Jööp 9:4 - Wëël Jwøk

⁴ Jwøk wïïe leer døc ni teek mare okadhø. ?Aŋa ni cäänö ki gø ni waŋe teek, ni bäŋ gïn mo tägi dëëre?

Jööp 9:4 Iomraidhean Croise

2 Luup Nyeye 13:12

Raŋŋu, Jwøk bëëdö ka waani, ni ena wïc marwa, ni dïlämme moe tuŋi oløny ni ena ceŋge ki man koothge ge nee wa öwa baŋ leny baŋu. Wui, jø Icriel, käru këëdö ki Wuuö Jwøk, Jwø kwäyu, kiper mana manynyu ba thur kare.»

2 Luup Nyeye 20:6

ni kööe, ni «Wui Wuuö Jwøk, Jwø kwäcwa, ?aŋø, ï patha Jwø wø en maal bäre? ?Patha ï wø käär bure bëët mo wïth juurre? Dööŋ kar ki teek ena cerï, ni bäŋ dhaanhø mo cuŋŋö nyïmï.

Jööp 11:6

ni nyooth leec wïc jïrï mana näk tiere okanø; kiper leec wïc mana näk adïëri di joodø ki uutjïëthe ma teeŋi. 'Ba gïn wär ŋäyï: Jwøk ïïna jääle ka ajäla mo thiinhnha eni ki mana diï joodø.

Jööp 12:13

«'Ba leec wïc ki teek beege mo Jwøk; ni luup pwöc ki kwany tiet luup käla baŋe.

Jööp 15:13

ni tïmï niï wëër ka Jwøk, ni ö teeŋ luupögø bëët ni öge wøk ki dhiï?

Jööp 23:6

?Aŋø, a dee thiela piny ki teege na dwøŋ døc ri løøk? Ba doo løny, 'ba ïthe dee ciiø ki mara.

Jööp 24:22

'Ba Jwøk jøøa teek wø raanynye raanynyø ki køør teek mare, ni këël na bëëtge ni tietge ege këël piny, bäŋ ŋäädhe jïge mar bëëtö.

Jööp 25:2

ni «Ŋata näk wää teeki na doo lwäärö beeye Jwøk. Eni tier bëët-mëër ee këël piny ni teek kar bëëtö mare maal.

Jööp 28:23

'Ba beeye Jwøk keere ni ŋäc yi jöör bëëtö mare, ni bee eni keere ni ŋäc kar bëëtö mar gø;

Jööp 36:5

«'Ba ka adïëri møn, Jwøk beeye na teek ni bäŋ dhaanhø mo raŋe ni ee taaø; ni teek mare ki man ŋäc tiet jammi opöödhö.

Jööp 37:23

Jwøa en teeki jïre kaala wïthø, ni teek mare opöödhö; 'ba ki køør ŋøl luup mana näk adïëri, ki bëët bëënynyö mare, bäŋ ŋat manynye nee thiel piny.

Jööp 38:36

?Aŋø, aŋa na mooc cwïny ka acaara? ?A kwany tiet luup ocïpa ŋa jï ŋeth?

Jööp 38:37

?Aŋa ni jïre da leec wïc mo løny ki man kwaan pøøl, wala ki man wëëk køth pädhö keda pïï mo kuny piny ka maal,

Jööp 40:9

?Aŋø, cerï teek ni caala mar Jwøk? ?A ïïni, ï määr ki dwøl mo caala mare?

Jööp 41:2

?Aŋø, løny jïrï ki man rwaagï thøøl ume, wala ki man magï gø ki lëëmme ko obïth?

Jööp 6:10

'Ba gïn mo poot cïpa cøm-cwïny jïra, këël ni bëëda naa ena yïth gïï mo leth døc en, aani, a kär kweer ki luup Jwøa en kur keere.

Jööp 9:19

Ni näk mo gïn mo tïïc ka teek, teek mare dwøŋŋa eni. ?'Ba ni näk mo gïn mo tïïc ka løøk, aŋa noo cwøl eni kar løøk?

Bwøth Wøk 15:7

Nyïïmän mo wø ö maal bäätï wø raanynyï raanynyø ki køør ajiem marï na dwøŋ; ni jääŋŋï wëëyï na teek bäätge, ni thöör geni kaamar lethø mo waaŋ.

Bwøth Wøk 9:7

Ni ö Peerø ni jääk kanya bëët jø Icrielli yie, ni wïny gø ni bäŋgø mo othøw wala aciel røk lääc paac mo jø Icriel. 'Ba Peerø cwïnye poot bëëdö ni teek, ni käre jø Icriel wiiø nee aacge.

Pwöc Leec Wïc 28:14

Gwïëth en bäät ŋat wø bëëdö ni lwäära Wuuö Jwøk cooth, 'ba ŋat wø døøc cwïnye mo teek pätha yïth gïï mo leth.

Pwöc Leec Wïc 29:1

Ŋat wø jøgi cooth, ni luup poot di dhalø, ränynyö ocwöp dëëre, ni bäŋ gïn køny gø.

Aydheea 45:9

«Otïmö ni leth jï ŋat wø pïëmö ki ŋata cwääc gø. Eni caala dak aciel røk dääe mo bäät piny! ?Aŋø, dak doo köö jï dïcwäc dääe, na ‹Agïnaŋø ni tïïyï enø?› ?Wala gïn mo otïïö doo köö jï ŋata tïïc gø, ni ‹Bäŋ ceŋ jïrï›?

Jeremaya 50:24

Wui, ï na Babiløn, kanya bëëdï ni kuyï, a na Wuuö Jwøk, abïëp aciia kiperï, ni put ï mak. Ïïna joot ni mak ïïni, kiper ïïna bëëdö niï këëdö ki aani.

Daniel 2:20

ni kööe, ni «Pwøc en ri nyeŋ Jwøk na bäre bäre, kiper leec wïc ki teek beege moe.

Neeyam 1:3

Wuuö Jwøk ba laar wëër, ni eni teek mare dwøŋ; 'ba Wuuö Jwøk jø raay ba wiie ni ba jääle. Kany wø cäädhe, piny puta jïtö ka apwøyaweerø ka atuunna, ni tïm pøølli na tør mar tiete.

Wëëlö Mana Göör Pøølli Baŋ Jø Röm 11:33

Wui, a teeŋ kwäya ŋø ni en jï Jwøk en, ki leec wïc ki ŋäc jammi bëët! A teeŋ ŋøla ŋø ni tiere ba maar kwany na en jïre, ki uutjïëthe mo tietge ba maar joot!

1 Körin 10:22

?Kwäärö døø wëëga këëyö? ?Aŋø, teeka øøni ki eni?

Epeca 1:19

nou ŋäya teege ni wø dööŋŋe ba maar røm ni tïïe dëëtø, ø na näk ojïëy ni ŋäädhø, ki køør tïïc mana tïïe ki teege na dwøŋ døc,

Epeca 1:8

na wëëk øøni ni päl ki ra acaaya dwøŋ, ki ŋäc tiet jammi.

Epeca 3:10

nee leec wï Jwøk na päl wëëk ŋäc ennø ki køør acooŋ Jwøk jï moa näk ocuumö maalø ki moa jïge da teek maalø.

Epeca 3:20

Pwøc en jïre, eni ni wø løny jïre ki man tïïc gïï mo kaala gïï wø pëënynyø wala gïï wø caarø, ki køør teege ni wø tïïö cwïnynyø.