Köløcia 3:13 - Wëël Jwøk

¹³ Ni bäŋe ya ŋat mo cwïnye laara ränynyö ki watge maya. 'Ba ni näk da ŋat mo manynya cäänö kiper gïn mo oraany watge, beerra man cïp cwïnye piny ki gø. Kiper cwïnynyu dou cïba piny thuwø, keda mana ö Wuue na cïp cwïnye piny ki uuni.

Köløcia 3:13 Iomraidhean Croise

Pwöc Leec Wïc 19:11

Leec wïc dhaanhø wø di kønyø nee ba laar päth ri wëër, ni tïme na gïr ajiem jïre kany wø wec gïna baac dëëre.

Mathiew 5:44

'Ba aani, a caana gø jïïu, ni mëërru ki nyïïmännu, ni lämu kiper jø wø caan uuni,

Mathiew 6:12

ni weyï moa bacwa, keda man wø wecwa mo wø bac jø møøki dëëtwa.

Maak 11:25

'Ba kanyo wäro cuŋŋu nou lämö, ni näk da gïn mo ena cwïnynyu ki ŋat mør, wär weyu, kiper nee Wääu thuwø ni en maal nee mou na dhallu wiie.»

Luk 11:4

Ni weyï moa bacwa, kiper waani thuwø, jø wø bääö dëëtwa bëët wø wecwa wiiø. Ni ba bwøthï wa kany mo wa di päänynyö yie.› »

Luk 23:34

'Ba Jecu aköö, ni «Wuuö, wëën geni. Kiper gïna tïïcge kucge.» Ni tïïge ki ŋïïce ki ri kwääk ki baw naa abïïk Jecu pääŋge.

Wëëlö Mana Göör Pøølli Baŋ Jø Röm 15:7

Kiper manøgønø, pänhnhu røgu, kaawat mana ö Krictø na pänh uuni. Kanyøgønø, Jwøk ojiem.

2 Körin 2:10

'Ba ŋato wäro wëënnu, wëënna wëënnö thuwø. Ni näk cwïnya yaa cïp piny ki gïrpiny, gïna cïba cwïnya piny ki gø, tïïa kaperu nyïm Krictø,

2 Körin 6:6

Ni dëëtwa ewa nyoodhø ki køør mana ciilwa ki raay, ki køør ŋäc luup, ki cïp cwïny piny, ki bäth ec, ki køør teek Jwïëc Jwøk na en kur keere, ki mëër mana näk adïëri,

Galeecia 6:2

Beerra man ö ŋati man nø ni køny watge maya ki gïïa peek na kääre, nee ciik Krictø thur kare jïïu na enøgønø.

Epeca 4:2

nou mwöl ni bäŋ atöör cwïnynyu, ni bäŋ jøømø, ni cwïnynyu you cïp piny ki røgu ki ri mëër,

Epeca 4:32

'Ba køønynyu røgu, ni cwïnynyu da mëër, ni wëënnu røgu kaawat mana ö Jwøki na wec raayu ki ri Krictø.

Epeca 5:2

Ni caathu jöör mëër, kaamar Krictø na mëër ki øøni ni cïp dëëre kiperø na jëëdhi mo ŋwääö ni met no olämi man wø 'näk jï Jwøk.

Köløcia 3:12

Kiper manøgønø, kaawat mana ö Jwøki na jier uuni, nou ena kur keeru na mo Jwøk ni uuno omëëye, bëëdu ni cwïnynyu jööt, ni yïthu bäth, nou mwöl, ni bäŋ atöör, ni cwïnynyu you cïp piny.

Jeemeth 2:13

Kiper ŋat wø ba køny can dhaanhø mør, wø ŋøla wøk ni bäŋ køny kipere. 'Ba ŋat wø kunyö, bäŋ kany mo ŋøli wøk ki gø.

1 Piter 2:21

'Ba beeye gïnögø na cwøl uuni kipere, kiper Krictø thuwø gïï mo leth ajwøre kiperu, ni nyuth uuni jöö, nee jööre caathu.