Köløcia 1:10 - Wëël Jwøk

¹⁰ nou bëëdu ki bëëtö mo beer mo rømø jï Wuuö, ni tïïyu gïï wø met yie ki geni keerge, nou kännö ki nyïëdi yïth tïïe moo beyø moo tïïyu bëët, ni meetu mana ŋäyu kiper Jwøk,

Köløcia 1:10 Iomraidhean Croise

Pwöc Leec Wïc 16:7

Kany wø näk mo jïëth tïïe mo dhaanhø duua met ec jï Wuuö Jwøk, Wuuö Jwøk cïpö ki bëët-mëër, këël yïthakic dhaanhø ki nyïïmän moe.

Aydheea 53:11

Wuuö Jwøk aköö, ni «Køør gïïa jwøre ki cwïnye, yie omïnni kanyo joot gïno beer. Eni na dhaanhnha na mare beer, ki køør leec wïc mare, jiy mo thööth ojïëe ni marge beer ki køør mana käär raay moge.

Daniel 12:4

'Ba ï na Daniel en, cïëk luup moa en yi wëëlö ni mwönï gø, këël kanyo tïme na aŋuun nïne. Jiy mo thööth oreŋ kun ki kun ni ge meeta kwänynyö.»

Mikiya 4:5

'Ba këël na bëët wïth juurre bëët ni ŋati man nø cäädhi ka nyeŋ jwøe, øøni, ø bëëdö ni ø cäädhi ka nyeŋ Wuuö Jwøk na bäre bäre, eni na Jwøk marø.

Abakuk 2:14

Kiper piny opäŋ ki ŋäc ajiem mar Wuuö Jwøk, kaawat man wø ö pïïyi ni wø pääŋ naama dwøŋ.

Jøøn 15:16

Paa uuni na jier aani, 'ba beeye aani na jier uuni, ni kwanya uuni nou cou ni kännu ki nyïëdi, ni tïm nyïëdi mou ni bëëdö. Kiper manøgønø, nee gïn wäro pëënynyu Wuuö ki gø ki nyeŋŋa, nee cïbe jïïu.

Jøøn 15:8

'Ba beeye gïn wø käl ajiem jï Wära, ni näk mou kännö ki nyïëdi mo thööth ni dëëtu you nyoodhø ni uuna bääga.

Jøøn 17:3

Ni man en beeye kwøw mana näk adïëri mo bäŋ cuŋŋe, niï ŋäcge, ï na näk Jwøk mana näk adïëri keere, ki Jecu Krictø na jääŋŋï.

Wëëlö Mana Göör Pøølli Baŋ Jø Röm 1:13

Jaay, nyïïmera, a caya uuni man ŋäyu gø na a wø caya man ööa baŋu cooth, 'ba a poot di gëëŋŋö. 'Ba gïna daa ö baŋu kipere beeye kiper nee luum Jwøk thur kare dïïu, kaawat mana kwøŋa tïïc dï juurre møga.

Wëëlö Mana Göör Pøølli Baŋ Jø Röm 4:12

Ni tïme na kwar jøøa näk odaŋø thuwø, na näk marge patha daŋ keere, 'ba ge caatha jöör ŋäädhe mana en jï kwarø ma Eeberam kanya poode ni eni poot kär daŋø.

Wëëlö Mana Göör Pøølli Baŋ Jø Röm 6:4

Kiper manøgønø, øøna koony ki eni na aciel ki køør lwøk marø na lwøk øøni na nyuudhi yi thøwe, kiper nee jöör kwøw mana nyään caadhø, kaawat mana ö Krictø na tïŋi maal ki yi thøø ki køør ajiem Wuuö Jwøk.

2 Körin 2:14

'Ba pwøc en jï Jwøk, ni wø bwøth waani cooth ni dïïmwa jammi bëët ki nyeŋ Krictø, ni tïïc nyeŋ gø ni ŋäc yi piny bäre ki køørwa, ni caala gïn mo ŋwäänynye met.

2 Körin 4:6

Kiper beeye Jwøk na köö, ni «Tar rienye yi muudhö,» na wëëk tar rieny yïth cwïnynyø, nee tay ajiem Jwøk ni en täärnyïm Krictø wëëk ŋäc.

2 Körin 5:9

Kiper manøgø nø, nee wa ena kany wala wa tøør kany, wïthwa poot ewa këël ri gïï wø met yie ki ge.

2 Körin 9:8

Kiper løny jï Jwøk ki man gwïëth uuni døc ki yïth jammi bëët, nou bëëdu ni jïïu da jammi mo orømø cooth, nee u cïpö døc kiper tïïe bëët mo wø beyø cooth.

Epeca 1:17

nee Jwøk na näk Jwø Kwääyø ma Jecu Krictø, ni näk Uun ajiem, nee u mooe ki wïdhi mo leer, ki cwïny mou wëëge ka ŋäc eni,

Epeca 2:10

Kiper øøna gïïa tïïe, ni cwääc ka ri Krictø Jecu kiper tïïe moa beyø, moa näk ojiiŋ Jwøki cøøn, nee ø bëëdø ni ø tïïya geni.

Epeca 4:1

Kiper manøgønø, a na tööny Wuuö, a kwaya uuni ki man bëëdu ki bëëtö mo orømø ki cwödö mana cwøl uuni kipere,

Epeca 4:13

këël mano dwätø karøbëët na aciel ki ri ŋäädhe ki ŋäc man ŋääø O Jwøk, ni døøŋŋø, ni thurø karø kaamar Krictø ni wø näk othur kare,

Epeca 5:10

Ni kwanynyu bëëtö man wø met yi Wuuö ki gø.

Epeca 5:15

Kiper manøgønø, gwøgu dëëtu døøc ki wääthu, ni wïthu leer nou patha jiy mo wïthge ba leer.

Epeca 5:2

Ni caathu jöör mëër, kaamar Krictø na mëër ki øøni ni cïp dëëre kiperø na jëëdhi mo ŋwääö ni met no olämi man wø 'näk jï Jwøk.

Pilipay 1:11

nou bëëdu ni cwïnynyu päŋ ki nyïï bëënynyö mo wø ööi ki køør Jecu Krictø, nee Jwøk jiem ni pwøi ki køøru.

Pilipay 1:27

'Ba man caana jïïu keere nø, bëëdu ni bëëtö maru orømø ki luumma nyään na met mar Krictø. Kiper ni näk maa duua baŋu ni neena uuni, wala a ba ö baŋu, nee wïnynya ki man näk mou cuŋŋö nou teek ki cwïny aciel, ni döötu aciel, nou tïïö døc ni dëëtu you maa karubëët, kiper ŋäädhe mar luumma nyään na met.

Pilipay 4:18

'Ba aana nø jïtö ki muuce baŋu mo thööth døc, ni jäŋa ki muuce moa cïbu cer Eparödaata, na näk caala olämi man wø waaŋ ni ŋwääö ni met, man wø jïëc Jwøki ki gø, ni wø met yie ki gø.

Köløcia 2:19

ni Wïc käre maa, na näk Krictø, ŋata ö dëëlli bäre ni wø piidhe ki ree no odwätö na aciel ki ri mut ki läär na dwal gø, ni piith ka pïth mana en baŋ Jwøk.

Köløcia 2:6

Kiper manøgønø, putu bëëtö ree, kaawat mana jïëyu Krictø Jecu na näk Kwäärö.

Köløcia 3:20

U no obwöre, leŋŋu luup jøøa nywøl uuni ki yïth jammi bëët, kiper beeye man wø mïn yi Wuuö ki gø.

Köløcia 4:5

Gwøgu rou ni tïm wïthu ni leer dï jøø ni kär jïëy yøø, ni magu rou døc ki man tïïu yi jöö mano jap jïïu jaak.

1 Thecalönika 2:12

ni cømwa cwïnynyu, ni caanwa gø jïïu, ki man bëëdu ki bëëtö mo beer mo orømø ki Jwøk, ŋat wø cøør uuni yi buye kiree ni mooc uuni ka ajiem.

1 Thecalönika 4:1

'Ba nyïïmera, mana dööŋ keere nø, wa kwaya uuni ni wa köömma uuni ki ri Kwäärö ma Jecu, nou bëëdu ki bëëtö mana dou bëëdö ki gøøni, ni tïïyu gïïa met yi Jwøki ki ge, kaawat mana kwanynyu gø baŋwa. Ni putu gø tïïc ni cäätha nyïm kaawat man tïïyu gø enøgø.

2 Timöthi 2:4

Kiper ŋat leny wïïe bäŋ wø maaŋŋe ki tïïe møøk, kiper mano këël wïïe ri tïï ŋata kïth gø yi tïïc ni døøya yi gø mo met.

Tayta 3:1

Kööm geni ki man wøørge kwääri ki jøøa jïge da teek, ni bëëtge na dïleŋ luup, ni yïthge met ki man kunyge ri tïïe mo wø beyø bëët, ni cwïnyge leer,

Tayta 3:14

'Ba beerra man ö jø Jwøki moa en Kariit kaagø man kwanyge tïï gïï mo beyø, nee kany wø dee gïï mo leth mo tägö nee ge wø laarge kunynyö, ni ba bëëtge jaak.

Ibaru 11:5

Ni beeye ŋäädhe na ö Inøki na käli ni kïthi maal nee thøø ba neene, ni käri joodø kiper mana käli ya Jwøki. 'Ba kanya poode ni eni kär kälö, acaan ni yi Jwøk ee døøc mo met.

Ibaru 13:16

Kär tïï gïïa beyø weyu, ki nywaak gïïa en jïïu. Kiper teeŋ muuce moøgø, Jwøk yie met ki geni.

Ibaru 13:21

uuno wëëk gïïa beyø bëët, kiper nee mana manynye tïïyu, ni tïïc gïï wø met yie ki ge yïth cwïnynyø, ki ri Jecu Krictø, ŋat wø en ajiemmi jïre këël na bäre bäre. Enøgønø.

2 Piter 1:8

'Ba ni näk gïïögø mou, ni cwïnynyu päŋ ki ge, ge tïïya uuni nou ba jägö nou patha jiy mo bäŋ gïn mo ege duuö, nou ŋäya Kwääyø ma Jecu Krictø.

2 Piter 3:18

'Ba cääthu nyïm nou ŋäya met ec ki ŋäc man ŋäyu Kwääyø na näk Pïëmi ma Jecu Krictø. 'Ba ajiem en jïre en nø, këël na bäre bäre. Enøgønø.

1 Jøøn 3:22

ni gïn wäro pëënynyø joodø joodø baŋe, kiper man bëëdø ni ø gwøga gïïa ceme, ni ø tïïya gïï wø met yie ki ge.

1 Jøøn 5:20

'Ba ŋääø ni O Jwøk anø öö, ni mooc øøni ka acaara ki man ŋääø ŋata näk adïëri. Ni ø ena ri ŋata näk adïëri ki køør Wääde ma Jecu Krictø. Manøgø beeye Jwøk mana näk adïëri ni näk kwøw mana näk adïëri mo bäŋ cuŋŋe.

3 Jøøn 1:6

jøøa køp mëër marï nyïm acooŋ Jwøk. Beeye gïn mo doo beer jïrï ni näk ge wëëgï wääth marge, niï kunyö ki køny mo orømø ki ŋat wø tïny Jwøk.