Köløcia 2:7 - Wëël Jwøk

⁷ Ni put tietu këët piny, ni tëënnu ki ree, ni ŋäädhe maru you maa, kaawat mana pwöny uuni, ni put pwøci bëëtö dhøgu cooth.

Köløcia 2:7 Iomraidhean Croise

Dut Pwøc 1:3

Eni caala jaath mo opiith deŋ naam, ni wø nyïïe ciek kany wø näk ma kare, ni bøøge moe ba när. Teeŋ ŋatøgø, gïï wø tïïe bëët thura karge.

Aydheea 61:3

nee jøøa näk cwïnyge opädhö na en yi Dhayan, nee ge ŋada ka aduda mar ajiem na kar mana bëëtge yi bur, ki met ec na kar kïmmö, ki pwøc na kar pänh cwïny. 'Ba ki køør bëënynyö marge geno cwøl ni jenni mo teek moa tøøk Wuuö Jwøki, nee nyeŋŋe jiem ki rege.

Jeremaya 17:8

Kiper eni tïmö ni caala jaath mo opiith lak naam, ni wø lweete këët piny, ni bäŋ gïn mo lwääre kany wø lëënh pinynyi; 'ba bøøge moe bëëdö ni marr jaak, ni bäŋ gïn lääŋŋe kiper yïth cwiiri mo meel, ni eni ba kääŋi ki man nyööte ki nyïëdi.»

Luk 6:48

Eni caala dhaanhø mo ogëëdö ki øtø, mo tier gø ee koonyø ni thur piny, ni cwää tier gø bäät kïdi. 'Ba na ö jwïëe, pïï akwöt dëër ødøgø, ni käre løny ki man nëëk gø, kiper mana näk mo ogeerø ni teek.

Wëëlö Mana Göör Pøølli Baŋ Jø Röm 16:25

Pwøc en jï ŋat wø løny jïre ki man wëëk u tëënnö ki køør luumma nyään na met ni wø køba, ni beeye luum Jecu Krictø, kaawat mana nyooth ri gïna näk tiere okwøŋ kan ki kany mo bäär,

1 Körin 1:8

ŋato käär uuni këël aŋuun nïne, ni bäŋ ajäla dëëtu dïcäŋo näk dïcäŋ Kwääyø ma Jecu Krictø.

1 Körin 15:58

Kiper manøgønø, nyïïmera ni nägu omëëya, bëëdu karu nou ba dääŋi, nou tïïya tïï Wuuö cooth, ni ŋäyu ni öölö maru kiper Wuuö ba aay jaak.

2 Körin 1:21

'Ba beeye Jwøk ni wø wëëk waani ki uuni tëënnö ki ri Krictø, ni jier øøni.

Epeca 3:17

nee Krictø bëëde cwïnynyu ki køør ŋäädhe, nou cuŋŋu nou teek ri mëër,

Epeca 4:21

Ni u yaa ŋäädhö ni gïre you wïnynyö ni pwöny uuni ki nyeŋŋe, ki køør adïëri mana en ri Jecu.

Epeca 5:20

nou dwøga met ec jï Jwøk na näk Wuuö cooth ki yïth jammi bëët, ki nyeŋ Kwääyø ma Jecu Krictø.

Köløcia 1:23

ni näk mou puta bëëtö ri ŋäädhe man nou ba dääŋi, ni putu bëëtö nou teek, ni ba weyu gïna ŋääthu ri luumma nyään na met na wïnynyu. Ni luummögø beeye mana køp jï moa näk ocwääö bëët dï piny bäre, ni put aani tïïc ni aana ŋat tïï gø, a na Pøøl en.

Köløcia 3:17

'Ba jammi bëët moo wäro tïïyu, ni näk luubö wala tïïc, wär tïïyu ki nyeŋ Kwäärö ma Jecu, ni dwøgu met ec jï Jwøk na näk Wuuö ki køøre.

1 Thecalönika 5:18

Ni dwøgu met ec ki yïth jammi bëët. Kiper beeye mana many Jwøki jïïu ki ri Krictø Jecu.

2 Thecalönika 2:17

cwïnynyu ocøme, ni wëëk u tëënnö ki man tïïyu tïïe bëët moa beyø, këël luupu.

Ibaru 13:15

Kiper manøgønø, beerra man cïpø ki pwøc na muuce cooth jï Jwøk ki ri Jecu, ni beege gïï wø ööi ki dhøgi mo wø jïëc nyeŋŋe.

Ibaru 13:9

Kär nou wëëga wïthu maaŋŋø ki pwöc ma teeŋi mo path. 'Ba gïna beerra eni beeye ki man wëëgø cwïnynyø tëënnö ki ri met yi Jwøk, ni patha kiper gwøk ciik mo caammi ni wø bäŋ gïn duuge jï jø wø caath køørge.

1 Piter 5:10

'Ba køøre, nou nø jwørru gïïö ni leth yøø ki kany mo thiinh, Jwøa näk Jwø met ec bäre, ŋata cwøl uuni ya ajieme mana näk bäŋ cuŋŋe ki ri Krictø, oööi ki dëëre ni dwøk u karu, ni wëëk u tëënnö, ni këël tietu piny.

Juut 1:12

'Ba jøøgø caala kït mo reyø mo raanynya kwör cam mou ni wø cammu ki mëër, kany wø cämge ki uuni ni nyeŋge teek, ni marge loora dëëtge. 'Ba ge caala pøøl mo bäŋ køth rege, mo käära jame, ni ge caala jenni mo bäŋ nyïëdi ka arïïa, mo othøw na bäre bäre, mo lweetge oö wøk.

Juut 1:20

'Ba u no omëëya, tëënnu ki ri ŋäädhe maru na en kur keere na pere letha eni ki cwïnynyu bäre, ni lämu ki ri Jwïëc Jwøk na en kur keere.

Juut 1:24

'Ba pwøc en jï ŋat wø løny jïre ki man gwøk uuni ki pädhö, ni bwøth uuni kar ajieme, ni bäŋ gïn mo jøøŋŋi dëëtu ni yïthu met.