Jööp 23:10 - Wëël Jwøk

¹⁰ 'Ba eni uutjïëthe mo wø caadha bëët ŋääe, ni kany wø pääny aani, a tïmö naa paŋŋi kaamar warkey mo okïth yi maac.

Jööp 23:10 Iomraidhean Croise

Wïlöölö 18:19

Kiper ena jiera, nee obwöre moe këël nyïïkwaaye mo ööi køøre nee pwönynye ki man caathge køør dwøra, a na Wuuö Jwøk, ni ge bëëdö ka bëëtö mo beer, ni ge tïïya tïïe ma adïëri; kiper nee gïna buua jï Eeberam nee tïïa jïre.»

2 Camiel 22:22

Kiper aana bëëdö ni luupï yaa gwøø, ï na Wuuö Jwøk; ni bäŋ gïn mo raac mo yaa tïïö mo pää aani ki ïïni, ï na Jwøa;

2 Nyeye 20:3

ni «Wui, Wuuö Jwøk, a kwaya ïïni, par wïïï ki mana bëëda naa caatha køørï na adïëri ki cwïnya bäre, ni tïïa ki gïï mo nëëni ni beyø ki jïrï.» Ni ö Edhekaya ni put jwöŋö døc ni yie ee keeyø.

Jööp 10:7

Ïïni, ŋäyï ni bäŋ gïn mo yaa baa; ni bäŋ ŋat mo løny jïre ki man piem aani cerï.

Jööp 23:7

'Ba dhaanhø mo bëëtö mare tiir løny ki man cïp luup moe nyïm Jwøk kaace; 'ba aani a doo jïtö ki køny na bäre bäre baŋ dïŋut luup mara.

Jööp 23:9

Këël mo eni ena bäät tïïc jï løø wï-piny, eni ba jooda yie; wala këël mo eno døø jï løø tier-piny, eni ba nëëni jïra.

Jööp 31:4

?Aŋø, Jwøk, uutjïëth bëëte 'moa bäŋ wø raŋŋe, ni kwar kwör cääthe mo tieta bëët?

Jööp 31:6

doo beerra man ö Jwøki ni kïth gïïa tïïa bäät gïr røm mana näk kare, nee joode ki man näk mo bëëtö mara tiir.

Jööp 33:9

Ïïna köö, ‹Ni bëëtö mara beer, ni bäŋ gïn mo ogwäyö jïra, naa bëëdö naa waany ni bäŋ raay mo yaa tïïö.

Jööp 6:29

Ennø, a caana jïïu nee ŋethu wiillu ni bäŋe gïn mo patha kare mo caannu këët. Weyu luupögø nø, kiper bëëtö mara poot bëëdö ni tiir kare.

Jööp 7:18

ni eni raŋŋï raŋŋø ka amöölla cooth, niï bëëdö niï päänynya gø cooth?

Dut Pwøc 1:6

kiper Wuuö Jwøk bëët jøøa beyø ŋääe, 'ba bëët jøøa reyø cäätha baŋ ränynyö.

Pwöc Leec Wïc 17:3

Gwel-bïrö ki warkey beeye maa thäth ni wø raŋi ki gø, 'ba cwïny dhaanhø, beeye Wuuö Jwøk ni wø raŋ gø.

Jeremaya 12:3

'Ba ï na Wuuö Jwøk, a ŋäyï; na a wø nëënö jïrï cooth, ni raŋï cwïnya man näk a bëëda nidïï ki baŋï. Wui Wuuö Jwøk, peec jøøgø niï kïtha ge baŋ ŋaal kaamar dïëk; kïth geni kur keerge kiper dïcäŋo ŋaal ge yie.

Dhekaraya 13:9

'Ba jiy moø noo dööŋ ki ra adäk yøø, geno kïtha yïth gïï mo leth mo caala maac, nee tïmge ni waany, kaamar man wø leeny warkey ki gwel-bïrö ki maac, ni twønna gø. Kanyøgø nyeŋŋa ocwølge, ni løøa luubö marge; aano kööi, ni ‹Beege jiy 'moa,› 'ba geno kööi, ni ‹Wuuö Jwøk beeye Jwøk marwa.› »

Jøøn 21:17

Ni cäŋ köö ri dääge, «?Cayman o Jøøn, ï mëër ki aani?» Kanyøgø Piter cwïnye apädhö kiper na pëënynyi ya Jecu kwöre adäk, ni «?Ï mëër ki aani?» ni kööe jïgø, ni «Kwäärö, kawaane jammi bëët ŋäyï. Ni ŋäyï ki man näk maa mëër ki ïïni.» Ni kö Jecu jïre, «Piith dïëga.

1 Körin 3:15

'Ba ni näk tïïe moa tïïc dhaanhe waaŋ, eno cänni, 'ba eni ki dëëre opiem, 'ba otïmö keda dhaanhø mo käl wøk ka yi maac ni piemi.

Tiet Ciik 8:2

'Ba wïthu wär caarru ki jöö mana ö Wuuö Jwøki na näk Jwøu na käär uuni ki gø dï paap ki yïth cwiiri moi na pïëraŋween ii. Wuuö Jwøk gïï mo leth akäl bäätu, kiper nou pwönynye, kiper nou päänynye, nee gïna en cwïnynyu nee ŋääe, ki man näk mo ciik moe gwøgu gwøø wala ba gwøgu.

2 Timöthi 2:19

'Ba Jwøk, mare na näk ee këël piny wø cuŋŋa kare, ni ŋïï man ena dëëre na ennø, ni «Wuuö moa näk moe ŋääe,» ni «Jiy bëët mo wø cøør nyeŋ Wuuö, raay wär kwierge.»

Ibaru 11:17

Ni beeye ŋäädhe, na ö Eeberammi na cïp Aydhak no olämi kanya päänynyi ya Jwøki. Ni ö eni na ci buuki jïre, ni put jïëy ki man cïp wääde na näk aciel no olämi,

Jeemeth 1:12

Meta yi ŋat wø jïëny päänynyö, kiper kany wø bööt päänynyö, eno jïti ka adun kwøw mana näk obuuk Jwøki jï jø wø mëër ki eni.

1 Piter 1:7

kiper manøgønø, nee ŋäädhe maru na näk adïëri na pere letha eni ki warkey ni wø päänynyi ki maac këël na ŋääi ni ränynyö, nee känne ki pwøc, ka ajiem, ki wödö yi cäŋo nyooth Jecu Krictø yie.