Köløcia 2:12 - Wëël Jwøk

¹² 'Ba kanya lwøk dëëtu na nyuudhi, koonynya uuni ki eni na aciel, ni beeye mana tïŋ uuni maal thuwø ki eni, ki køør ŋäädhe mana ŋääthu teek Jwøk na tïïö, ŋata tïŋ gø maal ki yi thøø.

Köløcia 2:12 Iomraidhean Croise

Luk 17:5

'Ba kanyøgø nyïïatwieli aköö jï Kwäärö, ni «Meet ŋäädhe marwa.»

Moa Tïïc Nyïïatwieli 14:27

'Ba na pïïcge, acooŋ Jwøk bäre acooŋge kanya ciel, ni køpge gïïa tïïc Jwøki ki rege, ki kanya jap øtjöör ŋäädhe jï juurre.

Moa Tïïc Nyïïatwieli 2:24

'Ba ena tïŋ Jwøki maal ki yi thøø ni pät gø cer thøø, kiper ba doo løny jï thøø ki man mak gø.

Moa Tïïc Nyïïatwieli 2:32

'Ba beeye Jecu manøgø na tïŋ Jwøki maal, ni gïnögø aneenwa bëët.

Wëëlö Mana Göör Pøølli Baŋ Jø Röm 4:24

'ba göör kaperø thuwø. 'Ba øøno jïëc thuwø ni marø beer, ø na näk ojïëy ni ŋääth ŋata tïŋ Kwääyø ma Jecu maal ki yi thøø,

Wëëlö Mana Göör Pøølli Baŋ Jø Röm 7:4

Kaawat manøgø thuwø, nyïïmera, uuna nø thøw ni ciik Jwøk jïre bäŋ teek bäätu këët ki køør dëër Krictø, nou tïmu ni uuna moe, eni na tïŋ maal ki yi thøø, kiper nøø tïïø ki gïï mo beyø jï Jwøk.

1 Körin 12:13

Kiper øøna lwøk bëët na nyuudhi ki ri Jwïëy aciel nøø tïmø na dëël aciel, nee jø Juuth wala jø mo patha jø Juuth, ki laaŋe wala jøøa bëëdö ki wïthge. Ni wëëk ø maath bëët ki ri Jwïëy aciel.

1 Körin 15:20

'Ba ka adïëri møn Krictø atïŋ maal ki yi thøø, ni beeye ŋata bwödhö ki duun wøk ki yi thøø dï jøøa näk othøw.

Galeecia 3:27

'Ba uuni bëët na lwøk na nyuudhi dëër Krictø, Krictø arøøu dëëtu.

Epeca 2:8

Kiper beeye met ec na piem uuni ki køør ŋäädhe. Ni manøgø ba tïïc uuni, 'ba beeye muuy mana cïp Jwøki ki met ec,

Epeca 3:17

nee Krictø bëëde cwïnynyu ki køør ŋäädhe, nou cuŋŋu nou teek ri mëër,

Epeca 3:7

'Ba aani, aana wëëk tïny luummögø ki køør met yi Jwøk na cïbe jïra, na wëëk a ka køør teege ni wø tïïö.

Epeca 4:5

ni beeye Kwäärö aciel, ki ŋäädhe aciel, ki lwøk aciel na nyuudhi,

Epeca 5:14

Ni beeye na købi, «Ni päyï nø, ï no obutö, ni ööï maal ki yi thøø. 'Ba Krictø ïïno mooe ki tar.»

Pilipay 1:29

'Ba ocïbö jïïu kiper nyeŋ Krictø, ki man jwørru gïï mo leth kipere, ni paa man jïëyu ni ŋääthu eni keere.

Köløcia 1:29

Ni beeye ni ööla døc ki tïïc en, naa tïïö ka ki køør teek mare bäre, keda man tïïe cwïnya ki teege en.

Köløcia 2:13

'Ba u na näk othøw yïth gïïa dhallu, ni mo dëëtu paa odaŋø, uuna tïïc Jwøki nou kwøw ki eni na aciel, ni wec moa dhalø bëët,

Ibaru 12:2

ni ø neeta Jecu, eni na täk ŋäädhe marø ni wø tïïc gø nee thur kare, ni beeye ŋata jïëny thøw bäät jaadha no odëëdö kiper met ec mana en nyïme, na taak laac wïc, ni pï piny buut wäl Jwøk bäät cwïïc.

Ibaru 6:2

ki pwöc kiper lwøk dëël na nyuudhi, ki cïp ceŋ bäät dhaanhø, ki duun wøk køør thøø, ki ŋøl luup mana näk ba wiil.

1 Piter 3:21

'Ba lwøk na nyuudhi ni caal gïnögø, piema uuni kawaane, ni paa kiper man wø käl cïlö wøk dëël, 'ba beeye kwac nyïm Jwøk ki cwïny mo leer, ki køør duun Jecu Krictø wøk ki yi thøø,