Jööp 27:2 - Wëël Jwøk

² ni «Aani, a kööŋŋa ri Jwøa kwøw na en teeki jïre, Jwøa kweer ki man tïïc ŋøl luup ma kare bääta, na wëëk aani jwør gïï mo leth ki yi cwïnya.

Jööp 27:2 Iomraidhean Croise

2 Camiel 2:27

'Ba Jöap aköö, ni «Ŋëët Jwøa kwøw, doo na bäŋ gïn mo iï caanø ennø, ka adïëri møn, wa doo puta rïïŋö køøru, u na nyïïmëëkwa, këël diøø ka amöölla.»

1 Nyeye 17:1

'Ba nyikuŋ Jwøk ma Ilaaja nyï Ticbi na en yïth ŋøøp Gelät, aköö jï Akap, ni «Ŋëët Wuuö Jwøk, Jwø Icriel na kwøw, ni wø tïnynya en, ka adïëri møn, ki yïth cwiiri moi ii, tïmö ni bäŋ thööy ki køth, ni näk mo ba caana aani ni køth pädhö.»

1 Nyeye 18:15

'Ba Ilaaja aköö, ni «Ŋëët Wuuö Jwøk, Jwøa kwøw, eni na wïth jammi bëët ni wø tïnynya, ka adïëri møn, aani dëëra nyoodha nyoodhø jïre dïcäŋi.»

2 Nyeye 4:27

'Ba kanya ö nyijøøgø na pïïe baŋ nyikuŋ Jwøk bäät thuur, eni tiet nyikuŋ Jwøk agääme. Køøre Gaadhi aö buute nee nyijøøgø cöör wøk; 'ba nyikuŋ Jwøk aköö, ni «Wec eni, kiper eni da gïn mo cwïnye oränynyö ki gø døc, mo tiere okan Wuuö Jwøki ki aani, ni käre caanø jïra.»

Jööp 10:3

?Aŋø, beeye gïn mo beer jïrï ki man caannï aani, niï kwiera gïna tïïyï ki cerï, ni tïmï niï wëëga uutjïëthe mo jøøa reyø bëënynyö?

Jööp 16:11

Jwøk aana cïp ceŋ jø raay møn, ni leeŋ aani ceŋ jø wø tïïö ki gïï mo reyø.

Jööp 19:6

'Ba beerra man ŋäyu gø ki man näk mo beeye Jwøk na kïth gïn bääta; ni bee eni na boony aani ka ajääp.

Jööp 23:16

Jwøk, cwïnya awëëk pädhö; Jwøa en teeki jïre aana tïïe naa bwøa døc.

Jööp 34:5

«'Ba ennø, Jööp aköö, ni ‹Aana dhaanhø mo bëëtö mare tiir; 'ba Jwøk akweer ki man tïïc ŋøl luup ma kare bääta.

Jööp 35:2

na «?Aŋø, iï caarø ni beeye gïn ma kare ki man kööï ni bëëtö marï tiir ki nyïm Jwøk?

Jööp 40:8

«?Aŋø, ï köö møn ni luup mo wø ŋøla patha adïëri? ?Aŋø, a jällï jällö ni aano bääyö ni keda beerra marï keere?

Jööp 9:17

Eni, a wø tøye tøyø ki jamø mo teek, ni kïth dëëra ki ŋwiili mo thööth ki gïn mo bäŋ tiere.

Jööp 9:18

Eni a ba wëëk jwöm ki man jwïëa ki jamø, 'ba eni bëëdö ni caama aani ki gïï mo keec.

Aydheea 40:27

Wui, u na nyïïkwaac Jeekap, ni bee u na jø Icriel, ?aŋø ni ŋuru ni kööu, ni «Waŋjöö marwa arwäänyö ki baŋ Wuuö Jwøk, ni ö luup gïïa leth na en bäätwa ni pöödhe ki bäät Jwøk marwa ni käre ŋølø»?

Jeremaya 12:16

'Ba ni näk mo jöör bëëtö mar jiya kwanyge kwanyø møn, ni bëëtge ni ge kööŋŋa ri nyeŋŋa, ni ‹Ŋëët Wuuö Jwøk, Jwøa kwøw,› kaawat mana kwøŋge jiya pwönynyø ki man kööŋge ri Baal, aani tietge këëlla piny yïthakic jiya.

Jeremaya 4:2

ni kööŋŋu ki kööŋ ma adïëri ma kare mo thïïŋ, nou kööŋŋa ŋëëta, a na Wuuö Jwøk, Jwøa kwøw, wïth juurre rege ogwïëthge ki nyeŋŋa, ni putge jïëmö ki nyeŋŋa.»

Jeremaya 5:2

'Ba këël jø Jerucalem doo kööŋ ni köge, ‹Ŋëët Wuuö Jwøk, Jwøa kwøw,› ka adïëri møn, kööŋ marge poot na tööt jaak.»

Edhikiel 33:11

Caanï jïge, ni Kwäärö Wuuö Jwøk aköö, ni ‹Kaawat man bëëda naa kwøw en, a na Kwäärö Wuuö Jwøk, cwïnya ba mïnni ki thøø mar ŋat raay, 'ba mana beer, beeye ki man løk cwïnye yïth raay moe ni kwøe. Løgu cwïnynyu! Løgu cwïnynyu ki yïth uutjïëthe mou na reyø! ?Aŋø ni manynyu thøø en, u na jø Icriel?›

Kwään Jiy 14:21

'Ba ka adïëri møn, kaawat man bëëda naa kwøw en, a na Wuuö Jwøk, ajiem mara bäät piny bäre opääŋe.

Ruuth 3:13

Ennø, but kany dïwääni; 'ba no tïme na aruunnø, ni näk ŋatøgø yie met ki man dööŋe ki ïïni, wøp, eno dööŋ ki ïïni; 'ba ni näk mo yie ba met ki man dööŋe ki ïïni, ŋëët Wuuö Jwøk na kwøw, aani, a dööŋ ki ïïni. Butï nø këël aruunnø.»

1 Camiel 14:39

'Ba ki nyeŋ Wuuö Jwøk na kwøw, Jwø wø piem jø Icriel, këël bääyö manøgø tïïya wääda ma Jönathan, ka adïëri møn, eni put ka 'näk.» 'Ba ki røk jiy bëët, bäŋ dhaanhø aciel mo mare ee løø jï Cøøl.

1 Camiel 14:45

'Ba jiy aköö jï Cøøl, «?Aŋø, Jönathan na tïïö døc, ni jït jø Icrielli ki køny man ni dwøŋ en ki køøre, doo nääö møn? Gïnögø ba doo tägö na bäre bäre. Ki nyeŋ Jwøa kwøw, këël jëën wï Jönathan aciel, ba doo pätha piny na bäre bäre, kiper Jönathan atïïö ki Jwøk na aciel dïcäŋi en.» Kanyøgønø, Jönathan aput jiyi køny ni käri nääö.

1 Camiel 20:21

Køøre nø, nyilaaro cääthwa ki gø jääŋŋa jääŋŋö ni kööa, ni ‹Ciï ni manynyï athëëre moa thööra.› 'Ba kanyo kööa ki nyilaarøgø, ni ‹Neenï, athëëre adööŋ pööthi ni da aani en; duu baŋge,› kar kaagø nø, wärï put ö baŋa; kiper gïnögø nyootha gø ni bäŋ gïn mo raac mo di tïïö dëërï; 'ba ki nyeŋ Jwøa kwøw beeye gïn mo beer keere kiperï.

1 Camiel 25:26

«'Ba ennø møn, ï na kwäärö mara, a kööŋŋa ŋëët Wuuö Jwøk na kwøw, ki ŋëëtï; kaawat mana ö Wuuö Jwøki na män ïïni ennø nee rem jiy ba kønynyï piny, ni ba coolï kwörï ki dëërï kiree, beerra man ö nyïïmän moï, ni beege jøøa many man tïïge ki gïn mo leth dëërï, ni tïmge kaamar Nabal.

1 Camiel 25:34

'Ba ŋëët Wuuö Jwøk, Jwø Icriel na kwøw, na män aani ki man tïïa dëërï ki gïn mo raac, dee niï kär laar rwänhnhö ni røømmø ki ïïni, ka adïëri møn, kanya dee tïmö na bäc øw diøø doo bäŋ dïcwøø aciel mo dööŋ jï Nabal.»