Köløcia 1:9 - Wëël Jwøk

⁹ Kiper manøgø nø, ki mana täge dïcäŋa wïnywa gø yie, bäŋ dïcäŋ aciel mo ewa ŋøl wøk, ni wa ba lämö kiperu, ni wa kwaaya Jwøk nee moa many Jwøki bëët tïme ni ŋäyu ki køør leec wïc ka acaare bëët mo wø en ri Jwïëye,

Köløcia 1:9 Iomraidhean Croise

Jøøn 7:17

Nee da dhaanhø mo caya man tïïc mana many Jwøki, eni dee ŋääö ki man näk mo pwöc man en käla baŋ Jwøk, wala caana ka wïïa a keera.

Moa Tïïc Nyïïatwieli 12:5

Kiper manøgønø Piter awii øt twöc. 'Ba jø acooŋ Jwøk, Jwøk akwaacge døøc kipere ki cwïnyge bäre.

Wëëlö Mana Göör Pøølli Baŋ Jø Röm 12:2

Käru bëëdö nou caala jø pinyi en këët, 'ba tïmu nou nyärö ki køør mana døøc cwïnynyu mo nyärö, kiper nee mana many Jwøki nee ŋäyu døøc, ki gïn mo beer ma kare man wø jïëc Jwøki.

1 Körin 1:5

kiper na bëënynyu ree ki yïth jammi bëët, ki yïth luup bëët, ka acaara bäre,

Epeca 1:8

na wëëk øøni ni päl ki ra acaaya dwøŋ, ki ŋäc tiet jammi.

Epeca 5:10

Ni kwanynyu bëëtö man wø met yi Wuuö ki gø.

Epeca 5:17

Kiper manøgønø, käru tïmö ni uuna bøøre, 'ba ŋäyu gïna many Wuue.

Epeca 6:6

Ni ba tïïyu kaper na mïëre ki nyeŋ jiy nou døøya yïth jiy mo met. 'Ba tïïyu ni uuna laak Krictø, nou tïïya mana many Jwøki ki cwïnynyu bäre,

Pilipay 1:4

ki yïth laam 'moa bëët, naa wø lämö cooth ni yia met.

Köløcia 1:6

na ö baŋu, kaawat mana keethe møn yi piny bäre ni känne ki nyïëdi ni nyaae, kaawat mana tïïc dïïu thuwø dïcäŋa wïnynyu gø yie, ni kwanynyu tier met yi Jwøk ka adïëri,

Köløcia 3:16

Wëëgu luum Krictø bëëtö cwïnynyu na adïëri, kaawat man wø pwönynyu røgu, nou jøga røgu ki køør acaare bëët mo leec wïc, kaawat man wø wärru Dut Pwøc ki dut Jwøk, nou dwøga met ec jï Jwøk.

Köløcia 4:12

'Ba uuna määth Epapara ŋata öö ki baŋu, na näk laŋ Krictø Jecu. Eni lääŋŋa uuni cooth ki cwïnye bäre yïth laam moe, nou cuŋŋu ni uuno thur karu, ni moa many Jwøki bëët you kwanyø na adïëri.

Köløcia 4:5

Gwøgu rou ni tïm wïthu ni leer dï jøø ni kär jïëy yøø, ni magu rou døc ki man tïïu yi jöö mano jap jïïu jaak.

1 Thecalönika 1:3

Ni wa lääŋŋa tïïc maru nyïm Jwøø na näk Wääø, ni wø tïïyu ki køør ŋäädhe, ni uuno ööl ki køør mëër, nou bëëdö ni dëëtu you maaø ri ŋäädhe mana ŋääthu Kwääyø ma Jecu Krictø.

1 Thecalönika 5:17

Ni lämu cooth.

2 Thecalönika 1:11

Ni beeye ni wø lämwa cooth kiperu, nee Jwøk marø, nou tïïe ni uuno rømø ki cwönne, nee moa beyø bëët, ki tïïe mo ŋäädhe, nee thurge karge jïïu ki køør teege,

Piliman 1:4

'Ba aani, Jwøa wø pwøa pwøø cooth, kany wø para gïrï ki yïth laam 'moa.

Piliman 1:6

Kiper aani, a wø lämö nee ŋäädhe marï nywaagï ki jø møga, nee gïïa beyø bëët na näk 'moø ri Krictø, nee wëëk ŋäc.

Ibaru 10:36

Kiper manynya man magu cwïnynyu, nee mana many Jwøki tïïyu ni ci buuki jïïu.

Ibaru 13:21

uuno wëëk gïïa beyø bëët, kiper nee mana manynye tïïyu, ni tïïc gïï wø met yie ki ge yïth cwïnynyø, ki ri Jecu Krictø, ŋat wø en ajiemmi jïre këël na bäre bäre. Enøgønø.

Jeemeth 1:5

'Ba ni näk da ŋat mo leec wïc mare orëëm dïïu, Jwøk wär pëënynye, ŋat wø cïpi jï jiy bëët ki cwïnye bäre ni ba pëëö, 'ba omëëk eni.

Jeemeth 3:17

'Ba acaara man wø ööi ki maal, bäŋ gïn mo raac dëëre, 'ba bëët-mëër ena ree, ki mööl, ki leŋ luup, ki køny mo päl, ki tïïe mo beyø, ni bäŋ dööti ariiø, wala atade.

1 Piter 2:15

Kiper beeye mana many Jwøki ni døøyu jøøa bäŋ wïdhi na näk bäŋ gïn mo ŋäcge mo lïŋö ki køør tïïe moa beyø ni wø tïïyu.

1 Piter 4:2

kiper nee nïre moa no odööŋ moo beede piny, nee ba beede këët ni cwïnye onieŋ køør gïïa reyø ni wø many dhaanhe, 'ba nee bëën moa many Jwøki.

1 Jøøn 2:17

'Ba piny aay ki gïïe ni wø paaye. 'Ba ŋat wø tïïc mana many Jwøki wø bëëdö këël na bäre bäre.

1 Jøøn 5:20

'Ba ŋääø ni O Jwøk anø öö, ni mooc øøni ka acaara ki man ŋääø ŋata näk adïëri. Ni ø ena ri ŋata näk adïëri ki køør Wääde ma Jecu Krictø. Manøgø beeye Jwøk mana näk adïëri ni näk kwøw mana näk adïëri mo bäŋ cuŋŋe.

1 Camiel 12:23

Këël aani thuwø, a poot bëëdö naa lämö kiperu, ni ba løny ki man wiia lam, naa ba bääya dëër Wuuö Jwøk; uuni, u poot pwönynya pwönynyö ki man ŋäyu gïna beer ni caathu jöö mo tiir.