Juut 1:1 - Wëël Jwøk

¹ Aana Juut cöök Jeemeth, ni aana laŋ Jecu Krictø. A määtha uuni na cwøl, na näk jø wø mëër Jwøki ki geni na näk Wuuö, u na näk ogwøø kiper Jecu Krictø.

Juut 1:1 Iomraidhean Croise

Mathiew 10:3

ki Pilip, ki Barthølömu, ki Tøma, ki Mathiew ŋat ajwäk, ki Jeemeth wär Alpia, ki Thadia,

Mathiew 13:55

?Aŋø, nyenøgø paa wär dïjëëth opämi? ?A menni, paa Meeri? ?A nyïïmenni, paa Jeemeth ki Jocep, ki Cayman, ki Juudac?

Maak 3:18

ki Andaru, ki Pilip, ki Barthølömu, ki Mathiew, ki Tøma, ki Jeemeth wär Alpia, ki Thadia, ki Cayman ŋat Keena,

Maak 6:3

?Aŋø, paa eni na dïjëëth opämi? ?Eni paa o Meeri, na näk cöök Jeemeth, ki Jöce, ki Juudac, ki Cayman? ?A nyïïmenni moa näk mään bäŋ wø bëëdö kany ki øøni?» Ni taakge gïr gø.

Luk 6:16

ki Juudac o Jeemeth, ki Juudac Ickarïët, ŋata cïp eni ceŋ nyïïmän.

Jøøn 12:26

'Ba ni näk da ŋat mo tïnynya aani, wär eni caath køøra. Ni kanyo ena yie, beeye kanyo en ŋat wø tïny aani yie thuwø. 'Ba ni näk da ŋat mo tïnynya aani, eno røøny Wära.

Jøøn 14:22

'Ba Juudac mør, mo patha Ickarïët, aköö jïre, ni «?Kwäärö, aŋø noo nyoothï riï jïwa keerwa, ni patha jï jø piny?»

Jøøn 15:16

Paa uuni na jier aani, 'ba beeye aani na jier uuni, ni kwanya uuni nou cou ni kännu ki nyïëdi, ni tïm nyïëdi mou ni bëëdö. Kiper manøgønø, nee gïn wäro pëënynyu Wuuö ki gø ki nyeŋŋa, nee cïbe jïïu.

Jøøn 17:15

A ba kwääö kaper nee ge käla wøk yi piny, 'ba a kwääö kaper nee ge gwøgï ki ŋata raac.

Jøøn 17:17

Cïp geni kur keerge kiperï ki køør adïëri. 'Ba luummï beeye na adïëri.

Jøøn 17:19

Ni raa yaa cïbö kur keera kiperge, nee rege cïpge kur keerge thuwø ni ge ŋäya adïëri.

Jøøn 6:39

Ni mana many Ŋata jääŋ aani beeye en, ni bäŋe ŋat mo rwäänya ri jøøa cïbe jïra bëët, 'ba beeye ki man tïŋa ge maal yi cäŋo cuŋ pinynyi yie.

Moa Tïïc Nyïïatwieli 1:13

'Ba na duuge, gena ci maal yi øtø kanya bëëtge yie. Ni beeye Piter ki Jøøn ki Jeemeth ki Andaru, ki Pilip, ki Tøma, ki Barthølömu, ki Mathiew, ki Jeemeth wär Alpia, ki Cayman na näk Dhelat, ki Juudac o Jeemeth.

Moa Tïïc Nyïïatwieli 20:32

'Ba kawaane, uuna wiia cer Jwøk, ki luum met ec mare, ni beeye noo wëëk u tëënnö, ni mëëk olaawi uuni na aciel ki jøøa näk ocïp kur keerge bëët na mo Jwøk.

Moa Tïïc Nyïïatwieli 27:23

Kiper yawïtïn kiree, nyïïatwiel maal mør mar Jwøk, ni näga dhaanhnhe en ni wø wøøra, acuŋŋö buuta.

Wëëlö Mana Göör Pøølli Baŋ Jø Röm 1:1

Aana Pøøl na laŋ Jecu Krictø ni göön baŋu ki wëëlö en. Ni aano cwølø naa tïma na nyïïatwiel, ni aano cïp kur keera kiper luumma nyään na met mar Jwøk,

Wëëlö Mana Göör Pøølli Baŋ Jø Röm 1:6

këël uuni ki dëëtu, u na cwøl nou tïmu na mo Jecu Krictø.

Wëëlö Mana Göör Pøølli Baŋ Jø Röm 16:18

Kiper teeŋ jøøgø nø ba tïny Kwääyø ma Krictø, 'ba ge tïnynya yïthge, ni ge maaŋŋa wïth jø wø cwïnyge cwøk ki luup mo ŋweeth.

Wëëlö Mana Göör Pøølli Baŋ Jø Röm 6:22

'Ba kawaane na nø pät uuni ceŋ raay, ni tïmu na laaŋe mo Jwøk, gïna duue jïïu, uuna tïmö nou ena kur keeru na mo Jwøk, ni cuŋŋe beeye kwøw mana näk adïëri mo bäŋ cuŋŋe.

Wëëlö Mana Göör Pøølli Baŋ Jø Röm 8:30

'Ba jøøa näk ee miiø, ee cwølø thuwø. Ni jøøa näk ee cwølø, ee jïëö thuwø ni marge beer. Ni jøøa näk ee jïëö ni marge beer, ee jiemø thuwø.

Wëëlö Mana Göör Pøølli Baŋ Jø Röm 9:24

Ni beeye øøni na cwøle, ni patha ø keerø na en røk jø Juuth, 'ba këël ki røk juurre thuwø.

1 Körin 1:2

A göönna baŋ jø acooŋ Jwøk moa en yi Körin, jøøa näk ocïp kur keerge ki ri Krictø Jecu, na cwøl ni jø Jwøk na aciel ki jøø ni en kwörögø bëët ni wø cøør nyeŋ Kwääyø ma Jecu Krictø, na näk Kwääyge, ni näk marø.

1 Körin 6:11

'Ba teeŋ bëëtö manøgø beeye bëët jø møøk dïïu na poode. 'Ba uuna lwøk, ni cïp uuni kur keeru, ni uuno jïëö ni maru beer ki nyeŋ Kwäärö ma Jecu Krictø, ki ri Jwïëc Jwøø.

Epeca 5:26

kiper na acooŋ Jwøk døøc mo ena kur keere na mar Jwøk ki køør mana peny gø ki pïï ki luumme ni døøc gø mo waany,

1 Thecalönika 2:12

ni cømwa cwïnynyu, ni caanwa gø jïïu, ki man bëëdu ki bëëtö mo beer mo orømø ki Jwøk, ŋat wø cøør uuni yi buye kiree ni mooc uuni ka ajiem.

1 Thecalönika 5:23

'Ba Jwøk ki dëëre, ni wø cïp bëët-mëër, uuno tïïe nou ena kur keeru ki karu bäre, ni ö jwïëyu, ki kwøw maru, ki dëëtu, ni bëëtge na karge ni bäŋ ajäla røkge, kanyo ö Kwääyø ma Jecu Krictø.

2 Timöthi 1:9

eni na piem øøni, na cwøl øøni ki cwönna en kur keere, ni paa kiper tïïe 'moø moa tïïø, 'ba beeye ki køør met ec mare ki mana manynye e keere, ni beeye met yie mana cïbe jïïø cøøn ki ri Krictø Jecu ni piny poot käre cwääö,

2 Timöthi 4:18

'Ba Wuuö aano pieme yïth gïïa reyø bëët, ni gwøk aani kiper buye na en maalø. Ajiem en jïre këël na bäre bäre. Enøgønø.

Ibaru 3:1

Kiper manøgønø, nyïïmera, u na en kur keeru na mo Jwøk, ni nywaak cwönna öö ki maal, caarru gïr Jecu, na näk Nyïïatwiel na Kwääy Lam Mana Dwøŋ mana jïëø ki gø.

Jeemeth 1:1

Aana Jeemeth na laŋ Jwøk ki Kwäärö ma Jecu Krictø. A määtha uuni na tuŋi apaar kurriiø, u no okeethø dï piny.

1 Piter 1:2

u na näk ojier Jwøki na näk Wuuö, nou ee miiø, ni cïp uuni kur keeru ki køør Jwïëc Jwøk, nou bëëdu nou leŋa luup Jecu Krictø, ni jør uuni ki remme. Met ec ki bëët-mëër pälle bäätu.

1 Piter 1:5

u na näk ogwøk Jwøki ki teege ki køør ŋäädhe, nee pïëm man piem u ki gø mana näk onø jiiŋŋø noo nyooth kanyo cuŋ pinynyi yie nee jootu.

1 Piter 2:9

'Ba uuni, uuna jiy mo ojierø, ni nägu dïlämme mo tuuŋ kwär, na jiy mo ena kur keerge, na jic Jwøk kiree, kiper nee moa beyø na tïïc ŋata cwöl uuni wøk ki yi muudhö ni kïth uuni yi taye na beer døc, nee køpu.

1 Piter 5:10

'Ba køøre, nou nø jwørru gïïö ni leth yøø ki kany mo thiinh, Jwøa näk Jwø met ec bäre, ŋata cwøl uuni ya ajieme mana näk bäŋ cuŋŋe ki ri Krictø, oööi ki dëëre ni dwøk u karu, ni wëëk u tëënnö, ni këël tietu piny.

2 Piter 1:1

Aana Cayman Piter na laŋŋø na nyïïatwiel Jecu Krictø, a määtha uuni, u na wëëk ŋäädhe mo röömi ki marwa ki ri beeny Jwøk marø, ge ki Pïëmi ma Jecu Krictø.

Juut 1:21

Ni bëënnu mëëc Jwøk, nou koora køny mar Kwääyø ma Jecu Krictø mano cööp ri kwøw mana näk adïëri mo bäŋ cuŋŋe.

Juut 1:3

Omëëya, a doo manynya man göönna baŋu kiper luum pïëm man piem øøni ki gø ni nywaaø en, 'ba acäŋa jootø ni doo beerra eni jïra ki man göönna baŋu naa köömma uuni ki man pïëmu kiper ŋäädhe mana wëëk jø Jwøk yie aciel ni bäŋ mørø.