Jööp 3:5 - Wëël Jwøk

⁵ Beerra man mayi ya muudhö ki lwøc mo cøl; beerra man rïëpi ya pöölö; beerra man ö dïcäŋögø ni wëëgi ya muunhnhögø lwär.

Jööp 3:5 Iomraidhean Croise

Jööp 16:16

Aani, nyeŋŋa awer ko oduuru, ni tïm nyeŋŋa ni jïrri.

Jööp 24:17

Kiper ki baŋge, muudhö mana cøl døc ege døøy amöölla marge; ni ö jap wø känni ki lwär yi muudhö ni tïïcge ge na nyïïawäädi moge.

Jööp 28:3

Dhaanhø dønynya piny kany mo cøl yi muudhö; eni wø dønynya piny tiet ŋøøm kuya yi muudhö mo cøl kuna määnynye ki nyeŋ kïte.

Jööp 3:4

Beerra man ö dïcäŋŋi manøgø ni tïme na muudhö, ni ö Jwøki ni en maal ni bäŋe gïn caare kiper gø; beerra man bäŋe tar mo rieny bääte.

Jööp 3:6

Beerra man ö wäärri manøgø ni mayi ya muudhö mo cøl døc; beerra man ba mïn yie ki man dwali røk nïne mo cwiir, ni dööŋe wøk ni bäŋ kwäänne ki røk nïr dwäde.

Jööp 34:22

Bäŋ kany mo cøl wala tier tïpö mo dhïïth mo løny ki man ö jø wø tïïc gïï mo reyø ni kange rege yie.

Jööp 38:17

?Aŋø, dhi kal mar kar bëët jwïëc jøøa no othøw anyooth jïrï? ?Aŋø, dhi kal manøgø ni cøl enø anø jootï?

Aydheea 9:2

Jiy mo wø cäädhi yi muudhö, tar mo dwøŋ oneenge, ni ö jø wø bëëdö yi ŋöömma näk muudhö ni rieny tarri bäätge.

Jeremaya 13:16

Jiemmu Wuuö Jwøk, Jwøk maru, kanyo poode ni muudhö poot käre kälö, kanyo poot tietu ni poot käru cwanynyø bäät kïte moa en yi muudhö; ni kanyo lääŋŋu tar, eni tar wiile wiilø na muudhö mo cøl, ni tïïc gø na muudhö mo cøl døc.

Jeremaya 2:6

Geni, ge kär pëëö, ni ‹?Wuuö Jwøk en kaa, na käl øøni wøk ki yi ŋööm Ijep, na bwøth øøni ki dï paap, yïth pwöle mo otal mo ocöötö ki kääk, yi ŋöömma näk yie da meel na kany mo cøl ma kar thøø, yi ŋöömma näk bäŋ ŋat mo cør yie, na näk bäŋ ŋat mo bëëde yie?›

Jeremaya 4:28

Ki køør gïïögø bëët, piny bäre okïmmi, ni ö maalli ni tïme na muudhö, kiper ni caana gø en, yaa nø caar, ni cwïnya ba wara, naa ba døøa ŋääa ki man tïïa gø.»

Edhikiel 30:3

Kiper dïcäŋöca kare aløny ni cään; cäŋ Wuuö Jwøk kare aløny ni cään, ni beeye cäŋ mo maal gääbö ki pøøl, na cäŋ ränynyö mar wïth juurre.

Edhikiel 34:12

Kaawat man wø ö dïkwääyi wø gwøk pïïth dïëk moe ki dïcäŋ ni ena yïthakic dïëk mo okeethø, aani thuwø dïëk 'moa gwøa gwøø, ni piema geni kwöra enge yïthge na näk geno keethø yïthge dïcäŋo näk cäŋ jwør gïï mo leth mano caal pöölö ki muudhö.

Jool 2:2

Ni beeye cäŋ mo piny tïmö ni cøl, ni piny dhïïth, na cäŋ mo piny najïïm na lwøc, ni piny cøl døc. Bäänyö mo caala lwaa dhaanhø mo päl mo teek öö, ni dëëtge ege peerø ni caala man wø ö tiet cäŋŋi mo amöölla ni wø nëënge ni rege ege peerø ki bäät kïte, mo bäŋ teeŋe mo okwøŋ tägö mo caala gø, ni bäŋ teeŋe mo cäŋ tägö këët køør gø yïth cwiiri mo beenhnhe mo oööi.

Amøc 5:8

Eni na cwääc wäät-odäki ki joonni, ni wø wiil muutha cøl ki tar mar amöölla, ni wø tïïc dïcäŋ na wäär; eni ni wø cwöl pïï wøk ki yi naama dwøŋ, ni wëëk gø pädhö bäät ŋøøm, beeye Wuuö Jwøk ki dëëre;

Amøc 8:10

Nïr ajwöm mou odøøya nïr kïmmö, ni døøya dut met ec mou mo oduuru. Ni wëëga uuni bëët käär abïïk keece ni nyootha kïmmö maru, ni wïthu ogwäär wøk; dïcäŋöce uuno tïïa nou caala dhaanhø mo kïmmö kiper nyilaal mare ma aciel keere, ni tïm aŋuun dïcäŋöce na pänh cwïny jïïu.»

Mathiew 4:16

jøøa bëëdö yi muudhö, tar mo dwøŋ aneenge, ni kwäär øwi bäät jøøa bëëdö dhi thøø.»

Luk 1:79

nee tar cïbe jï jø wø bëëdö yi muudhö, ni bëëdö dhi thøø, ni bwøth øøni ki waŋjöör bëët-mëër.»

Tiet Ciik 4:11

Køøre uuna ö buut kïdi, ni cuŋŋu tiere, ni tïm pinynyi ni cøl ni jïte ki pöölö mo odhïŋ mo cøl døc, ni put maaci liel bäät kïdi, ni ö leep maaci ni pïïe maal døc.

Ibaru 12:18

Kiper u kär ö baŋ gïn mo di mulö, kaamar Kïn Caynay, na neen kwäyu ni bääte da maac mo liel, ki muudhö, ki kany mo dhïïth, ka atuunna,