmera? Kany wø dwätu kanya ciel, ni ŋat mør jïre da duut, ni dhaanhø mør jïre da pwöc, ni dhaanhø mør da gïn mo onyoodhø jïre, ni maya cäänö ka dhøk mør, wala da luubö mo di dwøgø, wär japøgø bëët tïïc nou wëëga acooŋ Jwøk tëënnö.

Epeca 1:17

nee Jwøk na näk Jwø Kwääyø ma Jecu Krictø, ni näk Uun ajiem, nee u mooe ki wïdhi mo leer, ki cwïny mou wëëge ka ŋäc eni,

Epeca 5:17

Kiper manøgønø, käru tïmö ni uuna bøøre, 'ba ŋäyu gïna many Wuue.

Epeca 5:19

ni cäänu ki røgu nou cäänö ka ri Dut Pwøc, ki dut Jwøk, ki dut met ec mo wø wär ki ri Jwïëc Jwøk, nou wära dudi mo met jï Wuuö ki cwïnynyu bäre,

Epeca 5:26

kiper na acooŋ Jwøk døøc mo ena kur keere na mar Jwøk ki køør mana peny gø ki pïï ki luumme ni døøc gø mo waany,

Köløcia 1:28

'Ba beeye Krictø ni wø gïre køpwa, ni köömwa jiy bëët, ni pwönywa jiy bëët ki køør luup leec wïc bëët, kiper nee jiy bëët kïthwa nyïm Jwøk, ni kwänynyö marge othur kare na wøp ri Krictø.

Köløcia 1:9

Kiper manøgø nø, ki mana täge dïcäŋa wïnywa gø yie, bäŋ dïcäŋ aciel mo ewa ŋøl wøk, ni wa ba lämö kiperu, ni wa kwaaya Jwøk nee moa many Jwøki bëët tïme ni ŋäyu ki køør leec wïc ka acaare bëët mo wø en ri Jwïëye,

Köløcia 4:6

'Ba döötu bëëtge ni met cooth, keda kadø ma acämme met, kiper nee luubö maaru ŋäc ki man løgu gø jï ŋati man nø.

1 Thecalönika 1:8

Kiper patha jø Macedönia ki jø Akeea keerge na wïny luum Wuuö baŋu, 'ba luum ŋäädhe maru na ŋääthu Jwøk, apööth kany mo bäär, ni bäŋ gïn mo caanwa kipere këët.

1 Thecalönika 4:18

Kiper manøgø nø, cømmu cwïnynyu keeru ki ri luupögø.

2 Thecalönika 3:15

'Ba kär nou tïïya gø keda nyimän, 'ba joogu eni kaamar cöögu.

1 Timöthi 6:17

'Ba jøøgø no okwär yi piny man en, kööm geni nee ba töötge, ni ba ŋääthge jap kwärö moge. 'Ba beerra man ŋääthge Jwøk, eni ni wø cïp jammi bëët jïïø nee yïthø mïnge.

2 Timöthi 3:15

kaawat mana kwanyï weet Jwøk na en kur keerge na ööï ki gø ki thïnhö, ni wø løny ki man pwönyge ïïni ki jöör pïëm man piem jiy ki gø ki køør ŋäädhe na en ri Krictø Jecu.

Tayta 3:6

na cïbe jïïø no opöödhö ki køør Jecu Krictø, eni na Pïëmi marø,

Jeemeth 1:5

'Ba ni näk da ŋat mo leec wïc mare orëëm dïïu, Jwøk wär pëënynye, ŋat wø cïpi jï jiy bëët ki cwïnye bäre ni ba pëëö, 'ba omëëk eni.

Jeemeth 3:17

'Ba acaara man wø ööi ki maal, bäŋ gïn mo raac dëëre, 'ba bëët-mëër ena ree, ki mööl, ki leŋ luup, ki køny mo päl, ki tïïe mo beyø, ni bäŋ dööti ariiø, wala atade.

Jeemeth 5:13

?Da dhaanhø dïïu mo da gïn mo leth mo opïï dëëre? Wär läme. 'Ba ni näk da ŋat mo yie met, wär wäre ki dudi ni pwøya Jwøk.

1 Jøøn 2:14

Naa göönna baŋu, u na wëëe, kiper na ŋäyu eni na nut cøøn. Naa göönna baŋu, u na wøpe, kiper na teegu, ni luum Jwøk wø bëëdö cwïnynyu, ni böötu ŋata raac.

1 Jøøn 2:24

Wëëgu gïna wïnynyu cøøn bëëtö cwïnynyu. Ni näk gïna wïnynyu cøøn bëëdö cwïnynyu møn, uuno put bëëtö dëër Wäädö ki Wuuö.

1 Jøøn 2:27

'Ba uuni, jør maaw mana jootu baŋe ena cwïnynyu, ni bäŋe ŋat mo manynyu nou pwönynye, kiper jør maaw mare beeye wø pwöny uuni ki jammi bëët, ni beeye adïëri, ni patha tööt. 'Ba bëëdu ri Krictø, keda mana pwöny uuni.

2 Jøøn 1:2

ni beeye adïëri man ni en cwïnynyø en, ni wø bëëdö ki øøni këël na bäre bäre.

Mana Nyooth 14:3

Ni ge wär ki duut mo nyään nyïm wälu, ki nyïm gïïa näk aŋween na kwøw, ki nyïm jaae. 'Ba bäŋ dhaanhø mo maar duudace kwany, 'ba beege jøøa wïïl wøk piny na näk kume ma dïpa ki pïëraŋween kurŋween, na kwany gø.

Mana Nyooth 15:3

Ni ge wära duut Modhe, na näk laŋ Jwøk, ki duut Nyidiel, ni ge köö, ni «Ï na Kwäärö Wuuö Jwøk na en teeki jïrï, Nyeny piny bäre, tïïe moï døøŋŋø, ni beege gïï mo rëëma ec. Ni luup moï beyø ni näkge adïëri.

Mana Nyooth 19:10

Kanyøgøøni aana päth tiete nee wøøra. 'Ba ena köö jïra, ni «Gïnögø kär tïïyï, kiper aana laŋŋø ki ïïni na aciel ki nyïïmeru, ni beege jø wø en gïr Jecu cwïnyge. Wøør Jwøk.» Kiper gïr Jecu wø køp beeye luup wø køp nyïïkuk Jwøki thuwø.

Mana Nyooth 5:9

Ni wärge ki duut mo nyään, ni köge, ni «Røma ïïni ki lwør wëëlö ni japï möönne moe. Kiper ïïna 'näk, ni wïïrï kwör jiy ki remmï kiper Jwøk, jøøa käl røk tuŋi bëët, ki dhøgi, ki wïth juurre, ki yïth mïëri bëët.