Jööp 27:5 - Wëël Jwøk

⁵ Aani, ba løny ki man kööa ni luummu beeye kare; aani, këël kanyo thøøa, bëët-adïëri mara ba wiia.

Jööp 27:5 Iomraidhean Croise

Jööp 13:15

'Ba këël maa nääe nääö, a poot bëëdö naa ŋäätha eni; 'ba ka adïëri møn, luup 'moa poot caana caanø nyïme.

Jööp 17:9

'Ba dhaanhø mo bëëtö mare tiir nyïm Jwøk, bëëtö mare oput mak; ni ö ŋat mo ceŋŋe waany ni put cääth nyïm ni teek.

Jööp 2:3

Køøre Wuuö Jwøk aköö jï Ceethan, ni «?Dhaanhnha ma Jööp ajootï? Eni, ena dhaanhø mo bäŋ ŋat mo caala gø bäät piny; ena dhaanhø mo bäŋ gïn mo ogwäyö ri bëëtö mare, mo bëëtö mare tiir, ni eni lwäär ki Jwøk, ni ree ee mänö ki gïï mo reyø. 'Ba këël na bëëdï niï tuuŋŋa aani bääte kiper nee eni raanynya ki gïn mo bäŋ tiere, eni poot bëëdö ra adïëri mare.»

Jööp 2:9

'Ba cïïe aköö jïre, na «?Aŋø ni poot bëëdï ra adïëri marï en? Jaany Jwøk nø; ni thøwï!»

Jööp 29:14

Bëënynyö arøøa dëëra kaamar abïï, ni tïïa ŋøl luup ma kare kaamar aleeŋŋa ka abïï man wø loop wïc.

Jööp 31:6

doo beerra man ö Jwøki ni kïth gïïa tïïa bäät gïr røm mana näk kare, nee joode ki man näk mo bëëtö mara tiir.

Jööp 31:7

'Ba ni näk mo aano gaa wøk ki øtjöö, ni tïm cwïnya ni bwøtha nyeŋŋa, wala ceŋŋa bëëdö ni ba waany,

Jööp 32:1

Kanyøgø jøøgø na adäk yøø gena lïŋö ki man dwökge ki luubö jï Jööp, kiper mana kööe ni bëëtö mare tiir ki baŋe.

Jööp 32:2

'Ba Eliyu wär Barakel nyï Buc, na käl dhi øt Ram, yie awaaŋ ki gootø døc ki Jööp kiper mana kööe ni bëëtö mare tiir ki nyïm Jwøk.

Jööp 32:3

Eni thuwø, yie awaaŋ ki gootø ki nyïïawääte moa na adäk kiper mana dhäthe jïge ki man dwökge ki luubö ma kare jï Jööp, këël na bëëtge ni Jööp ege jäälö.

Jööp 33:9

Ïïna köö, ‹Ni bëëtö mara beer, ni bäŋ gïn mo ogwäyö jïra, naa bëëdö naa waany ni bäŋ raay mo yaa tïïö.

Jööp 42:7

'Ba Wuuö Jwøk kanya nø caan luupögø jï Jööp, ena köö ki Elipath nyï Tëman, ni «Aana gootø ki ïïni ki nyïïawäätï moa na ariiø, kiper bäŋ luup mo karge mo you caanø kipera kaawat mana tïïc dhaanhnha ma Jööp.

Jööp 6:29

Ennø, a caana jïïu nee ŋethu wiillu ni bäŋe gïn mo patha kare mo caannu këët. Weyu luupögø nø, kiper bëëtö mara poot bëëdö ni tiir kare.

Pwöc Leec Wïc 17:15

Ŋat wø ŋun ŋat mo raac, ki ŋat wø ŋøl ŋat mo mare beer wøk, Wuuö Jwøk yie raac ki geni bëët.

2 Körin 1:12

'Ba atöör marwa beeye en, kiper ŋäcwa ki cwïnywa ni waana bëëdö pinyi en ki bëëtö mana en kur keere na käl baŋ Jwøk, ni bäŋ atade yie, ni kadha bëëtö mana beetwa nyïmmu. Ni bëëtö marwa ba käl ri riek waŋ mar pinyi en, 'ba käla ri met yi Jwøk.

Galeecia 2:11

'Ba na ö Ciipa yi Antïëk, ena jääla nyïme, kiper eno bääyö.

Tiet Ciik 25:1

«'Ba ni näk mo da pïëm mo otägö yïthakic jiy keerge, ni cige baŋ løøk, dïŋut luup luubö marge dege ŋølø, ni ö ŋata mare beer ni ŋunni, ni ö ŋata mare raac ni jääli.