Jööp 40:8 - Wëël Jwøk

⁸ «?Aŋø, ï köö møn ni luup mo wø ŋøla patha adïëri? ?Aŋø, a jällï jällö ni aano bääyö ni keda beerra marï keere?

Jööp 40:8 Iomraidhean Croise

Jööp 10:3

?Aŋø, beeye gïn mo beer jïrï ki man caannï aani, niï kwiera gïna tïïyï ki cerï, ni tïmï niï wëëga uutjïëthe mo jøøa reyø bëënynyö?

Jööp 10:7

Ïïni, ŋäyï ni bäŋ gïn mo yaa baa; ni bäŋ ŋat mo løny jïre ki man piem aani cerï.

Jööp 13:18

Ennø, raa yaa nø jiiŋŋø ki luup 'moa, ni ŋääa naa di ŋunnö ni mara beer.

Jööp 16:11

Jwøk aana cïp ceŋ jø raay møn, ni leeŋ aani ceŋ jø wø tïïö ki gïï mo reyø.

Jööp 19:6

'Ba beerra man ŋäyu gø ki man näk mo beeye Jwøk na kïth gïn bääta; ni bee eni na boony aani ka ajääp.

Jööp 32:1

Kanyøgø jøøgø na adäk yøø gena lïŋö ki man dwökge ki luubö jï Jööp, kiper mana kööe ni bëëtö mare tiir ki baŋe.

Jööp 32:2

'Ba Eliyu wär Barakel nyï Buc, na käl dhi øt Ram, yie awaaŋ ki gootø døc ki Jööp kiper mana kööe ni bëëtö mare tiir ki nyïm Jwøk.

Jööp 34:17

?Aŋø, ŋat wø män ki ŋøl luup ma adïëri, løny jïre ki man käär jiy? ?Aŋø, Jwøa teek na bëëtö mare tiir, jäälï jäälö?

Aydheea 14:27

Kiper Wuuö Jwøk, eni na wïth jammi bëët, acaara mare anø cïp piny. ?Aŋø, da ŋat mo raanynya acaara manøgø? Eni cere ee nø rwiec. ?Aŋø, da ŋat mo tïïc gø nee cere duue?»

Aydheea 28:18

'Ba luubö mana tuutu ki thøø nou ba gude oraanynyi, ni ö luubö mana tuutu ki kar bëët jwïëc jøøa no othøw, ni ba thur kare; kany wø ö jwïïö man wø räänyö noo kwön bäätu, uuno raanynye.

Aydheea 43:26

Par wïïa ki japa no opöödhö, ni carø luup 'moø na aciel. Caan luubö marï nee ŋäc ni marï adïëri.

Aydheea 45:9

«Otïmö ni leth jï ŋat wø pïëmö ki ŋata cwääc gø. Eni caala dak aciel røk dääe mo bäät piny! ?Aŋø, dak doo köö jï dïcwäc dääe, na ‹Agïnaŋø ni tïïyï enø?› ?Wala gïn mo otïïö doo köö jï ŋata tïïc gø, ni ‹Bäŋ ceŋ jïrï›?

Wëëlö Mana Göör Pøølli Baŋ Jø Röm 3:4

Ba doo løny. Jootu joodø, ni Jwøk poot bëëdö kare na adïëri këël jiy bëët doo tïmö ni ge ba maar ŋääth, kaawat mana gööri, ni «Kiper manøgønø, luummï na caanï beeye adïëri, ni tïm marï na kare ki køør luummï noo ŋølï.»

Galeecia 3:15

'Ba nyïïmera, nou cäänna ki luubö mo yaa päärö ki teeŋ gïn wø tïïc jiyi. Ni këël dwør dhaanhø mo othøw, bäŋ ŋat mo wiil gø, wala cäŋe ka meetø, ni näk mo onø caan.

Galeecia 3:17

'Ba tier mana caana beeye en, ni ciik Jwøk na cïp ki køør cwiiri ma dïpe aŋween ki pïëradäk, luumma kwøŋ Jwøki tuut bäŋ wø wiile, ni tïïc gïna buue ni bäŋ tiere.

Ibaru 7:18

'Ba ki løøk aciel, luubö mana kwøŋ cem adaak, kiper mana näk mo jääk ni bäŋ gïn mo kønye.