Köløcia 1:4 - Wëël Jwøk

⁴ Kiper awïnywa ni uuno jïëy ni ŋääthu Krictø Jecu, ni wïnywa mëër maru, nou mëër ki jø Jwøk bëët,

Köløcia 1:4 Iomraidhean Croise

2 Körin 7:7

Ni patha kiper öönynye keere, 'ba beeye kiper cøm cwïny mana cømmu cwïnye ki gø thuwø, kaawat mana køp äp cwïny maru jïwa, ki kïmmö maru, ki mëër maru ki aani. Manøgø yia acäŋ døøc mo met kiree.

Galeecia 3:26

Kiper uuna wäät Jwøk bëët ki køør mana ŋääthu Krictø Jecu.

Galeecia 3:28

'Ba kawaane bäŋ ŋat Juuth wala ŋat Gïrïïk këët, ni bäŋe laŋŋø wala ŋat mo bëëdö ka wïïe keere, ni bäŋe thwønh wala maath, kiper uuna tïmö ni uuna aciel dëër Krictø Jecu.

Galeecia 5:6

'Ba ki jï jø wø en dëër Krictø Jecu, daŋ wala bäŋ daŋ bäŋ gïn tïïcge, 'ba gïn mo pere leth beeye ŋäädhe ni wø tïïö ki køør mëër.

Epeca 1:15

Kiper manøgø nø, na wïnynya gøøni ni Kwäärö ma Jecu you ŋäädhö møn, nou mëër ki jø Jwøk bëët,

Epeca 6:18

Lämu cooth ki ri Jwïëc Jwøk, ki teeŋ laam bëët ki kwac. Kiper manøgønø, bëëdu ni nyeŋŋu you jabø ni dëëtu you gwøø, nou kwaaya Jwøk kiper jø Jwøk bëët,

Köløcia 1:9

Kiper manøgø nø, ki mana täge dïcäŋa wïnywa gø yie, bäŋ dïcäŋ aciel mo ewa ŋøl wøk, ni wa ba lämö kiperu, ni wa kwaaya Jwøk nee moa many Jwøki bëët tïme ni ŋäyu ki køør leec wïc ka acaare bëët mo wø en ri Jwïëye,

1 Thecalönika 1:3

Ni wa lääŋŋa tïïc maru nyïm Jwøø na näk Wääø, ni wø tïïyu ki køør ŋäädhe, ni uuno ööl ki køør mëër, nou bëëdö ni dëëtu you maaø ri ŋäädhe mana ŋääthu Kwääyø ma Jecu Krictø.

1 Thecalönika 3:6

'Ba kawaane, Timöthi aduu baŋwa, na öö ki baŋu, ni känne jïwa ki dwøl mo met kiper ŋäädhe maru ki mëër maru, ni caan gø ni cooth u lääŋŋa waani, ni yïthu met, ni cwïnynyu oäpö ki man jootu waani, keda man wø äp cwïnywa ki man jootwa uuni.

2 Thecalönika 1:3

'Ba nyïïmera, met ec marwa ba maarwa wec ki man dwøkwa gø jï Jwøk cooth kiperu, ni beeye mana beer ki man tïïcwa gø, kiper mana tïm ŋäädhe maru ni päl, ni ö mëërri maru mana mëërru ki røgu ni meet ree.

Piliman 1:5

Kiper ŋäädhe marï na en jïrï kiper Kwäärö ma Jecu, ki mëër marï man wø mëërï ki jø Jwøk bëët, wø wïnynya wïnynyö.

Ibaru 6:10

Kiper Jwøk ŋøl mare tiir, ni tïïe mou ba taae, ki mëër mana nyoothu kiper nyeŋŋe kanya tïnynyu jø Jwøk, kaawat man poodu nou tïïya gø enø.

1 Jøøn 3:14

Ŋääø ni øøna pööth wøk ki yi thøø ni cøø yi kwøw, kiper mana mëërø ki nyïïmëëe. 'Ba ŋat wø ba mëër, poot ena yi thøø.

1 Jøøn 3:23

'Ba gïna ceme beeye en, ni jïëø ki nyeŋ Wääde ma Jecu Krictø, ni mëërø ki røgø keda mana kööm øøni.

1 Jøøn 4:16

Kiper manøgønø, ŋääø ni yøø jïëø ni Jwøk mëër ki øøni. Jwøk a mëër. Ni ŋat wø bëëdö ri mëër, bëëdö ri Jwøk, ni Jwøk wø bëëdö dëëre.