Köløcia 1:16 - Wëël Jwøk

¹⁶ Kiper jammi bëët cwääc ka ree, moa en maal, ki moa en piny, ki moa näk nëënö, ki moa näk ba nëëni, nee nyeye wala kwääri, wala gïïa jïge da teek maal, ki moa jïge da teek piny. Ni jammi bëët cwääc ka køøre, ni cwänynya eni.

Köløcia 1:16 Iomraidhean Croise

1 Luup Nyeye 29:11

Wui Wuuö Jwøk, teek, ki dööŋö, ka ajiem, ki böödö, ki wödö en jïrï, kiper jammi bëët moa en maalø ki moa en piny beege moï. Wui Wuuö Jwøk, bura beeye marï, ni bee ï na wïth jammi bëët.

Neemiya 9:6

Bee ï keerï na Wuuö Jwøk. Ni bee ï na cwääc maal, këël maal kuya, ki gïïa en yie bëët, ni bee ï na cwääc piny ki gïïa en yie bëët, ni bee ï na cwääc näpa døøŋŋø ki gïïa en yïthge bëët, ni bee ï ni wø cïp kwøw jï gïïa kwøw bëët, ni ö gïïa en maalli ni wøørge ïïni.

Pwöc Leec Wïc 16:4

Wuuö Jwøk jammi bëët ee cwääö kiper tïïe moge, ni ŋata raac cøøa yi ränynyö cäŋ gïïa leth.

Aydheea 43:21

Jiya moa tïïa kiper dëëra ajiem mara caange caanø.

Aydheea 44:24

Man bee dwør Wuuö Jwøk, eni na wïïl ï wøk, na cwääc ïïni ec, ena köö, ni «Aani, a na Wuuö Jwøk, bee aani na tïïc jammi bëët; maal apeera, ni tïïya a keera, ni peera piny a keera.

Jøøn 1:10

Eni ena piny, ni beeye eni na cwääc piny ki køøre, 'ba eni kär ŋec jø pinynyi.

Jøøn 1:3

Ni jammi bëët cwääc ka ree, ni bäŋ gïn mo ocwääö ri moa cwääc bëët, ni eni tøør ree.

Wëëlö Mana Göör Pøølli Baŋ Jø Röm 11:36

Kiper beeye eni na ö jammi bëët ki baŋe, ni ööi ka køøre, ni cäätha baŋe. Ajiem en jïre na bäre bäre. Enøgønø.

Wëëlö Mana Göör Pøølli Baŋ Jø Röm 8:38

Kiper ŋääa døøc ni thøø, wala kwøw, wala nyïïatwiet maal, wala gïïa jïge da teek maalø, wala gïï ni nutö ii, wala japo ööi, wala moa jïge da teek,

Wëëlö Mana Göör Pøølli Baŋ Jø Röm 9:5

ni kwäre moa døøŋŋø beege moge. Ni bee ki rege na nywøl Krictø na dhaanhø, eni na Jwøk na en bäät jammi bëët na doo pwøø na bäre bäre. Enøgønø.

1 Körin 8:6

ki jïïø, beeye Jwøk aciel keere, na näk Wuuö, eni na ö jammi bëët ki baŋe, ni beeye eni ni bëënnø en, ki kwäärö aciel ma Jecu Krictø, ŋata ö jammi bëët ki køøre, ni poot na eni ni tïmø ni ø nut en ki køøre.

Epeca 1:10

Ni manøgø ee cooŋø ki cwïnye nee tïïe kanyo ö kanya wäŋŋi noo thur kare, kiper nee jammi bëët dwal dëëre, mo maal ki mo piny.

Epeca 6:12

Kiper leny marø ba këëlø ka jiy, 'ba ø këëdi ka gïïa jïge da teek maalø, ki moa jïge da teek piny, ki kwääc muudhö ni en pinyi en, ni ø këëdi ka juu na reyø ni en maalø na thööth døc.

Tiet Ciik 4:39

«Kiper manøgønø, gïn wär ŋäyu dïcäŋi ennø, ni kïthu gø cwïnynyu, ni Wuuö Jwøk beeye Jwøk ni en maal bäre, ni en bäät piny bäre, ni bäŋ Jwøk mør.

Pilipay 2:10

Kiper manøgønø, kany wäro wïny nyeŋ Jecu, cøŋŋi bëët doo këëlla piny, ni beege moa en maal, ki moa en piny, këël ki moa en tiet ŋøøm.

Köløcia 1:15

'Ba eni na Krictø röömi ka Jwøk na näk ba neen, ni beeye kaa dï jammi bëët moa cwääc.

Köløcia 1:20

Ni duu jammi bëët baŋe ki køøre, moa en maal ki moa en piny, ni dwøga bëët-mëër kare, ki køør remme na cwïër piny bäät jaadha no odëëdö.

Köløcia 2:10

'Ba kawaane, uuna nø thur karu ki ree, ŋata näk wïth kwääri bëët ki moa no ocuumö bëët.

Köløcia 2:15

Ni ö eni ni dwøc tøøk gïïa jïge da teek maal ki moa näk ocuumö, ni tïïe ni ee nyoodhø jï jiy bëët, ni dïïm geni ki køøre.

Ibaru 1:2

'Ba ki yïth nïne moi ii, ena cäänö ki øøni ki ri Wäädö, ŋata nyoodhe ni beeye lwiidhø mana en jammi bëët cere, ŋata ö eni thuwø na cwääc piny ki køøre,

Ibaru 2:10

Kiper orømø jï Jwøk, eni na en jammi bëët jïre, ni ööi ki baŋe, ki man tïïc ŋata bwøth jiy jöör pïëm man piem geni ki gø no othur kare ki køør gïïa leth na jwøre, kanya ö eni na käl nyïïe mo thööth kar ajiem.

1 Piter 3:22

ŋata aa maal, ni en bäät cwïï Jwøk, ni bëët nyïïatwiet maal, ki kwääri, ki teek bäre ni ge leŋa dwøre.