Köløcia 2:13 - Wëël Jwøk

¹³ 'Ba u na näk othøw yïth gïïa dhallu, ni mo dëëtu paa odaŋø, uuna tïïc Jwøki nou kwøw ki eni na aciel, ni wec moa dhalø bëët,

Köløcia 2:13 Iomraidhean Croise

Dut Pwøc 32:1

Aydheea 1:18

Wuuö Jwøk aköö, ni «Ennø, ööu nøø dwätø na aciel ri luubö. Këël na bëëde ni raay mou kwayø kaamar remø, di tïïö ni tar ni caala piiø, këël ge doo kwayø døc, di tïïö ni tar ni caala jïëc røømmø.

Aydheea 55:7

Beerra man ö ŋata raaci ni wec jöö mare, ni ö ŋata näk bëëtö mare ba tiir ni tiir acaara mare; beerra man ö eni ni duu baŋ Wuuö Jwøk, Wuuö Jwøk bäth ec mare onyoodhe jïgø; beerra man ö eni ni duu baŋ Jwøk marø, kiper Wuuö Jwøk wëënnö mare dwøŋ.

Jeremaya 31:34

Ni këël doo bëëdö ni bäŋ ŋat pwöny watge ki coki, ni ‹Bëëdï niï ŋäya Wuuö Jwøk,› geno bëëdö naa ŋäcge bëët, ni tägi ka jiy moa kwörge therø këël jiy moa kwörge døøŋŋø; kiper gïïa bacge wiia wiiø, ni ba para wïïa ki raay moge këët.» Luummögø caana Wuuö Jwøki.

Luk 15:24

Kiper wääda man en athøw, 'ba acäŋ kwøwø. Ni rwäänye, ni cäŋi jootø.› Ni mïn yïthge.

Luk 15:32

'Ba beeye gïn ma wøp ki man kwäägø ni mïn yïthø, kiper coku man en athøw, 'ba acäŋ kwøwø. Ni rwäänye, ni cäŋi jootø.› »

Luk 9:60

'Ba Jecu aköö jïgø, ni «Wec jøøa näk othøw nee dëëtge koonyge keerge. 'Ba ïïni, ciï ni køpï gïr buc Jwøk.»

Jøøn 5:21

Kiper kaawat man wø ö Wuue wø tïŋ jøøa no othøw maal ni mooc ge ki kwøw, këël Wäädö thuwø cïpö ki kwøw jï jø wø manynye.

Jøøn 6:63

Beeye Jwïëc Jwøk ni wø cïpi ki kwøw; 'ba teek mar dhaanhø bäŋ gïn tïïe. 'Ba luupa caana jïïu kännö ki kwøw ki ri Jwïëc Jwøk.

Wëëlö Mana Göör Pøølli Baŋ Jø Röm 4:17

kaawat mana gööri, ni «Ïïna tïïa na kwar juurre mo thööth.» Ni ena kwarø bëët nyïm Jwøk, ŋata ŋäädhe ni wø cïp kwøw jï jøøa näk othøw, ŋat wø wëëk jammi mo bäŋgø, tägö ni tïmge na jammi.

Wëëlö Mana Göör Pøølli Baŋ Jø Röm 6:13

Ni käru nou wëëga thäk dëëtu raay ni gena gïï wø tïïc gïï mo reyø. 'Ba cïpu dëëtu jï Jwøk ni uuna jiy mo okäl wøk ki yi thøø, ni cäŋge kwøw. Ni cïpu thäk dëëtu jï Jwøk na gïï wø tïïc gïï mo beyø.

Wëëlö Mana Göör Pøølli Baŋ Jø Röm 8:11

'Ba ni näk Jwïëc ŋata tïŋ Jecu maal ki yi thøø bëëdö cwïnynyu, ŋata tïŋ Krictø Jecu maal ki yi thøø, dëëtu ni bëën thøø enø ocäŋ wëëk kwøw thuwø ki køør Jwïëye ni bëëdö cwïnynyu enø.

1 Körin 15:36

Nyie, ï ni bäŋ wïc en! Kunhnhö man wø piithï, ba tuy ni näk mo kär thøw.

1 Körin 15:45

Beeye na gööri na en nø, ni «Dhaanhø mana dïkwøŋ na näk Adam atïmö ni ree da jwïëy mo kwøw,» 'ba Adam mana en cään atïmö na jwïëy man wø cïp kwøw.

2 Körin 3:6

ŋata wëëk wa rømø ki man tïnywa luubö mana nyään na tuut Jwøki ki jiy, na näk patha ciik mo ogöörö, 'ba ena ri mo Jwïëc Jwøk. Kiper ciik mana näk ogöörö wø duua thøø, 'ba Jwïëc Jwøk wø cïpa kwøw.

2 Körin 5:19

Ni beeye, ni Jwøk ena dëër Krictø ni dwøga piny baŋe, ni eni ba caan moa dhal jø pinynyi dëëtge, ni wëëk wa twiel man cäŋ jiy dwøk kanya ciel ki eni.

Epeca 2:1

'Ba Jwøk uuna tïïe nou kwøw kanya bëëdu ni uuno thøw kiper gïïa dhallu ki japa reyø na tïïyu,

Epeca 2:11

Kiper manøgønø, parru wïthu ni u nywöli ni uuna juurre dïkwøŋ, nou cøøri nou patha odaŋø ki jï jøøa näk odaŋø, ni beeye daŋ man wø tïïc ki cenø dëël.

Epeca 5:14

Ni beeye na købi, «Ni päyï nø, ï no obutö, ni ööï maal ki yi thøø. 'Ba Krictø ïïno mooe ki tar.»

Köløcia 2:12

'Ba kanya lwøk dëëtu na nyuudhi, koonynya uuni ki eni na aciel, ni beeye mana tïŋ uuni maal thuwø ki eni, ki køør ŋäädhe mana ŋääthu teek Jwøk na tïïö, ŋata tïŋ gø maal ki yi thøø.

1 Timöthi 5:6

'Ba cï thøø man wø ba kïïn gïr cwøre, eno thøw këël na bëëde ni kwøw.

1 Timöthi 6:13

A köömma ïïni nyïm Jwøk, eni ni wø cïp kwøw jï jammi bëët, ki nyïm Krictø Jecu, ŋata käl luubö mare wøk ni beer kanya køp mare nyïm Pøntia Paylat,

Ibaru 6:1

Kiper manøgønø, beerra man kaalø pwöc man wø kwøŋ dhaanhø pwönynyö ki gø kiper Krictø, ni cøø baŋ pwöc man wø wëëk dhaanhø døøŋŋø ki ri ŋäädhe, ni ø ba nøøc tier løk cwïny man wø løk røk ri tïïe moa en ri thøø, ki mar ŋäädhe man wø en ri Jwøk,

Ibaru 9:14

a teeŋ lwøk mo nyïëdi nø noo lwøk øøni ki rem Krictø, ŋata cïp dëëre jï Jwøk ni bäŋ gïn mo jøøŋŋi ree, ni cïbe ka ri Jwïëc Jwøk ni wø bëëdö na bäre bäre, noo døøc cwïnynyø mo waany ni wiiø tïïe mo thøø ni tïnynyø Jwøa kwøw.

Jeemeth 2:17

Kiper ŋäädhe ni näk ma eni keere ni bäŋ tïïe ree, caala gïn mo othøw.

Jeemeth 2:20

?Aŋø, ï manynya gø nee nyooth jïrï, ï ni bäŋ wïc en, ki man näk mo ŋäädhe ni näk bäŋ tïïe ree, bäŋ gïn duue?

Jeemeth 2:26

Kiper manøgønø, ŋäädhe ni näk bäŋ tïïe ree, caala gïn mo othøw, kaawat man bëët dëëlli en, ni näk mo jwïëy tøør ree, othøw.

1 Jøøn 2:12

A göönna baŋu, u ni therø, kiper raay mou awec ki køør nyeŋŋe.