Juut 1:3 - Wëël Jwøk

³ Omëëya, a doo manynya man göönna baŋu kiper luum pïëm man piem øøni ki gø ni nywaaø en, 'ba acäŋa jootø ni doo beerra eni jïra ki man göönna baŋu naa köömma uuni ki man pïëmu kiper ŋäädhe mana wëëk jø Jwøk yie aciel ni bäŋ mørø.

Juut 1:3 Iomraidhean Croise

Neemiya 13:25

Køøre aani, gena jääla ni cwöla acïëni bäätge ni pwöda jiy møøk rege, ni nywaada jïëc wïthge, ni wëëga geni kööŋ ki nyeŋ Jwøk nee geni nyïïge ba cïpge këët jï wäät juurre nee nywømge, ni ba kälge nyïï juurre nee nywøm wäätge wala geni.

Aydheea 45:17

'Ba Icriel onø piem Wuuö Jwøki, ki pïëm mo bäŋ cuŋŋe. Eni wïïe ba lääy ni waŋe ba tïmö ni law këët ki yïth cwiiri bëët na bäre bäre.

Aydheea 45:22

«U na jiy moa en teegi mo piny bëët, ööu baŋa nou piem, kiper bee aani na Jwøk, ni bäŋ Jwøk mør këët.

Jeremaya 9:3

Ni kö Wuuö Jwøki, ni «Jiya rege ege jiiŋŋö ki man caange luup tööt, ni paac marge käärge ka jöör cwøk, ni patha jöör adïëri. Kiper ge wø løøŋŋa bäät gïïa reyø, ni kweerge ki man ŋäcge aani, a na Wuuö Jwøk.

Moa Tïïc Nyïïatwieli 17:3

Ni para tier gø ni nyootha gø jïge ni Krictø ba doo kääŋö ki man jwør gïï mo leth ni tïŋi maal ki yi thøø. Ni cara gø, ni «Jecu man en ni køba jïïu en beeye Krictø.»

Moa Tïïc Nyïïatwieli 18:28

Kiper ena cäänö ni teek ni bööt jø Juuth ka cäänö nyïm jiy, ni nyøth luup moa en yïth weet Jwøk ni Krictø beeye Jecu.

Moa Tïïc Nyïïatwieli 20:27

Kiper a kär lwäyö ki man caana luup Jwøk bëët jïïu.

Moa Tïïc Nyïïatwieli 28:28

«Kiper manøgø nø, wär ŋäyu nø, ni luum pïëm man piem jiy ki gø man en, na öö ki baŋ Jwøk, awëëk kïth baŋ juurre. Kiper geni ïthge cekge ciiø.» [

Moa Tïïc Nyïïatwieli 4:12

Kiper bäŋ dhaanhø mør mo doo piem jiy. Kiper bäŋ nyeŋ mør bäät piny bäre mo ocïbö dï jiy mo ø doo piemø ki køøre.»

Moa Tïïc Nyïïatwieli 6:7

'Ba luum Jwøk anyaay. Ni ö bääŋi ni thöönhge døc yi Jerucalem. Ni ö dïlämme møøk mo thööth ni jïëcge luum ŋäädhe manøgø.

Moa Tïïc Nyïïatwieli 9:13

'Ba adwøk Ananaya, ni kööe, ni «Kwäärö, gïï nyenøgø awïnynya dhøk jiy mo thööth, ni gïï mo thööth mo reyø døc ee tïïö dëët jiyï yi Jerucalem.

Moa Tïïc Nyïïatwieli 9:22

'Ba teek Cøøl ree ameede, ni tïm wïth jø Juuthi moa bëëdö yi Damacka ni wïïrö, kiper man wø nyuth gø geni ni Jecu beeye Krictø.

1 Körin 15:3

'Ba mana pere letha eni beeye na cïba jïïu, ni beeye mana wëëk aani thuwø, ni Krictø athuunh raayø, kaawat mana no ogöörö yïth Weet Jwøk,

Galeecia 2:5

'Ba wa kär jïëy ki luumge, këël kany mo thiinh, kiper nee luumma nyään na met na näk adïëri, nee put bëëtö kare kiperu.

Galeecia 3:28

'Ba kawaane bäŋ ŋat Juuth wala ŋat Gïrïïk këët, ni bäŋe laŋŋø wala ŋat mo bëëdö ka wïïe keere, ni bäŋe thwønh wala maath, kiper uuna tïmö ni uuna aciel dëër Krictø Jecu.

Galeecia 6:11

Neennu wëëlö man ni gööra ki cera jïïu ni nyeŋge døøŋŋø en.

Epeca 1:1

Aana Pøøl na nyïïatwiel mar Krictø Jecu ki køør mana many Jwøki. A määtha u na jø Jwøk ni wø ŋääth ki ri Krictø Jecu.

Tiet Ciik 21:9

'Ba kwör rem ŋata näk bäŋ gïn mo ee baaø okälu wøk bäätu kanyo tïïyu gïnögø na kare nyïm Wuuö Jwøk.

Tiet Ciik 9:10

Køøre Wuuö Jwøk opäp kïte moa näk ariiø na gööre ki cere amëëk aani, ni luup moa en yïthge beege luup bëët moa caane jïïu bäät kïdi ni eni ena dï maac, dïcäŋa cooŋŋu rou na aciel bëët.

Pilipay 1:1

Aana Pøøl ki Timöthi, wa na laak Krictø Jecu. Wa määtha uuni na jø Jwøk bëët ni en dëër Krictø yi Pilipay, ki jø wø raŋ acooŋ Jwøk, ki jø wø tïny acooŋa.

Pilipay 1:27

'Ba man caana jïïu keere nø, bëëdu ni bëëtö maru orømø ki luumma nyään na met mar Krictø. Kiper ni näk maa duua baŋu ni neena uuni, wala a ba ö baŋu, nee wïnynya ki man näk mou cuŋŋö nou teek ki cwïny aciel, ni döötu aciel, nou tïïö døc ni dëëtu you maa karubëët, kiper ŋäädhe mar luumma nyään na met.

Köløcia 1:2

A määtha uuni na jø Jwøk na en Köløcia, u na nyïïmëëe moa näk oŋäädhö ni en dëër Krictø. Met ec ki bëët-mëër man wø ööi ki baŋ Jwøk na näk Wääø bëëde bäätu.

1 Thecalönika 2:2

'Ba waani, këël na jwørwa gïï mo leth ni caan wa døc yi Pilipay, kaawat mana ŋäyu gø, cwïnywa amakwa ki ri Jwøk marwa ki man køpwa luumma nyään na met na näk mar Jwøk jïïu, ni waano mänö døc ki man caanwa gø.

1 Timöthi 1:18

'Ba ï na wääda ma Timöthi, a köömma ïïni ki luummi en, kaawat mana caan nyïïkuk Jwøki na wara nyoothge ïïni, kiper noo lääŋŋï gïïögø, yiï omïnni ki man këëdï ki leny ma adïëri,

1 Timöthi 6:12

Këël leny ŋäädhe ki leny ma wøp. Ni magï kwøw mana näk adïëri mo bäŋ cuŋŋe na cwøl ïïni kipere, kanya køpï luubö marï na wøp nyïm jøøa thööth na wïny gø.

2 Timöthi 1:13

Caath køør luum pwöc mana näk adïëri na wïnynyï baŋa, niï caatha køør ŋäädhe ki mëër na en ri Krictø Jecu.

Tayta 1:4

A göönna baŋï, ï na Tayta, ï na wääda ma adïëri ki ri ŋäädhe mana nywaaø. Met ec ki bëët-mëër ni en jï Jwøk na näk Wuuö ki Krictø Jecu na näk Pïëmi marø, en bäätï.

Ibaru 13:22

'Ba nyïïmera, a kwaya uuni ki man cegu ïthu ki luumma köömma uuni ki gø, kaawat mana göönna baŋu ki luubö mo ciek en.

Ibaru 6:9

'Ba këël man caanwa gïïögø na enønø, u no omëëcwa, maru poot ewa ŋäädhö ni da gïï mo beyø jïïu, gïï wø en ri pïëm man piem u ki gø.

1 Piter 5:12

'Ba beeye Cilbana na cöögö mo yaa ŋäädhö ni cïba wëëlli ni ciek na gööra baŋu en cere, naa köömma uuni naa køpa gø jïïu, ni man beeye met yi Jwøk na näk adïëri. Bëëdu nou teek ri gø.

2 Piter 1:1

Aana Cayman Piter na laŋŋø na nyïïatwiel Jecu Krictø, a määtha uuni, u na wëëk ŋäädhe mo röömi ki marwa ki ri beeny Jwøk marø, ge ki Pïëmi ma Jecu Krictø.

2 Piter 2:21

Kiper doo naa beerra eni ki mana ba dege jöör adïëri kwanyø ki man cäŋge døø ŋäthge ni wecge ciik mana en kur keere na näk mar Jwøk na käl baŋge.

Juut 1:1

Aana Juut cöök Jeemeth, ni aana laŋ Jecu Krictø. A määtha uuni na cwøl, na näk jø wø mëër Jwøki ki geni na näk Wuuö, u na näk ogwøø kiper Jecu Krictø.

Juut 1:17

'Ba u no omëëya, beerra man caarru wïthu ki luupa køp nyïïatwiet Kwääyø ma Jecu Krictø.

Juut 1:20

'Ba u no omëëya, tëënnu ki ri ŋäädhe maru na en kur keere na pere letha eni ki cwïnynyu bäre, ni lämu ki ri Jwïëc Jwøk na en kur keere.

Mana Nyooth 12:11

'Ba ena böötge ki køør rem Nyidiel ki luum Jwøk na køpge, ni per jwïëcge ba leth jïge, këël doo cööpa ri thøø.

Mana Nyooth 2:10

Kär niï lwäyö ki gïn ni kare cään en noo jwørï. Kiper jø møøk røk jiy moï, oleeŋ anägö øt twöc kany mo cään en, niï päänynyi. 'Ba nïne apaar obeetï niï jwøra gïï mo leth. 'Ba wärï bëëdï ni cwïnyï iï maa këël doo cööpa ri thøø, køøre ïïno mooa ka adun kwøw.