Jööp 42:10 - Wëël Jwøk

¹⁰ 'Ba køør kanya läm Jööpi kiper nyïïawääte, bëëtö mare adwøk Wuuö Jwøki kare, ni mooc gø ki jammi mo opöödhö ni kaala moa nut jïre dïkwøŋ.

Jööp 42:10 Iomraidhean Croise

Wïlöölö 20:17

Køøre Eeberam alämö jï Jwøk; ni ö Jwøki ni køny Abimëlëk ki cïïe ki laaŋe moa näk mään moe, ni ö geni ni nyöötge ko obwöre.

2 Luup Nyeye 25:9

'Ba Amaciya aköö jï nyikuŋ Jwøk manøgø, na «?Agïnaŋø nø noo tïïcwa kiper gwet-bïrö moa näk rumme ma kikarri ma dïpa na nø cïba jï jø leny mo Icriel?» Ni løgi ya nyikuŋ Jwøki, ni «Wuuö Jwøk cïpö jïrï ki mo thööth mo opöödhö ni kaala moøgø.»

Jööp 1:2

Eni jïre da wääte abïriiø ki nyïïe adäk ma nyïïakuue,

Jööp 1:3

ni jïre da dïëk ma rööm ma kume abïriiø, ka athïrööle ma kume adäk, ki dhää puur ma kuma aciel, ka arëëni ma dïpe abïïc, ki jø tïïc mo thööth døc. 'Ba ena dhaanhø mo kare dwøŋ døc yïthakic jiy bëët moa en jï løø kur tuul-cäŋ.

Jööp 42:9

Køøre Elipath nyï Tëman, ki Bildat nyï Cuua, ki Cöpar nyï Nayma, gïna caan Wuuö Jwøki jïge atïïcge; ni ö Wuuö Jwøki ni jïëc lam mar Jööp.

Dut Pwøc 126:1

Pwöc Leec Wïc 22:4

Mööl ki lwär man lwäär Wuuö Jwøk duunnö ki kwärö ki wödö ki kwøw.

Aydheea 40:2

Cäännu jø Jerucalem ni mëër you nyoodhø jïge; caannu jïge ni rwaayu rwaaø ki man näk mo bëët laŋ na teek na en bäätge othum, ni kwör raay moge onø cool, kiper a na Wuuö Jwøk gena nø jääla ka ajäla mo orømø ki raay moge bëët.»

Aydheea 61:7

Geno jïti ki kurge mo opöödhö ri jap kwärö na kar lään wïc marge, ni jïtge ki met ec bäät japøge na kar pänh cwïny marge; ge jïtö ki kurge mo opöödhö ri jap kwärö yi ŋöömö marge, ni ö met eci marge ni bëëde na bäre bäre.

Agëë 2:8

Kiper gwet-bïrö beege 'moa, ni warkey beege 'moa thuwø, a na Wuuö Jwøk, na en wïth jammi bëët.

Kwään Jiy 12:13

Køøre Modhe ajwöŋö dëër Wuuö Jwøk, ni kööe, na «A kwaya ïïni, Awuuö Jwøk, dwøk dëëre kare.»

Kwään Jiy 12:2

Ni köge, na «?Aŋø, Wuuö Jwøk cäänö ki ri Modhe keere? ?Eni kär cäänö ki rewa thuwø?» Køøre gïnögø awïny Wuuö Jwøki.

Kwään Jiy 14:10

'Ba lwaak bäre atïmö ni manynya man këërge geni ki kïte. 'Ba kar kaagø ajiem Wuuö Jwøk aput nëënne jï jø Icriel bëët yo oduŋkaany røømmø.

Luk 16:27

Kanyøgø ena köö, ‹'Ba a kwaya ïïni, awuuö, nee eni jääŋŋï dhi øt wära.

Moa Tïïc Nyïïatwieli 7:50

?Aŋø, paa cera na tïïc japøgø bëët?›

Moa Tïïc Nyïïatwieli 7:60

Ni këël cøŋŋe piny ni kööe ki dwøl mo päl, ni «Kwäärö, kär gïn ni baacge en wiiï bäätge.» 'Ba na nø caan gïnögø, ena thøw.

Tiet Ciik 30:3

kar kaaca Wuuö Jwøk na näk Jwøu cwïnye pädhö ki gïru, ni duu uuni ki kwöra näk uuno maa ki tøŋ yïthge, ni cooŋ uuni kanya ciel ki dï wïth juurre bëët moa keeth uuni yïthge.

Tiet Ciik 8:18

Patha eni. Ŋata dou cädö kipere beeye Wuuö Jwøk na näk Jwøu, kiper beeye eni ni wø mooc uuni ki teek ki man jïtu ki jap kwärö, kiper nee luumma tuude na kööŋe ki gø jï kwäyu nee nyoodhe jïïu na adïëri, kaawat man bëëde dïcäŋi en.

Tiet Ciik 9:20

Ni ö Wuuö Jwøki ni wëëre ki Aran døc, ni manynya man 'näk gø; 'ba aana lämö kiper Aran kar kaaca thuwø.

Jeemeth 5:11

'Ba neennu, jø wø ba dääŋi wø cwølø cwølø ni yïthge met. 'Ba bëët Jööp na bëëde kare awïnynyu, ni neennu gïna tïïc Wuue kipere ya aŋuudi, kaawat mana bëët Wuuö ni yie bäth, ni cwïnye laar pädhö ki gïr dhaanhø.

1 Camiel 2:7

Wuuö Jwøk beeye wø tïïc dhaanhø ni can, ni beeye wø tïïc dhaanhø no okwär; beeye eni wø tïïc dhaanhø ni bäŋ kare, ni beeye eni thuwø wø tïïc dhaanhø ni kare dwøŋ.

1 Camiel 2:8

Beeye eni wø tïŋ ŋata can maal ki yi bur, ni beeye eni wø mak cer ŋata can ni tïŋ gø maal ki wïthur, ni cïp ge kanya ciel ki jøøa kwörge døøŋŋø, ni pïge piny kwör jøøa no owøørø; kiper Wuuö Jwøk beeye na cwääc piny ni teek, ni piny bäre ena cere.