Jööp 24:12 - Wëël Jwøk

¹² Cooyø mar jiy moa näk manynya thøø wø wïnyö dï pääny, ni ö jiyi moa näk dëëtge da ŋwiili ni jwöŋge kiper køny; 'ba Jwøk ïthe käre ciiø ki lam marge.

Jööp 24:12 Iomraidhean Croise

Wïlöölö 4:10

Ni kö Wuuö Jwøki, na «?Agïnaŋø na tïïyï enø? Dwør rem coku ajwöŋ baŋa ki tiet ŋøøm piny.

Jööp 24:11

Geni, mädhi wø welge welø tiet jenni, ni nywøpge nyïïomøki na kwøŋ, ni ge ki dëëtge geno näk riewi.

Jööp 24:13

«Da jiy mo wø gëëmö ki tar, mo ge ba many man ŋäcge uutjïëthe mo gø, wala ki man ruuge waŋjööre.

Jööp 9:23

Kany wø dee thøø mo tägö ni cwöba røk dëët jøøa bëëtge beyø, eni wø ŋeethø bäät gïïa leth na jwørge.

Jööp 9:24

?'Ba ni näk piny onø cïp ceŋ jø raay, ni dïŋut luup onø tïïc na cööye, ni näk mo patha eni na tïïc gø, ŋat mør aŋa?

Bwøth Wøk 22:27

kiper beeye mar rïëpa eni keere jïre, ni beeye abïï rïëp man wø rïëp dëëre ki gø. ?Aŋø, dagø mo odööŋ jïre këët mo rëëbe ki gø? Kanyo täk teeŋ gïnögønø, ni ö ŋata abïïne lwør ni jwöŋe ni pëënynya aani, eni dwøre leŋa leŋø, kiper aani a bëëdö ni yia met ki jiy.

Luup Dïpööy 4:1

Køøre aana cäŋ nëënnö ni jooda tïïe moa näk mo ocaarø bëët moi ni tïïc tier cäŋ piny kany en. 'Ba ka adïëri møn, jiy moa no ocaarø, pï nyeŋge ajooda, ni ge bëëdö ni bäŋ ŋat mo cøma cwïnyge, ni teek ena ceŋ jøøa caar geni. 'Ba geni, ge na no ocaarø, bäŋ ŋat mo cøma cwïnyge.

Aydheea 52:5

Kiper manøgønø, Wuuö Jwøk aköö, ni «?Ennø, agïne noo tïïa kany? Kiper jiya akäl jaak ki gïn mo bäŋ tiere, ni ö jiyi moa käär geni ni bëëtge ni ge kwöŋŋö bäätge, ni nyeŋŋa bëëdö ni di janynyø cooth ki yïth nïne bëët.

Jeremaya 12:1

Wui, Wuuö Jwøk, ï bëëdö ni marï adïëri kany wø lööa nyïmï; 'ba ï poot pëënynya pëënynyö kiper ŋøl marï. ?Aŋø, aperŋø ni ö gïï wø tïïc jø raayi ni thurge karge jïge en? ?Na aperŋø ni ö jiyi bëët mo wø tïïö ki gïï mo reyø ki piny ni bëëtge ni bëëtö marge jööt jaak?

Jeremaya 12:2

Beeye ïïni na piith geni kaamar jaath, ni këëlge tietge piny; ni døøŋge ni jïtge ki nyïëdi. Gïrï wø carge carø ki dhøkge jaak, 'ba ki cwïnyge, karge bäär ki ïïni.

Milkiya 2:17

Uuni, Wuuö Jwøk aööllu ki luup mou. 'Ba uuna köö, ni «?Eni ewa öölö nidïï?» Beeye kiper mana kööu, ni «Ŋat wø tïïc gïn mo raac poot beer ki nyïm Wuuö Jwøk, ni Wuuö Jwøk yie met ki ŋatøgø.» Wala u köö, ni «?Jwøk ni wø ŋøl luup na karge en kaa?»

Milkiya 3:15

'Ba ennø, ki baŋwa jø atöör beege ni yïthge met. Jø wø tïïc gïï mo reyø tïmö ni kwärra geni, ni ö geni ni päänyge Jwøk ni bäŋ gïn mo tägi dëëtge.› »

2 Piter 3:15

Ni ŋäyu gøøni ni koor mar Kwääyø ni bëëdö ni cwïnye ee cïp piny beeye kiper nee ø piem. Ni beeye mana göör cöögø ma Pøøl na näk omëëyø jïïu, ki køør leec wïc mana wëëk eni,

Pïëmme 10:16

Kanyøgønø, geni juuga path moa en yïthakicge aputge wec, ni tïmge ni ge tïnynya Wuuö Jwøk. Køøre Wuuö Jwøk cwïnye apädhö ki caarø manø ni teek ni caar jø Icriel ki gø enø.