Jööp 2:10 - Wëël Jwøk

¹⁰ 'Ba aløøe jï cïïe ni kööe, ni «Ïïni, ï cäänö kaamar dhaagø ma bøøl. ?Aŋø, ø doo bëëdö ni ø joota gïn mo beer keere ki baŋ Jwøk, ni bäŋ gïn mo raac?» 'Ba ki yïth japøgø bëët, Jööp kär bääyö ki yïth luup moe bëët moa caane.

Jööp 2:10 Iomraidhean Croise

Wïlöölö 3:17

Ni kö Wuuö Jwøki jï Adam, ni «Kiper mana leŋï dwør cïïï, ni camï nyi jaath mana köömma ïïni ki gø, na kööa, ni ‹Kärï cämö ri gø›, «Ŋøøm aciena kiperï; cam marï ojootï ki køør öölö mo teek døc yïth nïr kwøw moï bëët.

2 Camiel 13:13

?Aŋø, apään gïnögø ööa wøk bääta këët? Këël ïïni thuwø, ï tïmö kaamar dhaanhø ma bøøl dï bøøre mo Icriel. 'Ba ennø, nyie owära, pëëny nyeya, kiper eni a ba mäne ki man nywømï aani.»

2 Camiel 19:22

'Ba Deebit aköö, «?Wui, wäät Dheruya, a tïïa ŋø ki uuni nø? ?Aŋø, u bëëdö kaamar nyïïmän aperŋø? Kiper u bëëdö na acaara maru ki mara patha aciel. ?Aŋø, dïcäŋi doo da dhaanhø mo di nääö dï Icriel? ?Aŋø, kuua ni aana nyeya dïcäŋi bäät jø Icriel?»

2 Camiel 19:28

Wui nyeya, jø dhi øt wära bëët doo na rømi ka thøø nyïmï; 'ba aani, a na dhaanhnhï, aana tïïyï naa tïma naa ena røk jø wø cämö ki ïïni na aciel. ?Agïnaŋø noo dööŋ këët nø, noo cäŋa köö ni yiï cwaada cwaadø ki gø?»

2 Camiel 24:10

Køøre Deebit cwïnye apädhö ki køør mana nø kwaan jiy. Kanyøgønø, Deebit alämö jï Wuuö Jwøk ni kööe, «Wui Wuuö Jwøk, aana nø bääyö døc ki køør gïna tïïa. 'Ba ennø, beerra man wëënnï raay 'moa, a na dhaanhnhï, kiper aani gïnögø atïïa ni wïïa kära caarø.»

2 Luup Nyeye 16:9

Kiper waŋ Wuuö Jwøk wïdö bäät piny bäre ni neeta gø kiper nee cïpe ki teek jï jø wø many eni ki cwïnyge bäre. 'Ba ïïni kiper mana tïïï ki gïn mo wïïï kärï caarø ki gø, ki mano täge ennø, ï bëëdö ni da lenye yïthakiyu ki jø møøk cooth.»

Jööp 1:10

?Aŋø, paa kiper na bëëde ni eni, ki jø paare, ki jap paare bëët iï koorø jïre? Japa tïïe ki cere bëët iï gwïëdhö jïre, ni put pïïth lääc paaci moe nyaay yi ŋööm paac bäre.

Jööp 2:9

'Ba cïïe aköö jïre, na «?Aŋø ni poot bëëdï ra adïëri marï en? Jaany Jwøk nø; ni thøwï!»

Dut Pwøc 39:1

Pwöc Leec Wïc 9:13

Dhaagø mo wïïe känni bëënna dïlweel, na acaara mare thiinh, ni bäŋ gïn ŋääe.

Pwöc Leec Wïc 9:6

Wec bëët thïnh acaara, niï bëëdï niï kwøw, ni cäädhï øtjöör ŋäc tiet luup.»

Luup Dïpööy 7:14

Ki yïth nïne mo wø bëët jammi ni beyø, bëëdï ni iï met. 'Ba ki yïth nïne mo wø bëët jammi ni reyø, cädï ki man näk mo beeye Jwøk na tïïc manøgø ki maya. Kiper manøgø nø, dhaanhø bäŋ gïn mo løny jïre ki man ŋäc gø kiper bëëtö mare mano en nyïm bäre.

Wëël Kïmmö 3:37

?Aŋa ni løny jïre ki man cääne, ni thur gïna caane kare, ni näk mo kär caan Wuuö Jwøki?

Mathiew 16:23

'Ba Jecu alwïthö ni kööe jï Piter, ni «Daak riï ŋääa, Ceethan! Bee ïïni ni cwany tieta en. Kiper acaara marï ba en løø Jwøk, 'ba ena løø jiy.»

Mathiew 25:2

Ki røk nyïïakuue moøgø, abïïc dïge wïthge bäŋ acaara. 'Ba abïïc wïthge leer.

Jøøn 18:11

'Ba Jecu aköö ki Piter, ni «Dwøk opëëllö marï yi købe. ?Aŋø, athöönhnha cïp Wära jïra ba daa maadhø?»

Wëëlö Mana Göör Pøølli Baŋ Jø Röm 12:12

'Ba yïthu mïnge ki ri ŋäädhe maru, ni cïbu cwïnynyu piny ki gïïo leth ni wø pïï dëëtu, ni lämu cooth.

Jeemeth 1:12

Meta yi ŋat wø jïëny päänynyö, kiper kany wø bööt päänynyö, eno jïti ka adun kwøw mana näk obuuk Jwøki jï jø wø mëër ki eni.

Jeemeth 3:2

Kiper ø bëët, ø wø bääö ki gïï mo thööth. 'Ba nee da dhaanhø mo ba bääyi ri gïï wø care, ena dhaanhø mo bäŋ gïn mo gwäyi jïre, ni maara lønyø jïre ki man män dëëre bäre ki raay thuwø.

1 Camiel 3:18

Køøre Camiel luup bëët moa caan jïre aput caan jï Ëli, ni bäŋgø mo ee mooŋø. Køøre Ëli aköö, ni «Man beeye dwør Wuuö Jwøk møn; beerra man ö Wuuö Jwøki ni tïïc mana beer ki jïre.»