Köløcia 2:16 - Wëël Jwøk

¹⁶ Kiper manøgønø, kär dee ŋat ŋøl maru piny kiper gïï wø cammu wala gïï wø maathu, wala kiper ajwöm-cam, wala kiper cäŋ man wø päär dwääy, wala cäŋ jwömö mar Jwøk.

Köløcia 2:16 Iomraidhean Croise

2 Nyeye 4:23

'Ba cwøre aköö, na «?Aŋø ni ciï baŋe dïcäŋi en? Kee paa kany wø päär dwääyi yie dïcäŋi wala cäŋ jwömö.» 'Ba ena köö, ni «Bäŋ gïre.»

1 Luup Nyeye 23:31

këël kany wø cïp olämme mo wø waaŋ bäre jï Wuuö Jwøk ki cäŋ jwömö, ki kany wø päär dwääyi, ki kwör ajwöm moa näk ocïp piny cooth. 'Ba kwään jø tuuŋ Libay mo wø tïïö cooth nyïm Wuuö Jwøk ocïp piny na ciik.

2 Luup Nyeye 31:3

'Ba eni thuwø ena cïpö ki 'lääy na kur nyeya, nee tïmge no olämme mo wø waaŋ bäre na mo cïp ka amöölla ka abøøya, ki yïth cääŋŋe mo jwöm, ki kany wø päär dwääyi, ki kwör ajwöm moa no ocaanø, ki køør mana no ogöörö yïth ciik mo Wuuö Jwøk.

Neemiya 10:31

«Ni kanyo ö wïth juurre noo känge ki beel ki jammi mo di gadhø ki Cäŋ Jwömö, øøni, ø ba ŋëëö baŋge ki Cäŋ Jwömö, ki cäŋ mo ena kur keere na mar Jwøk. Øøni, kany wø tïme na ri bïriet cwiiri, ø ba purö, ni wiiø pïït bëët bäät jiy, ni ba piirø këët.

Neemiya 10:33

kiper muunni moa näk nyuuthe na en kur keerge, kiper muuce mo beel mo wø cïp cooth, kiper olämme mo wø waaŋ bäre mo wø cïp cooth, kiper olämme mo wø cïp ki Cäŋ Jwömö, ki cäŋ ajwöma man wø en dïcäŋo päär dwääyi yie, ki cääŋŋe mo ajwöm moa näk ocaanø, kiper muuce moa en kur keerge na mo Jwøk, kiper olämme mo wø cïp kiper raay, ni cïp kaper jø Icriel, kiper tïïe bëët mo Øt Jwøk marø.

Neemiya 8:9

Kanyøgø Neemiya, ŋata bëëdö na kwäärö mar paac, ki dïlämi ma Edhera, eni na dïpööy mar ciik Jwøk, ki jø tuuŋ Libay, jøøa caan tiet ciik Jwøk jï jiy, gena köö jï jiy bëët, ni «Dïcäŋ man en atïmö ni ena kur keere na mar Wuuö Jwøk, Jwøk maru; uuni, käru jwöŋö ni ba kïmmu.» Kiper jiy bëët gena bëëdö ni ge jwöŋö kanya wïnyge luup moa en yi wëël ciik Jwøk.

Aydheea 1:13

Muuce mou moø ni bäŋ tietge yøø kär cïpu këët! Gïï wø jïcge ŋwääi ni met mou, yia raac ki ge døc. Wödö man wø wøørru cäŋ man wø päär dwääyi yie, ki wøør cäŋ jwömö, ka acooŋe mo wø cwøllu, a ba jïëy ki ge; kiper acook lam mo wø tïïyu, tïïyu ni bëëtö maru patha kare.

Edhikiel 4:14

Køøre aana köö, «Wui Kwäärö Wuuö Jwøk, aani, dëëra poot kära tïïö ni ba waany na bäre bäre. Kiper ki mana käla thïnhö këël ennø, a poot kär cämö ki gïn mo thøwa eni keere en wala baga lääyi mør. Poot bäŋ rïŋö mo ba waany mo onø ci dhaa en.»

Edhikiel 45:17

Ni tïïc mano tïïc dïbwödhi mar Icriel kar ajwöma bee ki man pääŋ olämme mo wø waaŋ bäre, ki muuce mo beel, ki muuce mo kwøk nyïïomøki, ni bee kanyo päär dwääyi yie, ki yïth nïr jwöm, ki yïth nïr ajwöm moa no ocïp piny bëët ni wø wøør jø dhi øt Icriel. Eni olämme moo cïp opääŋŋe, ni bee olämme kiper wëën raay, ki muuce mo beel, ko olämme mo wø waaŋ bäre, ko olämme mo wø duunni ki mëër, nee ge tïïc no okïdi kiper dhi øt Icriel.›

Ciik Kiper Dïlämme 16:31

Manøgø tïmö ni beeye cäŋ jwömö mar jwöm dëël jïïu na bäre, ni dëëtu you dwøk piny, nou ba cämö. Ni manøgø tïmö na ciik mo bëëdö na bäre bäre.

Amøc 8:5

ni kööu ki cwïnynyu keeru, ni «?Cäŋ ajwöma mar dwääni na päär en opöödhe yi wäne, kiper nee wa døøwa baŋ gath ki beel? ?A cäŋ jwömö opöödhe yi wäne thuwø, kiper nee beel kïthwa kar ŋïëw, nee gïr røm tïïcwa ni thiinh, ni tïïcwa gäte ni teek, ni møtwa jiy ki rumi mo paa kare,

Kwään Jiy 10:10

Kany wäro tïme na cääŋŋe mo met ec mou, ni beege nïr ajwöm moa no ocaanø jïïu, ki nïr wø päär dwääyi yïthge cooth, tuŋi dou koodhø bäät olämme mou mo wø waaŋ bäre, ki bäät olämme mo wø duunni ki mëër; nee tuŋi moøgø tïmge na gïï parru wïthu ki ge nyïm Jwøu. Beeye a na Wuuö Jwøk na näk Jwøu.»

Mathiew 15:11

Patha gïn wø ci dhøk ni wø raany dhaanhø, 'ba beeye gïn wø ö wøk ki dhøk ni wø raany dhaanhø.»

Maak 7:19

Kiper atïmö ni ba ci cwïnye, 'ba cøøa yie, ni pöötha wøk.» 'Ba na caan luummögø, eni caana gø, ni caammi bëët beyø.

Moa Tïïc Nyïïatwieli 15:20

'Ba ø doo gööta baŋge nee bëëtge ni karge bäyö ki jap juu na reyø, ni wecge käp, ni ba cämge ki gïn mo odeeø, ki remø.

Wëëlö Mana Göör Pøølli Baŋ Jø Röm 14:10

?Aŋø ni jäälï cöögu? ?Wala ïïni, aŋø ni jøøŋŋï cöögu? Kiper ø cuŋŋö nyïm thunh løøk mar Jwøk karøbëët.

Galeecia 4:10

Uuni, uuna tïmö nou gwøga cääŋŋe, ki dwäde, ki kwöra näk owäŋŋö yi cwiir, ki cwiiri.

Köløcia 2:20

?'Ba ni näk uuno thøw ki Krictø na aciel jï juu mo bäät piny, aŋø ni poot bëëdu keda uuna mo piny en? ?Na aŋø wø leŋŋu dööt jiy mo wø köö,

Ibaru 13:9

Kär nou wëëga wïthu maaŋŋø ki pwöc ma teeŋi mo path. 'Ba gïna beerra eni beeye ki man wëëgø cwïnynyø tëënnö ki ri met yi Jwøk, ni patha kiper gwøk ciik mo caammi ni wø bäŋ gïn duuge jï jø wø caath køørge.

Ibaru 9:10

kiper mana tïme ni ge caana luup caammi, ki maath, ki luup lwøk na nyuudhi ma teeŋi keerge, ni beege jap dëël moa cem gøøc kanya di luumma nyään na wäŋŋi cööp kare.

Jeemeth 4:11

Nyïïmera, käru cäänö ki raay dëëtu keeru. Kiper ŋat wø cäänö ki raay dëër coki, wala ŋøla coki wøk, ŋatøgø caana raay ri ciik Jwøk, ni ŋøla ciik Jwøk wøk. 'Ba ni näk ciik Jwøk iï ŋøl wøk, ï patha ŋat wø gwøk ciik Jwøk, 'ba ïïna tïmö ni ïïna dïŋut luup.

1 Camiel 20:18

Køøre Jönathan acäŋ köö jï Deebit, ni «Diøø beeye kany wø päär dwääyi møn; 'ba kanyo näk ri cam, karï läämö, kiper køøm marï dööŋ ni ŋaam.

1 Camiel 20:5

Kanyøgønø, Deebit aköö jï Jönathan, ni «Neenï, diøø beeye kany wø päär dwääyi, ni beeye kany wø pïwa piny nee wa cämwa ki nyeya na aciel. 'Ba ennø, akwaya ïïni naa aa nee raa kana yi pwöla këël mano tïme na dää nïne ki wäär.