Köløcia 3:10 - Wëël Jwøk

¹⁰ ni tïmu ni uuna jiy mo nyärö, ni wø kïtu caal kït ŋata cwääc uuni, nou døøc mo nyärö ki køør man ŋäyu eni.

Köløcia 3:10 Iomraidhean Croise

Wïlöölö 5:1

Man beeye luum nyïïkwaac Adam. Dïcäŋa ö Wuuö Jwøki na cwääc dhaanhø, eni dhaanhø acwääe ni rööma Jwøk.

Jööp 29:14

Bëënynyö arøøa dëëra kaamar abïï, ni tïïa ŋøl luup ma kare kaamar aleeŋŋa ka abïï man wø loop wïc.

Aydheea 52:1

Wui Dhayan, päyï, päyï nø, ni røøï teek marï dëërï! Wui Jerucalem, ï na päänya en kur keere, røø abïïgï dëërï moa beyø; kiper jøøa näk kär daŋø ki jøøa näk ba waany, ge ba duny yiï këët.

Aydheea 59:17

Bëënynyö arøø dëëre kaamar kwöt leny, ni ö pïëm man wø piem jiy ki gø ni kïth gø wïïe kaamar cöör; cool kwöri arøø dëëre kaamar abïï, ni rïëp këëyö dëëre kaamar aleeŋŋa.

Edhikiel 11:19

Aani ge mooa mooø ki cwïny aciel ni mooa dëëtge ki jwïëy mo nyään; cwïnynyi moge na caal kïte käla wøk dëëtge ni mooa geni ki cwïnynyi mo jööm kaamar rïŋö.

Edhikiel 18:31

Kälu dëëtu wøk ki yïth japa reyø bëët na tïïyu; tïïyu cwïnynyu ni nyärö, ni tïïyu jwïëyu ni nyärö! ?Aŋø, u na jø Icriel, aperŋø ni manynyu thøø en?

Edhikiel 36:26

Aani, u mooa mooø ki cwïnynyi mo nyärö, ni kïtha dëëtu ki jwïëy mo nyään; cwïnynyi mou na teek na caal kïdi käla wøk dëëtu, ni mooa uuni ki cwïnynyi mo jööm kaamar rïŋö.

Jøøn 17:3

Ni man en beeye kwøw mana näk adïëri mo bäŋ cuŋŋe, niï ŋäcge, ï na näk Jwøk mana näk adïëri keere, ki Jecu Krictø na jääŋŋï.

Wëëlö Mana Göör Pøølli Baŋ Jø Röm 12:2

Käru bëëdö nou caala jø pinyi en këët, 'ba tïmu nou nyärö ki køør mana døøc cwïnynyu mo nyärö, kiper nee mana many Jwøki nee ŋäyu døøc, ki gïn mo beer ma kare man wø jïëc Jwøki.

Wëëlö Mana Göör Pøølli Baŋ Jø Röm 13:12

Wäär anø pöödhö, ni cäŋ kare cään. Kiper manøgønø, beerra man wetø tïïe mo muudhö, ni røø kwöt nywïënyö mar tar.

Wëëlö Mana Göör Pøølli Baŋ Jø Röm 13:14

'Ba dëëtu wär cïpu jï Kwäärö ma Jecu Krictø, ni ba wëënnu dëël ki jöö man tïïc gïï wø manynye.

Wëëlö Mana Göör Pøølli Baŋ Jø Röm 6:4

Kiper manøgønø, øøna koony ki eni na aciel ki køør lwøk marø na lwøk øøni na nyuudhi yi thøwe, kiper nee jöör kwøw mana nyään caadhø, kaawat mana ö Krictø na tïŋi maal ki yi thøø ki køør ajiem Wuuö Jwøk.

Wëëlö Mana Göör Pøølli Baŋ Jø Röm 8:29

Kiper jøøa ŋääe cøøn, ee miiø thuwø ki man tïmge ni kïtge caala kït Wääde, kiper nee eni tïme na kaa dï nyïïmëëe mo thööth.

2 Körin 3:18

Ni øøni bëët, ø neeta ajiem Wuuö ni bäŋ abïï mo orïëp wïthø, ni øøno røø ni ø caala kïte ni øøno wëëk koor ajiem man nø ni cøøø baŋ man nø. Ni gïnögø wø ööi ka baŋ Wuuö na näk Jwïëc Jwøk.

2 Körin 4:16

Kiper manøgønø, cwïnywa ba pädhi. Këël na näk dëëtwa moi ni wøk ii oränynyö, yïth cwïnywa wø døøya mo nyärö cooth.

2 Körin 4:6

Kiper beeye Jwøk na köö, ni «Tar rienye yi muudhö,» na wëëk tar rieny yïth cwïnynyø, nee tay ajiem Jwøk ni en täärnyïm Krictø wëëk ŋäc.

2 Körin 5:17

Kiper manøgønø, ni näk mo dhaanhø ena dëër Krictø, eno cwääö ni nyään. Ni ö bëëtö mana näk oruuö ni aae, ni tïm jammi bëët ni nyärö.

Galeecia 3:27

'Ba uuni bëët na lwøk na nyuudhi dëër Krictø, Krictø arøøu dëëtu.

Galeecia 6:15

'Ba daŋ wala bäŋ daŋ, bäŋ gïn mo dege tïïö, 'ba beeye cwääc mana nyään keere.

Epeca 2:10

Kiper øøna gïïa tïïe, ni cwääc ka ri Krictø Jecu kiper tïïe moa beyø, moa näk ojiiŋ Jwøki cøøn, nee ø bëëdø ni ø tïïya geni.

Epeca 2:15

ki køør mana dïïm ciik moa cem ki luupa en yïthge ki rïŋ dëëre, kiper nee cwääc na dhaanhø aciel mo nyään ki ree na kar ariiø, ni tïïya bëët-mëër,

Köløcia 3:12

Kiper manøgønø, kaawat mana ö Jwøki na jier uuni, nou ena kur keeru na mo Jwøk ni uuno omëëye, bëëdu ni cwïnynyu jööt, ni yïthu bäth, nou mwöl, ni bäŋ atöör, ni cwïnynyu you cïp piny.

Köløcia 3:14

'Ba dï gïïögø bëët, ŋäyu mëër keere, ni beeye ni wø dwal jammi bëët ni thurge karge ki cwïny aciel.

Piliman 1:6

Kiper aani, a wø lämö nee ŋäädhe marï nywaagï ki jø møga, nee gïïa beyø bëët na näk 'moø ri Krictø, nee wëëk ŋäc.

1 Jøøn 2:3

Ni näk luup moa cem Jwøki yøø gwøø, beeye noo ŋääø gø ni eni ŋääø.

1 Jøøn 2:5

'Ba ŋat wø gwøk luumme, ŋatøca mëëc Jwøk othur kare cwïnye na adïëri. Ni beeye gïnögø noo ŋääø gø ni ø ena dëëre.

Mana Nyooth 21:5

Ni ö ŋata en bäät wälu ni kööe, ni «Ennø, a tïïya jammi bëët ni nyärö.» Ni cäŋ köö, ni «Göör gïn. Kiper luup moi ii beege luup mo oŋäädhö ni näkge adïëri.»