Jööp 22:7 - Wëël Jwøk

⁷ Ni kärï moa no onäk riewi mooø ki pïï, ni mänï jøøa no onäk käci ki cam.

Jööp 22:7 Iomraidhean Croise

Jööp 31:16

«'Ba aani, gïïa many jøøa canni kära mänö, ni waŋ cï thøø kära tïïö ni can;

Jööp 31:17

aani cam mara kära camø na a keera, ni ba pääŋŋa ko obwöre moa näk kïïe.

Jööp 31:31

?A jø wø bëëdö paara, ge bäŋ wø köö na bëëde, na ‹?Aŋa ni kär jäŋ ki cam mo met po Jööp?›?

Pwöc Leec Wïc 19:17

Ŋat wø nyooth mëër ni wø cïpi jï jøøa can mooya Wuuö Jwøk; eni cun Wuuö Jwøki cunnö kiper gïna beer na tïïe.

Aydheea 58:10

ni näk mo dëëtu you cïbö jï jøøa no onäk käci ki man mooyu geni ki cam, ni wëëgu jøøa näk ocaannø jääŋö kaawat man wø manyge, tar maru orieny yi muudhö, ni ö wäärri ni tïme kaamar dïcäŋ jïïu.

Aydheea 58:7

Beeye ki man pääŋŋu caammi mou ki jiy moa no onäk käci, ni ö jøøa canni moa näk thääyö jaak ni määnynyu ge ki kwör bëëte, ni ö jøøa näk cäädhi ka dëëtge ni runynyu dëëtge ka abïïe, ni ba løøu nyïmmu wøk ki tuŋi mou na näk rem dëëtu.

Edhikiel 18:16

ni eni bäŋ ŋat mo caare, wala ki man kan gïn mo ee kälö na dïgïti ni ba dwøge, ni ba twëëdö, 'ba jiy moa no onäk käci mooe mooø ki cam, ni jiy moa näk cäädhi ka dëëtge, dëëtge runynye runynyö ka abïïe,

Edhikiel 18:7

mo bäŋ ŋat mo caare, ni gïn mo ee kälö na dïgïti dwøge dwøgø jï ŋata mäyö baŋe, mo eni ba twëëdö, 'ba eni cïpö ki cam jï jøøa no onäk käci, ni jiy moa näk cäädhi ka dëëtge, dëëtge runynye runynyö ka abïïe,

Mathiew 25:42

Kiper aana 'näk käci, ni käru a mooø ki gïn cam. Aana 'näk riewi, ni käru a mooø ki pïï.

Wëëlö Mana Göör Pøølli Baŋ Jø Röm 12:20

'Ba «Ni näk nyimännï ree da käc, caamï. 'Ba ni näk mo onäk riewi, mooc eni ki gïn maadhe. Kiper noo tïïyï manøgø, ï kïtha cuk mo oäpö wïïe.»