Köløcia 2:8 - Wëël Jwøk

⁸ Gwøgu rou, nee bäŋe ya ŋat mo tïïc uuni na laaŋe ki køør luum acaare mo jiy, ki man maaŋ wïthu ki luup mo oballe jaak, keda luup kwäre ni wø caan jiyi, ki juu mo bäät piny, ni paa moa näk mo Krictø.

Köløcia 2:8 Iomraidhean Croise

Obeec Dudi 2:15

Magu othööe jïwa, ni beege nyïï othööe moa therø ni wø raany jer omøki, ni beege jer omøki mowa na näk oŋøøk.

Jeremaya 29:8

Kiper luumma caan Wuuö Jwøki, Jwø Icriel, eni na wïth jammi bëët, beeye en, ena köö, ni «Uuni, nyïïkuk Jwøk mou moø ni en dïïu yøø ka ajuuk mou käru cøøkge, ni kär nou wïnynya lääk moge moa met yïthu ki ge nee ge läkge ki ge,

Mathiew 10:17

Gwøgu rou ki jiy. Kiper uuno kïthge kwör løøe, ni pöötge uuni yïth uut acook lam moge.

Mathiew 16:6

'Ba Jecu aköö jïge, ni «Japu nyeŋŋu ni gwøgu rou ki thøm jø Paricith ki jø Cajucith.»

Mathiew 7:15

«Gwøgu rou ki nyïïkuk Jwøk mo patha adïëri mo wø ö baŋu ni ge käära duup rööm, 'ba ki yïthge gena kwäänynye mo owär.

Moa Tïïc Nyïïatwieli 17:18

'Ba jø møøk thuwø dëët jø acaara mo Epikurien ki jø acaara mo Ectöik arøømmø ki eni. Ni kö jø møøki, na «?Agïnaŋø ni wø caan ŋati na ŋat dïlweel en?» 'Ba møøk aköö, «Eni nëëni kee pwönynya jiy ki teeŋ juu møøk,» kiper na køp luumma nyään na met mar Jecu ki mar duun wøk ki yi thøø.

Moa Tïïc Nyïïatwieli 17:32

'Ba kanyøgø na wïnyge luum duun wøk ki yi thøø, ena buu jø møøki. 'Ba møøk aköö, ni «Luummögø ocäŋwa wïnynyö baŋï.»

Wëëlö Mana Göör Pøølli Baŋ Jø Röm 16:17

Nyïïmera, a kwaya uuni ki man gwøgu dëëtu ki jø wø käl apääk dïïu ni wø kïth dïdëët jööra pwöny uuni ki gø. Kwierru geni.

1 Körin 10:12

Kiper manøgønø, ŋat mo ee caarø ni eni cuŋŋa kare wär ree gwøe, kiper ni näk mo ree ba gwøe, kanymør pädhö.

1 Körin 8:9

'Ba beeye gïn en keere, beerra man gwøgu rou, nee pät maru ba tïme na gïn wø ö jøøa näk ŋäädhe marge poot thiinh ni cwanyge tietge ki gø.

2 Körin 10:5

Wa wø nyaga pïëm, ki jammi bëët mo wø thïïŋ røkge ka atöör ni ge gëëŋa jöör Jwøk ki man ŋääi. Ni peecwa acaare bëët nee dwør Krictø leŋge.

Galeecia 1:14

Ni aano kadhø ri lam jø Juuth, ni tïëŋwa mo thööth yaa kaalø dï jø powa, kiper cwïnya yaa cïbö døc køør kööŋŋe mo kwäya.

Galeecia 4:3

Ni øøni, marø poot na enøgønø thuwø. Kanya poodø ni ø therø, øøna laaŋe jï juu mo bäät piny.

Galeecia 4:9

?'Ba kawaane na tïmu ni Jwøk ŋäyu, ni doo beerra mana daa köö, ni uuna tïmö nou ŋäc Jwøki, uuna dou cäŋ døø baŋ juu moøgø nidïï, na näk jïge bäŋ teek ni bäŋ karge, ni cäŋu tïmö ni uuna laakge en?

Galeecia 5:15

'Ba ni näk mou kaaya dëëtu ni møønnu rou, dëëtu wär gwøgu, nee dëëtu ba raanynyu.

Epeca 2:2

japa kwøŋu køørge caath na jïëyu ki luum pinyi en, na caathu køør kwääy juuga reyø ni wø jïge da teek yi jamø, ni beeye jwøøgø ni poot tïïö cwïny jø adhala enø.

Epeca 4:20

'Ba bëëtö manøgø paa mana kwanynyu baŋ Krictø.

Epeca 5:6

Kär dee ŋat mo cøøk uuni ki luup mo oballe jaak. Kiper beeye teeŋ gïïögønø ni wø käl wëëc Jwøk bäät jø adhala.

Tiet Ciik 6:12

'Ba noo jootu gïïögø bëët, gwøgu rou ni ba wïl wïthu ki Wuuö Jwøk na käl uuni wøk ki yi ŋööm Ijep na näk po laŋ.

Pilipay 3:2

Gwøgu rou kiper guu, ni gwøgu rou ki jø wø tïïc raay, ni gwøgu rou ki jø wø pöö ki pwöc mo patha adïëri kiper luum daŋ.

Köløcia 2:18

'Ba kär dee ŋat jääl uuni ni caana gø, ni «Dwøgu rou cään,» ni «Wøørru nyïïatwiet maal,» ni eni ŋäya lääk moe keere, ni eni töödö kiper gïn mo bäŋ tiere, kiper cwïnye na poode køør mo piny,

Köløcia 2:20

?'Ba ni näk uuno thøw ki Krictø na aciel jï juu mo bäät piny, aŋø ni poot bëëdu keda uuna mo piny en? ?Na aŋø wø leŋŋu dööt jiy mo wø köö,

Köløcia 2:22

ni beege ciik mo wø laar ränynyö kany wø nø køny røk ki ge, kiper ge cuŋŋa ri pwöc ki ciik mo jiy.

Köløcia 2:23

Kiper ciik moøgø nëëni keda ena ri leec wïc ma adïëri møn, kany wø lämö ki teeŋ lame møøk, ni dëël okïyö, ni dëël odwøk piny. 'Ba bäŋ gïn kønyge ki man mänge dëël ki gïïa caye.

1 Timöthi 6:20

Ï na Timöthi, gwøk gïna wëëk ïïni. Kwier luup mo ba en jöör Jwøk, ki pïëm mar gïn wø cwøl ni kwänynyö, ni patha eni.

2 Timöthi 3:13

'Ba jøøa reyø, ki jø wø cwöö, rääö marge otïmö no okadhø døc, ni gena jø cwøk ni ge cøøga rege.

Ibaru 13:9

Kär nou wëëga wïthu maaŋŋø ki pwöc ma teeŋi mo path. 'Ba gïna beerra eni beeye ki man wëëgø cwïnynyø tëënnö ki ri met yi Jwøk, ni patha kiper gwøk ciik mo caammi ni wø bäŋ gïn duuge jï jø wø caath køørge.

Ibaru 3:12

Nyïïmera, gwøgu rou nee bäŋe dhaanhø dïïu mo cwïnye jïti ki raay ni tääe, ni gaa wøk cer Jwøa kwøw.

1 Piter 1:18

Kiper ŋäyu ni uuna wïïl wøk ki yïth uutjïëthe mou ni wø bäŋ gïn duuge jïïu na kwanynyu baŋ kwäyu, nou ba wiil ka teeŋ jap wø ränynyi, teeŋ ka gwel-bïrö wala warkey.

2 Piter 3:17

Kiper manøgønø, omëëya, na tïme ni gïn ŋäyu kany poode en, gwøgu røgu, kiper nee wïthu ba maaŋ cwøk jø wø bääö, ni tïmu nou dääŋö.

2 Jøøn 1:8

Gwøgu dëëtu, kiper nee gïna tïïu kipere nee ba rwäänye jïïu, 'ba nee mana doo ci jïïu nee wëëk uuni na kare.