Jööp 9:5 - Wëël Jwøk

⁵ Eni kïte wø daae daaø ni bäŋ gïn mo ŋäcge, ni jaal geni ki wëër mare.

Jööp 9:5 Iomraidhean Croise

Jööp 26:6

Kar bëët jwïëc jøøa no othøw, na näk kar ränynyö, kär kanø ki nyïm Jwøk, ni bäŋ gïn uum gø ki man ba nëëne jïre.

Jööp 28:9

Dhaanhø kïdi mo teek wø tøøe tøø ki cere, ni ö eni ni kaaŋ tier kïdi.

Jööp 34:25

Ka adïëri møn, eni tïïe mo jøøgø ŋääe, ni raany geni ki wäär, ni putge ränynyö.

Jööp 40:11

Køny wëër marï wøk kaamar naam mo kwödö døc, ni raŋŋï jøøgø bëët ni töödö yøø ni wëëgï ge lään wïc.

Jööp 41:11

?Aŋa ni bääta da pïïdö mare nee eni cunna? Kiper jammi moi bëët ni en tier maal en beege 'moa.

Aydheea 40:12

?Aŋø, aŋa na cøt pï naama dwøŋ ki thäny cere ni røma gø? ?Aŋa na røm maalø ki rumi mar yïthakic lweedi mo cenø? ?Aŋa na cooŋ tør mar bäät ŋøøm ni røm gø ki gïr røm? ?Aŋa na røm kïte ki thuuri ki gïr røm?

Neeyam 1:5

Kïte atïmö ni jäŋŋi nyïme, ni ö thuuri ni nigemwøny piny. Piny tïmö ni kwanynyi nyïme, këël ki jiy moa en bäät piny bëët.

Neeyam 1:6

?Aŋa ni løny jïre ki man cuŋŋe ki wëër mare? ?Na aŋa ni løny jïre ki man jïëny wëër mare ni wø liel kaamar maac? Wëër mare liela nyïme kaamar maac, ni ö kïte ni piinge nyïme.

Abakuk 3:10

Kïte ïïna jootge ni putge tïmö ni jäŋŋi, ni ö jwïëö ni pänhnhe, ni ö kanya päŋ ni lwöre ko odhäny, no odhäny mare puta ö maal døc.

Abakuk 3:6

Ena cuŋŋö ni ree ee jiiø ni nëëk piny, ni räŋŋe ni jäŋ wïth juurre, ni ö kïte na käl piny cøøn ni øcge piny, ni ö thuuri na nut cøøn ni nigemwøny piny. Eni uutjïëth tïïe moe nut ki mana cääŋŋe.

Dhekaraya 4:7

«Wui, ï na kïnna dwøŋ! ?Ïïna agïnaŋø? Ïïni, ï tïmö na ŋøøm mo ree päärö nyïm Dherubabel. Køøre eni kïdi mana näk aŋuudi mar geer okäle ni kïth gø dëër Øt Jwøk ni jiy kwöŋŋö ki met ec, ni ‹Eno gwïëth Jwøki! Eno gwïëth Jwøki!› »

Mathiew 21:21

'Ba adwøk Jecu jïge, na «Adïëri møn, a cäänna uuni, ni näk jïïu da ŋäädhe nou ba tääö, paa teeŋ gïna tïïc dëër olaam keere noo tïïyu, 'ba këël u köömma kïdi man, ni ‹Tïŋ riï ni leeŋï riï yi naama dwøŋ›, gïnögø puta tägö.

Mathiew 27:51

'Ba kanyøgø abïïna näk ogëëŋö mar Øt Jwøk Mana Dwøŋ aput jeeø ki dïëre, ni tägi ka maal ni këët piny. Ni ö pinynyi ni jäŋ ree, ni kaaŋ kïte.

Luk 21:11

Ni tïm kwör mo thööthi ni jäŋŋi døc, ni jït mïëri møøk ki meele ki gïï mo leth, ni jït pinynyi ki jap böök ki ŋïïce mo døøŋŋø mo ööi ki maal.

1 Körin 13:2

'Ba ni näk mo jïra da muuy mar køp dwør Jwøk, ni gïïa näk tietge okwøŋ kan bëët yaa kwanyø, ni jammi bëët ŋääa, ni jïra da ŋäädhe mo päl døc mo løny ki man daaa kïte ki gø, 'ba jïra bäŋ mëër, bäŋ gïn duua.

Mana Nyooth 11:13

Kanyøgø piny atïmö ni jäŋŋi døc yi caannøca. Ni ö paac thääŋ päänynyi ni pädhe. Ni ö jiyi ma kume abïriiø ni nääi ki dïjäŋ piny, ni ö moa dööŋŋi ni lwäcge døc, ni jiemge Jwø maalø.

Mana Nyooth 6:14

Ni ö maalli ni rwäänye keda mar wëëlö mo di dølø. Ni ö kïte bëët ka acuule ni daai kwörge.