Köløcia 1:13 - Wëël Jwøk

¹³ Ni beeye eni na käl øøni wøk ki yi teek muudhö, ni kïth ø yi buc Wääde na mëëre ki gø.

Köløcia 1:13 Iomraidhean Croise

Aydheea 42:1

Wuuö Jwøk aköö, ni «Ka adïëri møn, man beeye dhaanhnha, na näk yaa jølø, ni beeye na jiera na met yia ki gø; jwïëy 'moa okïtha bääte, ni ö eni ni tïïc ŋøl luup mana näk kare bäät wïth juurre.

Aydheea 53:12

Kiper manøgønø, eno mooa ki kure dï moa teek, ni putge gø pääŋŋö na aciel ki ge na teek, kiper eni dëëre akïth yi thøø, ni kwaani røk jø adhala. 'Ba eni ki dëëre beeye na käär raay mo jiy mo thööth, na lämö kiper jø adhala.»

Aydheea 60:2

Ka adïëri møn, muudhö bäät piny aume, muudhö mo cøl ena bäät wïth juurre; 'ba Wuuö Jwøk ööa baŋï, ni ö ajiemmi mare ni nëëne bäätï.

Dhekaraya 9:9

«Wui, Dhayan, iï mïnne døc! Ni kwöŋŋï ki met ec, ni bee ï na Jerucalem! Raŋï, nyeya marï ööa baŋï, ŋat mo mare beeye adïëri, mo käära pïëm man piem jiy ki gø; eni mwöl, ni ena bäät arëën, ni beeye bäät nya arëën mana thiinh.

Mathiew 17:5

'Ba kanya poode ni cäänö, pöölö mo tar anijïïm bäätge. Ni ö dwølli ki yi pööllögø, ni caana gø, ni «Man beeye Wääda na mëëra ki gø, na met yia ki mare. Wïnynyu luumme.»

Mathiew 25:34

Kanyøgø eni na nyeya oköö jï jøøa en bäät cwïïe, ni ‹Ööu, u na näk ogwïëth Wära, nee buya käl maal na näk ojiiŋŋø kiperu ki mana täge ki kanya cwääc piny yie ci jïïu.

Mathiew 3:17

Ni put dwølli öö ki maal ni kööe, ni «Man beeye Wääda na mëëra ki gø, na met yia ki mare.»

Luk 13:24

ni «Magu rou døc ki man dønyu ki dhi kiir mana diiny. 'Ba a cäänna uuni, ni jiy mo thööth omany man dønyge yie, 'ba otïmö ni ba løny jïge.

Luk 22:53

Kany wø bëëda ki uuni cooth yi kal mar Øt Jwøk Mana Dwøŋ, ceŋŋu käru kïth dëëra. 'Ba beeye karu ennø, ni beeye kar teek muudhö.»

Jøøn 17:24

Awuuö, a manynya geni thuwø, ge na cïpï jïra, nee bëëtge ki aani na aciel kanyo ena yie, na ajiem mana cïpï jïra nee neenge, kaawat mana mëërï ki aani, ki mana täge ni piny poot kär caa.

Jøøn 3:35

'Ba Wuuö mëër ki Wäädö ni cïp jammi bëët cer gø.

Jøøn 5:24

Adïëri møn, a caana gø jïïu, ni ŋat wø wïny luumma ni jïëe ki eni na jääŋ aani, ree da kwøw mana näk adïëri mo bäŋ cuŋŋe. Ni eni ba doo cøøa kar ŋøl luup. 'Ba eno nø ö wøk ri thøø ni ci yi kwøw.

Moa Tïïc Nyïïatwieli 26:18

kiper nee nyeŋge japï, nee muudhö wecge ni løøge rege baŋ tar, ni wecge teek Ceethan ni løøge rege baŋ Jwøk, kiper nee raay moge wec Jwøki, ni jïtge ki karge dï jøøa näk ocïp kur keerge na mo Jwøk, ki køør ŋäädhe man wø ŋääthge aani.›

Wëëlö Mana Göör Pøølli Baŋ Jø Röm 14:17

Kiper buc Jwøk paa per cam ki maath, 'ba beeye bëëtö mo beer, ki bëët-mëër, ki met ec ki ri Jwïëc Jwøk na en kur keere.

2 Körin 11:14

'Ba paa gïn mo ec thäŋŋö ki gø, kiper këëlla Ceethan dëëre wø døøye nyïïatwiel maal mar tar.

2 Körin 4:4

'Ba beeye jwø pinyi en na wëëk jøøa kär jïëy cøørø, nee tac luumma nyään na met mar ajiem Krictø nee ba neenge, ŋata kïte caal kït Jwøk.

Epeca 1:6

nee met yie na bäŋ teeŋe na cïbe jïïø ki bäth ec dëër Omëëye, nee pwøø.

Epeca 4:18

Kiper bäŋ gïn kwanyge, ni ge tøør ri kwøw mar Jwøk kiper na bäŋe gïn mo ŋäcge ki køør mana teek cwïnyge.

Epeca 5:5

'Ba gïn wär ŋäyu døøc, ni bäŋe ŋat ma kääbi, wala ŋat mo raac, wala ŋat mo cwïnye päl ki jammi, ni wø caal wøør juu møøk, mo jïre da kare yi buc Krictø ge ki Jwøk.

Epeca 5:8

Kiper dïkwøŋ uuna muudhö, 'ba kawaane uuna tar ki ri Wuuö. Cäädhu ni uuna nyïï tar.

Epeca 6:12

Kiper leny marø ba këëlø ka jiy, 'ba ø këëdi ka gïïa jïge da teek maalø, ki moa jïge da teek piny, ki kwääc muudhö ni en pinyi en, ni ø këëdi ka juu na reyø ni en maalø na thööth døc.

1 Thecalönika 2:12

ni cømwa cwïnynyu, ni caanwa gø jïïu, ki man bëëdu ki bëëtö mo beer mo orømø ki Jwøk, ŋat wø cøør uuni yi buye kiree ni mooc uuni ka ajiem.

Ibaru 2:14

Kiper manøgønø, na tïme ni jøøgø beege jic dëël ki remø, eni ki dëëre, ena tïmö na dhaanhø kaamarge, kiper nee ŋata en teek thøø cere na näk anägö, nee raanynye ki køør thøwe,

1 Piter 2:9

'Ba uuni, uuna jiy mo ojierø, ni nägu dïlämme mo tuuŋ kwär, na jiy mo ena kur keerge, na jic Jwøk kiree, kiper nee moa beyø na tïïc ŋata cwöl uuni wøk ki yi muudhö ni kïth uuni yi taye na beer døc, nee køpu.

2 Piter 1:11

'Ba uuno wëëk jöö mo päl man dønynyu yi buya näk bäŋ cuŋŋe mar Kwääyø na näk Pïëmi ma Jecu Krictø.

1 Jøøn 2:8

'Ba u poot göönna göönnö ki dwøl mo nyään, ni luummögø athur kare ki ri Jecu, ni beeye ni tïïyu enø, kiper muudhö aay en, ni tar mana näk adïëri oløny ni rïënyö.

1 Jøøn 3:14

Ŋääø ni øøna pööth wøk ki yi thøø ni cøø yi kwøw, kiper mana mëërø ki nyïïmëëe. 'Ba ŋat wø ba mëër, poot ena yi thøø.

1 Jøøn 3:8

'Ba ŋat wø bëëdö ni bääö, ena mar anägö, kiper anägö wø bëëdö ni bääö ki kanya täk pinynyi. Ni beeye na ö O Jwøki nee tïïe mo anägö raanynye.