Köløcia 1:22 - Wëël Jwøk

²² kawaane, uuna dwøk baŋe ki køør thøw Jecu, na cïp rïŋ dëëre, kiper nou kïth nyïme nou ena kur keeru, ni bäŋ ajäla dëëtu, ni bäŋ gïn mo jøøŋŋi dëëtu nyïme,

Köløcia 1:22 Iomraidhean Croise

2 Camiel 22:24

Aana bëëdö ni bäŋ gïn jøøŋŋi ri bëëtö mara nyïmï, ni bëëda ni raa yaa gwøø ki raay.

Jööp 15:15

Ni näk Jwøk nyïïatwiet maal moe na en kur keerge käre ŋäädhö, ni këël jap maal kiree ba nëëni ni waany ki nyïme,

Jööp 25:5

Raŋŋu, ni näk mo tac dwääy ki tøŋ mar ceer ee taaø ki waŋe,

Luk 1:75

nøø bëëdö ni ø ena kur keerø, ni marø beer nyïme ki yïth nïne 'moø bëët.

Wëëlö Mana Göör Pøølli Baŋ Jø Röm 7:4

Kaawat manøgø thuwø, nyïïmera, uuna nø thøw ni ciik Jwøk jïre bäŋ teek bäätu këët ki køør dëër Krictø, nou tïmu ni uuna moe, eni na tïŋ maal ki yi thøø, kiper nøø tïïø ki gïï mo beyø jï Jwøk.

2 Körin 11:2

Kiper gïru yaa keeø ki keec man wø näk mar Jwøk. Kiper u yaa miiø jï Krictø, nou cïba jïre keda dhaagø thiinh mo dëëre joota cwøre keere.

2 Körin 4:14

Ni ŋäcwa ni ŋata tïŋ Kwäärö ma Jecu maal, waano tïŋ maal thuwø ki Jecu, ni kïth waani nyïme ki uuni na aciel.

2 Körin 5:18

Ni moi bëët käla baŋ Jwøk, ŋata cäŋwa dwøk kanya ciel ki eni ki køør Krictø, ni wëëk wa tïïc man cäŋ jiy dwøk kanya ciel ki Jwøk.

Epeca 1:4

kaawat mana ö eni ni jier øøni ni kïth øøni dëër Krictø kanya poot pinynyi ni kär cwääö, kiper nøø tïmø ni ø ena kur keerø na mo Jwøk ni bäŋ ajäla dëëtø nyïme.

Epeca 5:27

na acooŋ Jwøk peeth nyïme ka ajiem, ni bäŋ kïdö mo raac wala kany mo ba mïërö wala gïn mør mo ena dëëre, nee tïme ni ena kur keere ni bäŋ kany mo jøøŋŋi dëëre.

Köløcia 1:28

'Ba beeye Krictø ni wø gïre køpwa, ni köömwa jiy bëët, ni pwönywa jiy bëët ki køør luup leec wïc bëët, kiper nee jiy bëët kïthwa nyïm Jwøk, ni kwänynyö marge othur kare na wøp ri Krictø.

1 Thecalönika 4:7

Kiper Jwøk ø käre cwølø nøø tïmø ni ø reyø, 'ba nøø tïmø ni ø ena kur keerø.

Tayta 2:14

ŋata cïp ree kiperø, nee ø wïïl wøk yïth raay bëët, ni tïïc øøni ni ø waany na moe, na jiy mo cwïnyge ege cïp køør tïïe moa beyø.

Ibaru 10:10

Ni beeye manøce na many Jwøki na tïïc øøni ni ø ena kur keerø, ki køør dëër Jecu Krictø na cïp no olämi yie aciel na bäre bäre.

Ibaru 10:20

na näk jöö mana nyään na kwøw, na jabe kiperø, ki køør abïïna näk ogëëŋö, na näk beeye dëëre,

Ibaru 13:21

uuno wëëk gïïa beyø bëët, kiper nee mana manynye tïïyu, ni tïïc gïï wø met yie ki ge yïth cwïnynyø, ki ri Jecu Krictø, ŋat wø en ajiemmi jïre këël na bäre bäre. Enøgønø.

1 Piter 3:18

Kiper Krictø thuwø athøw kiper raay yie aciel na bäre bäre, ŋata beer na thuunh jøøa reyø, kiper nee ø kïth baŋ Jwøk, ki køør mana 'näk dëëre ni cäŋi wëëk kwøw ki ri jwïëy.

2 Piter 3:14

Kiper manøgønø, omëëya, na tïme nou koora gïïögø, putu manynyø ki cwïnynyu bäre nou nwäne ki bëët-mëër ni bäŋ kïdö mo raac wala gïn mo jøøŋŋi dëëtu.

Juut 1:24

'Ba pwøc en jï ŋat wø løny jïre ki man gwøk uuni ki pädhö, ni bwøth uuni kar ajieme, ni bäŋ gïn mo jøøŋŋi dëëtu ni yïthu met.