Köløcia 2:4 - Wëël Jwøk

⁴ 'Ba manøgø acaana jïïu kiper nee bäŋe ya ŋat mo maaŋ wïthu ki luup mo keda beyø jaak.

Köløcia 2:4 Iomraidhean Croise

Mathiew 24:24

Kiper Kricte mo patha adïëri ki nyïïkuk Jwøk mo patha adïëri, rege othïïŋge ni tïïge ki ŋïïce mo døøŋŋø ki gïï mo rëëma ec, nee wïth jiy maaŋge; këël wïth jøøa näk ojierø maaŋge maaŋŋø thuwø ni näk mo løny jïge.

Mathiew 24:4

Ni dwøk gø jïge, ni «Gwøgu rou, nee bäŋe ŋat mo maaŋ wïthu.

Maak 13:22

Kiper Kricte mo patha adïëri ki nyïïkuk Jwøk mo patha adïëri, rege othïïŋge ni tïïge ki ŋïïce ki gïï mo rëëma ec ni maaŋge wïth jøøa näk ojierø ni näk mo løny jïge.

Moa Tïïc Nyïïatwieli 20:30

'Ba jø møøk dïïu røkge othïïŋge, ni kierge wïthu nee cwïny bääŋi løøge køørge.

1 Körin 2:4

Ni dwøra na cääna ki gø, ki dwøl mana køba, kära caanø naa møøtha uuni ki luup mo riek waŋ, 'ba Jwïëc Jwøk ki teek ee nyoodhø,

2 Körin 11:3

'Ba aana lwäyö ni wïthu di maaŋŋø ni weyu mëër mana näk adïëri ni en cwïnynyu kiper Krictø, kaawat mana tïïc thwölli ki riek waŋe na ööe ni cøøk Iip.

Galeecia 2:4

'Ba luummögø täga baŋ nyïïmëëe moa näk patha adïëri na duny ya acooŋa ki waŋjöö mør mo kuc, ni ge raŋa pät marwa na en ri Krictø Jecu, nee wa cäŋge dwøk yi twöc.

Epeca 4:14

kiper nee ø ba bëëdø kaamar obwöre këët ni wø wïïri køør pwöc ma teeŋi ki køør reek nyeŋ jiy ni wø maaŋ wïth jiy ki cwøkge.

Epeca 4:17

Kiper manøgønø, a cäänna uuni ni mara køba ka nyeŋ Wuuö, ni kär nou bëëdö këët kaawat man wø bëët juurre ni wø bäŋ gïn mo ŋäcge.

Epeca 5:6

Kär dee ŋat mo cøøk uuni ki luup mo oballe jaak. Kiper beeye teeŋ gïïögønø ni wø käl wëëc Jwøk bäät jø adhala.

Köløcia 2:18

'Ba kär dee ŋat jääl uuni ni caana gø, ni «Dwøgu rou cään,» ni «Wøørru nyïïatwiet maal,» ni eni ŋäya lääk moe keere, ni eni töödö kiper gïn mo bäŋ tiere, kiper cwïnye na poode køør mo piny,

Köløcia 2:8

Gwøgu rou, nee bäŋe ya ŋat mo tïïc uuni na laaŋe ki køør luum acaare mo jiy, ki man maaŋ wïthu ki luup mo oballe jaak, keda luup kwäre ni wø caan jiyi, ki juu mo bäät piny, ni paa moa näk mo Krictø.

2 Timöthi 2:16

Kwier luup moø ni ba en jöör Jwøk yøø, kiper jiy bwødhe wøk jöör Jwøk, ni kadhe døc.

2 Timöthi 3:13

'Ba jøøa reyø, ki jø wø cwöö, rääö marge otïmö no okadhø døc, ni gena jø cwøk ni ge cøøga rege.

1 Jøøn 2:18

Obwöre, man a aŋuun caa. 'Ba keda mana wïnynyu gø ni nyimän Krictø öö, kawaane jiy mo thööth mo män ki Krictø aöö. Kiper manøgønø, ŋääø nø, ni man beeye aŋuun caa.

1 Jøøn 2:26

A gööra luubö man baŋu kiper jøøa doo cøøk uuni.

1 Jøøn 4:1

Omëëya, kär jwïëy jïëyu bëët. 'Ba päänynyu jwïëy nee neennu nee gena mo Jwøk. Kiper nyïïkuk Jwøk mo thööth mo patha adïëri okeethø dï piny.

2 Jøøn 1:7

Kiper jø cwøk mo thööth okeethø dï piny, jøøa näk kär jïëy ni Jecu Krictø oöö ni da dëël. Teeŋ ŋatøgø nø, beeye dïcuuy ni ena nyimän Krictø.

Mana Nyooth 12:9

Ni ö thwöra dwøŋ ni lëëŋi piny. Ni beeye thwöra cääŋŋe cøøn, na cwøl na anägö ni näk Ceethan, na näk dïcuuy mar piny bäre. Ena lëëŋ piny, ni ö nyïïatwiet maalli moe ni lëëŋi piny ki eni na aciel.

Mana Nyooth 13:8

'Ba eno wøør jø wø bëëdö bäät piny, ni beege jiy bëët moa näk nyeŋge kär göör yi wëël kwøw mar Nyidiel na bëëdö no onää ki kanya poot pinynyi ni kär caa.

Mana Nyooth 20:3

ni leeŋ gø yi buur, ni cïëk gø ni mwön gø bääte, kiper nee mïëri ba cøøge këët këël kanyo thum cwiiyøgø na kuma enø. Køør manøgønø, eni di pädö ki kany mo thiinh.

Mana Nyooth 20:8

ni ö wøk kuna cøøk mïëri ni en wïth tuk piny karge ŋweeni, ni beeye Gøg ki Magøg. Ni eni cøøga geni nee ge cooŋe kiper leny. 'Ba kwäänge caala akwöny deŋ naama dwøŋ.