Jööp 2:3 - Wëël Jwøk

³ Køøre Wuuö Jwøk aköö jï Ceethan, ni «?Dhaanhnha ma Jööp ajootï? Eni, ena dhaanhø mo bäŋ ŋat mo caala gø bäät piny; ena dhaanhø mo bäŋ gïn mo ogwäyö ri bëëtö mare, mo bëëtö mare tiir, ni eni lwäär ki Jwøk, ni ree ee mänö ki gïï mo reyø. 'Ba këël na bëëdï niï tuuŋŋa aani bääte kiper nee eni raanynya ki gïn mo bäŋ tiere, eni poot bëëdö ra adïëri mare.»

Jööp 2:3 Iomraidhean Croise

Wïlöölö 6:9

Man beeye luum nyïïkwaac Nöa. Nöa beeye dhaanhø mo mare beer ri jøøa bëëdö kar kaaca, ni bäŋ gïn mo jøøŋŋi ri bëëtö mare. Ena bëëdö ni caatha køør Jwøk.

2 Camiel 20:20

'Ba Jöap mare aløøe ni kööe, ni «Beerra man tïm kara ni bäär ka acaara manøgø. A ba ööi kiper nee jiy thööra, wala nee pääny raanynya.

Jööp 1:1

'Ba da dhaanhø mo obëëdö yi ŋööm Uc mo nyeŋŋe cwøl ni Jööp. 'Ba dhaanhø manøgø, ena dhaanhø mo bäŋ gïn mo ogwäyö ri bëëtö mare, mo bëëtö mare tiir, ni eni lwäär ki Jwøk, ni ree ee mänö ki gïï mo reyø.

Jööp 1:11

'Ba ennø, tïŋ cerï maal bäät jape mø, ni raanynyï ge bëët, niï ba put janynyø täärnyïmï kiree.»

Jööp 1:6

'Ba dïcäŋ aciel nyïïatwiet maal gena ö kuna cuŋge nyïm Wuuö Jwøk, ni ö Ceethan thuwø ni ööe ki geni ciel.

Jööp 1:8

Køøre Wuuö Jwøk aköö jï Ceethan, ni «?Dhaanhnha ma Jööp ajootï? Eni, ena dhaanhø mo bäŋ ŋat mo caala gø bäät piny; ena dhaanhø mo bäŋ gïn mo ogwäyö ri bëëtö mare, mo bëëtö mare tiir, ni eni lwäär ki Jwøk, ni ree ee mänö ki gïï mo reyø.»

Jööp 13:15

'Ba këël maa nääe nääö, a poot bëëdö naa ŋäätha eni; 'ba ka adïëri møn, luup 'moa poot caana caanø nyïme.

Jööp 2:2

Kanyøgø Wuuö Jwøk aköö jï Ceethan, ni «?Ï kälï kaa ŋø cøøn?» Køøre aløk Ceethanni jï Wuuö Jwøk, ni kööe, na «A käla kuna wïra bäät piny bäre ni jøøya gøøni.»

Jööp 2:4

'Ba aløk Ceethanni ni kööe, ni «Ŋati man nø jwøra gïno pïï dëëre. 'Ba dhaanhø løny jïre ki man cïp jap kwøwe bëët kiper jwïëye.

Jööp 9:17

Eni, a wø tøye tøyø ki jamø mo teek, ni kïth dëëra ki ŋwiili mo thööth ki gïn mo bäŋ tiere.

Jööp 9:20

Këël na bëëda ni bëëtö mara tiir, dhøk mara a wø di jäälö. Këël na bëëda ni bäŋ gïn mo jøøŋŋi ri bëëtö mara, luup mo wø cara, raaya wø dige nyoodhø.

Dut Pwøc 26:1

Pwöc Leec Wïc 11:8

Ŋata mare beer wø käla wøk yïth gïïa leth, ni ö ŋata raaci ni läw yïth gïïögø.

Pwöc Leec Wïc 13:6

Bëënynyö jöör bëëtö mar ŋata mare thïïŋ di koorø, 'ba bëët rääö wø duua ränynyö dëër ŋat raay.

Pwöc Leec Wïc 14:2

Ŋat wø cäädhi ki jöö mo thïïŋ lwäär ki Wuuö Jwøk, 'ba ŋat wø bëën cwøk, Wuuö Jwøk ee taaø.

Pwöc Leec Wïc 15:8

Wuuö Jwøk yie raac ko olämme mo jøøa reyø, 'ba yie wø mïnni ka lam mar jøøa marge thïïŋ.

Pwöc Leec Wïc 16:17

Jöör jøøa marge thïïŋ wø ŋäätö ki buut gïïa reyø, ni ŋat wø koor jööre gwøga jwïëye.

Jøøn 9:3

Ni løgi ya Jecu, ni «Paa kiper ni nyenøgø obääyö, wala jøøa nywøl gø, 'ba beeye kiper nee tïïe mo Jwøk nyooth ki ree.

Pilipay 3:12

Naa ba caan gø ni moøgø bëët onø ö jïra, wala aano nø thur kara. 'Ba dëëra yaa maa, nee tïïa na mara, kiper Krictø Jecu aana nø tïïe na mare.

Jeemeth 1:12

Meta yi ŋat wø jïëny päänynyö, kiper kany wø bööt päänynyö, eno jïti ka adun kwøw mana näk obuuk Jwøki jï jø wø mëër ki eni.

1 Piter 1:7

kiper manøgønø, nee ŋäädhe maru na näk adïëri na pere letha eni ki warkey ni wø päänynyi ki maac këël na ŋääi ni ränynyö, nee känne ki pwøc, ka ajiem, ki wödö yi cäŋo nyooth Jecu Krictø yie.

1 Piter 5:10

'Ba køøre, nou nø jwørru gïïö ni leth yøø ki kany mo thiinh, Jwøa näk Jwø met ec bäre, ŋata cwøl uuni ya ajieme mana näk bäŋ cuŋŋe ki ri Krictø, oööi ki dëëre ni dwøk u karu, ni wëëk u tëënnö, ni këël tietu piny.