Köløcia 2:11 - Wëël Jwøk

¹¹ 'Ba beeye eni thuwø, na ö uuni ni jïtu ki daŋ, ni beeye kanya gøønyu mo dëël piny, ni daŋ manøgø paa man wø tïïc ki ceŋ, 'ba beeye daŋ mana näk mar Krictø.

Köløcia 2:11 Iomraidhean Croise

Jeremaya 4:4

U na cwøw Jerucalem ki mo dï Juuda bäre, wëëgu cwïnynyu daŋ nou cïpa dëëtu jïra, a na Wuuö Jwøk, ni kälu dupa mana raac wøk cwïnynyu, kiper nee wëër mara na liel na wääŋö kaamar maac mo bäŋ ŋat lønye jïgø ki bïp ba käla bäätu kiper gïïa reyø na tïïyu.

Maak 14:58

na «Awïnywa ni eni köö, ni ‹Aani, Øt Jwøk man en na tïïc ki ceŋ, onyaa piny ni geera mør ki nïne adäk mo ba tïïc ka ceŋ.› »

Luk 2:21

'Ba na tïm nïne moe na abära wøk, kanya daŋi, nyeŋŋe acak ni Jecu, ni beeye nyeŋ mana cïp nyïïatwiel maalli, kanya poode ni kär ci ec.

Moa Tïïc Nyïïatwieli 17:24

Jwøk na cwääc piny ki jammi bëët moi ni en yie en, na näk Kwääy maal ki piny, bäŋ wø bëëdö tiet arïëki mo tïïya dhaanhe.

Moa Tïïc Nyïïatwieli 7:48

'Ba Jwøa Dwøŋ ni en Maal bäŋ wø bëëdö yïth uudi mo geer ka ceŋ, keda mana caani ki dhi nyikuŋ Jwøk,

Wëëlö Mana Göör Pøølli Baŋ Jø Röm 2:29

'Ba dhaanhø wø tïmö ni ena ŋat Juuth ma adïëri kiper man wø en cwïnye. Ni daŋ ma adïëri beeye gïn mo ena cwïny, na gïr jwïëy ni patha gïn mo tïïc ka cenø. Ni pwøc mare ba käl baŋ jiy, 'ba käla baŋ Jwøk.

Wëëlö Mana Göör Pøølli Baŋ Jø Röm 6:6

Ŋääø ni gïïa kwøŋ en cwïnynyø anäk bäät jaadha no odëëdö ki eni na aciel, kiper nee dëël mana päŋ ki raay nee ränynye, nøø tïmø ni ø patha laaŋe jï raay këët.

Wëëlö Mana Göör Pøølli Baŋ Jø Röm 7:24

Wui, a na dhaanhø mo oränynyö en! ?Aŋa noo piem aani cer dëëri ni bëën thøø en?

2 Körin 5:1

Kiper ŋäcwa ni ni näk abïl bëëtwa yie pinyi en onyaaø, jïwa da øtø baŋ Jwøk, mo ba tïïc ka ceŋ, ni beeye øtø mana näk adïëri na en maal ni wø bëëdö na bäre bäre.

2 Körin 5:17

Kiper manøgønø, ni näk mo dhaanhø ena dëër Krictø, eno cwääö ni nyään. Ni ö bëëtö mana näk oruuö ni aae, ni tïm jammi bëët ni nyärö.

Galeecia 2:20

'Ba aana gur bäät jaadha no odëëdö ki Krictø na aciel. Ni patha aani ni kwøw en, 'ba beeye Krictø ni bëëdö ni kwøw dëëra en. Ni bëëtö man bëëda ki gø kawaane ki dëël man en, a bëëdö ka ri ŋäädhe na en ri O Jwøk, ŋata mëër ki aani, ni cïp ree kipera.

Galeecia 5:24

'Ba jøøa näk mo Krictø Jecu, gïï wø many dëëlli agurge bäät jaadha no odëëdö, ki jape na reyø wø caye.

Epeca 4:22

Weyu bëëtö maru mana dïkwøŋ na kwøŋu bëëtö ki gø na raac ki køør japa reyø na nieŋ cwïnynyu køørge na cøøk uuni.

Tiet Ciik 10:16

Ennø, wiillu cwïnynyu ni tïmu nou bëënna eni, ni ba bëëdu ni wïthu teek këët.

Tiet Ciik 30:6

'Ba Wuuö Jwøk na näk Jwøu cwïnynyu ki cwïny nyïïkwaayu wiile wiilø nou mëërru ki eni, e na Wuuö Jwøk na näk Jwøu, ki cwïnynyu bäre ki jwïëyu bäre, kiper nou bëëdu nou kwøw.

Pilipay 3:3

Kiper øøni, øøna jøøa daŋ na adïëri, ni wø wøør Jwøk ki ri Jwïëy, ni ø töödö ka ri Krictø Jecu, ni ø ba ŋääth mo dëël na bäre bäre.

Köløcia 3:5

Kiper manøgønø, 'nägu jap piny ni en cwïnynyu, teeŋ kaa käp, ki rääö, ki gïïa reyø wø nieŋ cwïnynyu køørge, ki many raay, ki päl cwïny, na näk beeye wøør juu møøk.

Ibaru 9:11

'Ba Krictø kanya ööe na Kwääy Lam Mana Dwøŋ, ni ena kwääy lam mar gïïa beyø na öö, ena öö ki ro oduŋkaanynya dwøŋŋa eni na beerra eni døc na näk kär tïïö ki ceŋ, ni ba joota ri moa cwääc.

Ibaru 9:24

Kiper Krictø kär døny yi kanya en kur keere mana näk tïïc ka ceŋ, man wø nyooth kanya en kur keere mana näk adïëri. 'Ba ena ci maalø kiree, ni eni cuŋŋö nyïm Jwøk ennø kiperø.