Jööp 8:8 - Wëël Jwøk

⁸ «Beerra man pëënynyï beenhnhe moa pöödhö, nee jammi moa kwany kwäcge nee caange jïrï nee ŋäyï.

Jööp 8:8 Iomraidhean Croise

2 Luup Nyeye 10:6

Kanyøgø nyeya ma Reeyöböm acaara mar jø døøŋŋø apëënynye, ni beege jøøa wara tïny wänni ma Cølöman kanya bëët wänni ni poot kwøw, ni kööe, na «?Acaara mo nyïëdi noo cïpu jïra naa jïta ki øtjöö man dwøga luum jøøi ki gø?»

Jööp 12:12

Leec wïc wø ena baŋ jøøa døøŋŋø, ni cwiic kwøw mo thööth, dhaanhø wø wëëge kwany tiet luup.

Jööp 13:1

«Ka adïëri møn, gïïögø bëët ajooda ki waŋa, ni wïnynya ge ki ïtha, ni kwanya tietge,

Jööp 15:10

Waani, waano kwänynyö baŋ jøøa näk wïthge da lwaar na näk ojal, ni beege jøøa døøŋŋø geni kiree ki wäru.

Jööp 15:18

ni beeye gïna wïnynya baŋ jøøa wïthge leer na kwanyge baŋ wëëkge. Geni, bäŋ gïn mo ege mooŋø jïra.

Jööp 20:4

«?Aŋø, kuyï ki mana käl ya acääŋŋe, na täk dhaanhe ki bëëtö bäät piny,

Aydheea 38:19

Jiy moa kwøw beege ni wø pwøc ïïni, kaawat man tïïa dïcäŋi en. Adïëri marï caan wëëe caanø jï obwöre moge.

Jool 1:2

Wui, u ni jø døøŋŋø ii, wïnynyu gïn! Cegu ïthu u bëët, u ni wø bëëdö yi ŋöömmi en! ?Aŋø, teeŋ gïn mo caala man en akwøŋ tägö cøøn yïth nïne mou, wala yïth nïra beet kwäyu?

Wëëlö Mana Göör Pøølli Baŋ Jø Röm 15:4

Kiper gïïa kwøŋ göör nïr acääŋŋe, göör kaper nee ø pwönyge, nee ø jïtö ki ŋäädhe ki køør tëënnö ki cøm cwïny man wø joodø yïth weet Jwøk.

1 Körin 10:11

'Ba gïïögø atägö dëëtge na nyuuthe mo köömma geni, ni gööri piny kiper nee ø pwönyge, ø ni bëëdö ni karø cään en ki kanyo cuŋ pinynyi yie.

Tiet Ciik 32:7

«Parru wïthu ki nïne mo acääŋŋe, ni caarru wïthu ki cwiiri moa beet beenhnhe mou bëët. Pëënynyu wëëgu, nee caange jïïu; ni pëënynyu jäle mou thuwø, nee caange jïïu.

Tiet Ciik 4:32

«'Ba ennø, pëënynyu rou døøc, ni cädu kiper cwiiri moa cääŋŋe moa dïkwøŋ cøøn, ki mana täge ki dïcäŋa ö Jwøki na cwääc dhaanhø bäät piny; ni pëënynyu piny bäre, ki mano täge ki buut piny man nø këël mano këët man nø. ?Aŋø, da teeŋ gïn mo dwøŋ mo otïïö mo caala man en na tïïc Jwøki kiperu? ?Wala da teeŋ gïn mo owïnyö mo caala teeŋ gïnögø?