Jööp 42:6 - Wëël Jwøk

⁶ Kiper manøgønø, aani dëëra ajääla, ni køba raay 'moa naa bëëdö yi tør ki yi bur.»

Jööp 42:6 Iomraidhean Croise

Wïlöölö 18:27

'Ba adwøk Eeberammi ni kööe, ni «Ennø, a maaŋŋa raa ki man cääna ki ïïni, ï na Wuuö, këël na bëëde ni aana dëël ma tør na bur jaak.

1 Nyeye 21:27

'Ba kanya ö Akapi na wïny luupögø, abïï mare aput jeec ki pänh cwïny, ni røø keeca dëëre na abïï, ni bëëde ni eni wödö ni ba cämö, ni eni buuta yi keeca, ni put bëëtö ni cwïnye opädhö.

Edhera 9:6

ni kööa, «Wui Jwøk, ï na Jwøk mara, aani wïïa laay ki man tïŋa wïïa maal baŋï, ï na Jwøk mara, kiper gïïa bacwa atïmö ni thööth ni kaala wïthwa, ni ö raayi mowa ni thöönhge no okëët maal.

Jööp 2:8

Køøre Jööp alwötö ka abat nee dëëre gøønynye ki gø, ni eno pï piny yi bur.

Jööp 30:19

Eni aana leeŋ yo odhöönh, ni puta tïmö kaamar tør ki bur.

Jööp 42:5

'Ba aani, luup moï awïnynya ki ïtha, 'ba ennø ïïna jooda ki waŋa kiree.

Jööp 42:7

'Ba Wuuö Jwøk kanya nø caan luupögø jï Jööp, ena köö ki Elipath nyï Tëman, ni «Aana gootø ki ïïni ki nyïïawäätï moa na ariiø, kiper bäŋ luup mo karge mo you caanø kipera kaawat mana tïïc dhaanhnha ma Jööp.

Jööp 9:31

a poot leeŋï yi buur mo yie da gïï mo reyø, na abïïe 'moa dëëtge puta tïmö ni jeey ki aani.

Aydheea 5:5

'Ba ennø, gïno tïïa kiper pwöth jer omøki mara caana caanø jïïu: jenni moa näk yaa piidhø na ciel deŋŋe käla wøk, ni wëëga gø raanynyø, ni ö cielli mana no otïïö ki kïte ni nyaa gø piny ni dööŋe na kar adhwøla.

Aydheea 58:5

?Aŋø, teeŋ wödö manøgø beeye mana manynya, ni tïme ni beeye cäŋ man ö dhaanhø ni dwøk dëëre piny ni mwöl keere yie? ?Aŋø, beeye ki man ö dhaanhe ni kuul wïïe piny kaamar otöök, ni but piny yïth keece ki yi bur? ?Aŋø, manøgø beeye man wø cwøllu ni wödö, ni beeye cäŋ man wø jïëa, a na Wuuö Jwøk?

Jeremaya 31:19

Kiper ki køør mana gaawa wøk, rewa acäŋwa løgø; ki køør mana pwöny waani, kööthwa agøøcwa; nyeŋwa atïmö ni law ni lää wïthwa, kiper ajøøŋ mar gïïa tïïcwa dïkwøŋ ena bäätwa.› »

Edhikiel 16:63

Køøre nø, noo wëënna ïïni ki japa reyø bëët na tïïyï, wïïï oparï ni lää wïïï, ni ba japï dhiï këët kiper lään wïc marï.› » Luummögø caana Kwäärö Wuuö Jwøki.

Edhikiel 20:43

Uuni, wïthu parru parø kaace ki bëëtö maru mana bëëdu ki gø ki japa reyø bëët na raanynyu dëëtu ki ge, ni putu dëëtu jääl ki køør japa reyø bëët na tïïyu.

Edhikiel 36:31

Køøre nø, wïthu caarru caarø ki uutjïëthe mou na reyø ki tïïe mou na näk ba beyø, ni männu ki dëëtu keeru kiper raay mou ki japa näk yia raac ki ge na tïïyu.

Edhikiel 6:9

'Ba jiy moo bøth, wïthge oparge ki aani kanyo enge yïthakic wïth juurre moa mak geni ki tøŋ. Geni wïthge oparge ki kanya bëëda ni cwïnya ege raanynyø ki køør mana bëëtge ni cwïnyge lääŋŋa käp, na pää geni ki aani, ki køør mana bëëtge ni nyeŋge ege peerø køør käp mana wara tïïcge ki kït gïï wø lamge. 'Ba geno männi ki dëëtge keerge ki køør japa reyø na bacge, ki japa näk yia raac ki ge bëët na tïïcge.

Daniel 9:3

Kanyøgø nyïma aputa løø baŋ Kwäärö Wuuö Jwøk ki lam, naa manynya eni ni mara kwac, naa lämö ki lam wödö ki cam, naa käära keece na abïïe, naa bëëdö yi bur.

Ciik Kiper Dïlämme 13:12

«'Ba ni näk mo täw buny dëël obwön wøk dëëre bäre, ni täw manøgø dëër ŋatøgø ee gääbö bäre, ki mana täge wïïe këël tiete, ni beeye gïn mo nëënö jaak jï dïlämi,

Mathiew 11:21

Ni kööe, no «Otïmö ni raac jïrï, ï na Köradhin. Noo tïmö ni raac jïrï, ï na Betheeda. Kiper doo naa tïïe moa døøŋŋø na tïïc dïïu, tïïca yi Tayar ki Caydan, cwïnyge doo na ege nø løk cøøn, ni ge käära keece na abïïe ni ge bëëdö yi bur.

Luk 10:13

«Otïmö ni raac jïrï, ï na Köradhin. Noo tïmö ni raac jïrï, ï na Betheeda. Kiper doo naa tïïe moa døøŋŋø na tïïc dïïu, tïïca yi Tayar ki Caydan, dëëtge doo na ege nø løk cøøn, ni ge käära keece na abïïe ni geno pï piny yi bur.

Jøcua 7:6

Kanyøgønø, Jøcua abïï mare ajeee, ni gøø ree piny nyïm acanduk mar Wuuö Jwøk, ni bëëde kaace këël mana tïm pinynyi na abøøya, ni beeye eni ki jø døøk Icriel bëët; ni jørge tør wïthge ki pänh cwïny.