Jööp 5:12 - Wëël Jwøk

¹² Eni luup mo wø tuut jø wø nyeŋge reegø wø raanynye raanynyø, ni tïme ni bäŋ gïn mo thura kare këët ri tïïe moge.

Jööp 5:12 Iomraidhean Croise

Wïlöölö 31:22

'Ba na tïme na dää nïne, acaan jï Leeban ni Jeekap opäär wøk.

2 Camiel 11:9

'Ba Uria aput but dhi øt nyeya ki jø tïïc mo nyeya møga bëët, ni käre ci paare këët.

2 Camiel 17:14

Køøre Abëcëlöm ki jø Icriel bëët gena köö, na «Acaara mar Ucay nyï Arki beerra eni døc ni kaala acaara mar Akithöpël.» 'Ba gïnögø bäre tïïya Wuuö Jwøki na acaara mar Akithöpël na beer tïme ni bäŋ tiere, nee eni na Wuuö Jwøk gïn mo leth tïïe dëër Abëcëlöm.

2 Nyeye 6:9

'Ba nyikuŋ Jwøk ma Ilaaca ajäägö ki dwøl baŋ nyeny Icriel ni kööe, ni «Gwøk riï, kärï cør kaace, kiper jø leny mo jø Aram ge ööa piny kaace.»

Neemiya 4:15

'Ba kanya ö nyïïmänni mowa na wïnyge gø 'ni gïna tuutge oløny ni ŋäcwa, na acaara marge onø raany Jwøki ni kär thur kare, wa bëët, waana put døø ri tïï kiir, ni ŋati man nø tïïya kuna näk kure.

Neemiya 4:9

'Ba waani, waana lämö jï Jwøk marwa, ni cïïmwa jiy mo kurö mo neeta geni ki yïth cääŋŋe ki wärre.

Jööp 15:5

Kiper raay moï ajoot ki køør luup moa carï, ni päärï gø ki man buŋï gø ki luup riek waŋ.

Pwöc Leec Wïc 21:30

Leec wïc ki ŋäc tiet luup ki pwöc, bäŋgø mo kaala Wuuö Jwøk.

Pwöc Leec Wïc 22:12

Waŋ Wuuö Jwøk wø bëëdö ni gwøga luup kwänynyö, 'ba luup ŋat wø tïïc gïï mo reyø ki piny wø di raanynyø.

Aydheea 19:3

Kanyøgønø jø Ijep cwïnyge obëëdö no opädhö, ni ö jammi moa näk ege cïp piny na dige tïïö, ni tïïa ge ni bäŋ tietge. 'Ba geno ci baŋ kït gïï wø lam moge, ki baŋ jwïëc jøøa no othøw, kuna pëënyge geni kiper køny, ni cige baŋ jøøa näk rege da juu mo cøøra jwïëc jøøa no othøw nee ge mooc ka acaara.

Aydheea 37:36

Køøre nyïïatwiel maal mar Wuuö Jwøk aci twïër mar jø Aciria, ni 'näk jiy ma kume ma dïpa aciel ki pïërabära kurbïïc. 'Ba na päc jiyi ka amöölla cøøn, ka adïëri møn, jiy bëët aputge joot no othøw.

Aydheea 44:25

Jø wø ŋwöö kiper ŋïïce moge, tiet ŋïïce moge tïïa tïïö ni bäŋ karge, ni ö adïëda mar jø wø dëëdö ki jap nyïm ni tïme na jap bøølø, ni tïïa jøøa nyeŋge reegø nee wïthge rege nootge, ni tïïa kwänynyö marge na bøølø.

Aydheea 8:10

Tïïyu uutjïëth tïïe mou, 'ba bäŋ gïn duuge; cïbu uutjïëth tïïe mou piny, 'ba ba løny tïïc jïïu, kiper Jwøk ena buutwa.

Jeremaya 49:7

'Ba man beeye luumma caan Wuuö Jwøki, eni na wïth jammi bëët, kiper Ëdöm, ena köö, na «?Aŋø, bäŋ jiy mo wïthge leer këët Tëman? ?Aŋø, pwöc atïmö ni bäŋgø baŋ jøøa nyeŋge reegø? ?A leec wïc marge aränynyö?

Jeremaya 8:8

« ‹?Aŋø, u kööu nidïï ni wïthu leer, ni ciik Wuuö Jwøk nut jïïu? Kiper ennø, luup moa göör jø wø caan tiet ciik Jwøk, ciik awiilge ni tïïcge gø na luum tööt.

Obadiya 1:8

'Ba Wuuö Jwøk aköö, ni «Noo tïme na dïcäŋeca, cwøw moa wïthge leer mo jø Ëdöm, ki cwøw mo wø bëëdö bäät kïn Icøø, ni wø laar tiet luup kwany, ge raanynya raanynyø.

Moa Tïïc Nyïïatwieli 12:11

Ni ö Piterri ni put dëëre ŋäc ni kööe, ni «Kawaane, ajooda na adïëri møn, ni Wuuö nyïïatwiel maal mare ajääŋŋe ni piem aani cer Eerat, ki luupa näk ocooŋ jø Juuthi bëët ki cwïnyge.»

1 Camiel 23:13

Køøre Deebit aput päny maal ki jø leny moe mo jïtö ki dïpe abïciel, ni tïŋge ki Kïïla, ni putge wääth ni ge kaanna rege, ni ge cøøa kany nø ki kany nø. 'Ba kanya caani jï Cøøl ni Deebit apäär wøk ki Kïïla, Cøøl ŋwïëy køør Deebit aput wec.