Jööp 2:12 - Wëël Jwøk

¹² 'Ba kanya cige na lwiithge gø ni karge poot bäär, eni kärge ŋiiø, ni putge tägö ko oduuru ni döötge ege tïŋ maal døc; ni jeecge abïïe moge, ni jøøpge tør wïthge ki pänh cwïny.

Jööp 2:12 Iomraidhean Croise

Wïlöölö 27:34

'Ba kanya ö Icøø na wïny dwør wänni, ena köök ki dwøl mo päl døc, ni jwöŋe ni cwïnye ee keeyø døc kiree, ni kööe jï wänni, ni «Wui, Awuuö, gwïëth aani, gwïëth aani thuwø.»

2 Camiel 13:36

'Ba kanya ö Jönadapi na leeŋ dhee piny ennø, ka adïëri møn, wäät nyeya aput nicäär, ni ge jwöŋö døc; ni ö nyeya ki jø kööre bëët ni putge jwøk døc thuwø.

Edhera 9:3

'Ba kanya wïnynya gïnögø, aani abïïna ka aleeŋŋa mara ajeeya, ni ö jïëc wïïa ki jïëc tïïa ni nywaada ge piny, ni pïïa piny ni yia othäŋŋö.

Neemiya 9:1

'Ba kanya tïm nïr dwää abïriiø ni pïërariiø ka aŋween, jø Icriel dëëtge acooŋge kanya ciel, ni bëëtge ni ge ba cämö, ni keece ege røø dëëtge na abïïe, ni bäätge ege kunynyö ki tør ni ge jwönna dëëtge.

Acther 4:1

'Ba Mördekay kanya wïny japa tïïc bëët, abïïge ajeeye ki pänh cwïny, ni runy dëëre ka abïïn keeca, ni jøøp bur wïïe, ni wïr dï pääny bäre ni jwöŋi ni guyö ki dwøl mo päl ni cwïnye opädhö døc,

Jööp 1:20

Kanyøgø Jööp aput ö maal ni jeeya abïïne, ni gwäär jïëye wøk. Køøre Jööp dëëre aleeŋ piny yïth ŋøøm, ni wøør Jwøk,

Jööp 19:14

Tuuŋwa gena aay buuta; ni ö nyïïawääta moa näk aano ŋïyö ki ge døc ni wïl wïthge ki aani.

Wëël Kïmmö 2:10

Jäle mo Dhayan gena pï piny yïth ŋøøm jaak ni geno nikïïl. Geni bur ajørge wïthge, ni røøge keece dëëtge na abïïe. Nyïïakuue mo Jerucalem ge bëëdö ni cøŋge ege këël piny ni wïthge ege këël yïth ŋøøm.

Edhikiel 27:30

Køøre ge jwöŋö bäätï ni döötge ege tïŋ maal døc ni cwïnyge ege keeyø. Wïthge jööpge jööpö ki tør ni ŋïëlge yi bur.

Jøcua 7:6

Kanyøgønø, Jøcua abïï mare ajeee, ni gøø ree piny nyïm acanduk mar Wuuö Jwøk, ni bëëde kaace këël mana tïm pinynyi na abøøya, ni beeye eni ki jø døøk Icriel bëët; ni jørge tør wïthge ki pänh cwïny.

Mana Nyooth 18:19

Ni jøøpge tør wïthge kanya jwöŋge, ni ge guyö døc, ni «Wui wui, paana dwøŋ aränynyö, paana ö jøøa jïge da jïëthe bëët yïth näpa døøŋŋø na kwärge ki køør kwär mare. Ena ränynyö ki yi caa aciel.»

Pïëmme 2:4

'Ba kanya ö Wuuö Jwøki na nyooth ree kaamar nyïïatwiel maal na caan luupögø jï jø Icriel bëët, jø Icriel gena put jwöŋö ni döötge ege tïŋ maal.

1 Camiel 11:4

Køøre jøøa jääŋŋi apïï Giba, päänya bëët Cøølli yie, ni caange luup moøgø bëët ni wïnyö jï jiy, ni ö jiyi bëët ni putge jwøk ni döötge ege tïŋ maal.

1 Camiel 30:4

Køøre Deebit ki jiye na cäädhe ki ge, gena jwöŋö døc ni döötge ege tïŋ maal këël mana rööc cwäkge.

1 Camiel 4:12

'Ba ni poot na dïcäŋögø, ŋat ma nyï tuuŋ jø Benjamen arïŋŋö ki pwöl leny ni pïïe Cëëlö na abïïe moe ee jeeyø ni wïïe ee jööpö ki tør, ni nyootha pänh cwïny mare.