Jööp 21:5 - Wëël Jwøk

⁵ Raŋŋu jïra ni thäŋ yïthu; ni wëëgu dhøgu mak ki ceŋŋu.

Jööp 21:5 Iomraidhean Croise

Jööp 13:5

?Aŋø ni ba bëëdu nou lïŋö jaak en? Køøre doo tïmö na leec wïc jïïu.

Jööp 17:8

Jiy moa näk bëëtö marge thïïŋ na beyø, yïthge othäŋŋi ni lwäcge ki gïn, ni ö dhaanhø mo bäŋ gïn mo ee baa ni ö maal bäät ŋat raay ni jääl gø.

Jööp 2:12

'Ba kanya cige na lwiithge gø ni karge poot bäär, eni kärge ŋiiø, ni putge tägö ko oduuru ni döötge ege tïŋ maal døc; ni jeecge abïïe moge, ni jøøpge tør wïthge ki pänh cwïny.

Jööp 29:9

Kanyøgø dïbwöthe wø puta nidut, ni cïpge ceŋge dhøkge,

Jööp 40:4

ni «Aani, aana dhaanhø jaak mo bäŋ kare. ?Olønye jïra nidïï ki man dwöga baŋï ki luubö? Aani dhaa miia miiø ki cera.

Pwöc Leec Wïc 30:32

Ni näk mo ïïno bëëdö ni wïïï raac, ni dëërï iï tïŋ maal, wala ïïno bëëdö niï caara acaare mo reyø, cïëk dhiï ki cerï.

Aydheea 52:15

'Ba eni, wïth juurre mo thööth yïthge othääŋe, ni ö nyeye ni bëëtge ni dhøkge ege miiø ki luumme; kiper geni jammi moa näk kär caanø jïge jootge joodø, ni kwanyge tiet jammi moa näk kärge wïnynyö.»

Amøc 5:13

Kiper manøgø nø, eni na näk wïïe da acaara obëëdö ni lïŋö kar kaace, kiper piny bëëdö ni raac.

Mikiya 7:16

Køøre oraŋ wïth juurre ni lää wïthge, kanyo jootge gø ni teek marge bäŋ gïn mo kønye, ni bëëtge ni ceŋge ege maa dhøkge, ni ïthge ba wïnyö.

Wëëlö Mana Göör Pøølli Baŋ Jø Röm 11:33

Wui, a teeŋ kwäya ŋø ni en jï Jwøk en, ki leec wïc ki ŋäc jammi bëët! A teeŋ ŋøla ŋø ni tiere ba maar kwany na en jïre, ki uutjïëthe mo tietge ba maar joot!

Pïëmme 18:19

'Ba jagøgø aköö jïgø, ni «Lïŋï, cïëk dhiï; ö baŋwa nøø aa na aciel, kiper niï tïmï ni ïïna ŋat mo owøørø ni ïïna dïlämi jïwa. ?Aŋø, theemma eni jïrï ki man bëëdï ni ïïna dïlämi jï dhaanhø aciel, wala ki man tïmï ni ïïna dïlämi jïwa, wa na wï tuuŋ aciel røk wïth tuŋi mo jø Icriel ii?»