Jööp 17:4 - Wëël Jwøk

⁴ Kiper ïïni ŋeth marge acïëgï nee tiet luup ba kwanyge; kiper manøgønø, ge ba tïïyï këët nee ge wøør.

Jööp 17:4 Iomraidhean Croise

2 Camiel 15:31

'Ba acaan dhaanhe mørri jï Deebit ni kööe, na «Akithöpël, ena dhaanhø aciel røk jøøa tuut dhøkge bäätï na no odwätö ka Abëcëlöm.» Kanyøgønø, Deebit aput lämö jï Jwøk ni kööe, «Wui, Wuuö Jwøk, akwaya ïïni, tïïc acaara mar Akithöpël ni bäŋ tiere.»

2 Camiel 17:14

Køøre Abëcëlöm ki jø Icriel bëët gena köö, na «Acaara mar Ucay nyï Arki beerra eni døc ni kaala acaara mar Akithöpël.» 'Ba gïnögø bäre tïïya Wuuö Jwøki na acaara mar Akithöpël na beer tïme ni bäŋ tiere, nee eni na Wuuö Jwøk gïn mo leth tïïe dëër Abëcëlöm.

2 Luup Nyeye 25:16

'Ba kanya poot nyikuŋ Jwøki manøgø ni cäänna gø, eni na nyeya ma Amaciya aput köö jï nyikuŋ Jwøk, na «?Aŋø, ïïna jierwa na ŋat cïp acaare jï nyeya? Lïŋï! ?Ï manynya thøø?» Køøre nyikuŋ Jwøk alïŋö ni kööe, na «Aŋääa møn ni Jwøk da gïn mo ee nø cïp piny ki man raany ïïni, kiper gïn ni tïïyï en, ni kweerï ki man wïnynyï luumma caana.»

Jööp 12:20

Eni jiy moa näk oŋäädhö wø wëëge lïŋŋö, ni ö leec wïci mar jø døøŋŋø ni raany gø.

Jööp 17:5

Ŋat wø waac nyeŋ nyïïawääte ki piny nee jïte ki gwel, nyeŋ nyïïe otïmö ni rääbö ki køør ajäla.

Aydheea 19:14

Wïthge akier Wuuö Jwøki ki jwïëy mo wø cwöth wïc, ni bwøthge Ijep ki jöö mo ba thïïŋ ki yïth tïïe mo gø bëët, ni tïm Ijepi kaamar dhaanhø mo omeer mo bøømmø ni ena yïth ŋwøk moe.

Mathiew 11:25

Kanyøgø Jecu aköö, ni «Ïïna pwøa, Awuuö, ï na Kwääc maal ki piny, kiper mana mänï gïï ki jøøa wïthge leer na ŋäc jammi, ni nyoothï geni jï obwöre moa mar.

Mathiew 13:11

Ni dwøk gø jïge, ni «Beeye uuni na wëëk ŋäc tiet luup moa näk tietge okwøŋ kan kiper buya käl maal. 'Ba jø møga, tier gïnögø kär cïbö jïge nee ŋäcge.

Wëëlö Mana Göör Pøølli Baŋ Jø Röm 11:8

kaawat mana gööri, ni «Gena mooc Jwøki ki wïdhi mo dhïïl ki nyeŋ mo bäŋ gïn neenge, ki ïdhi mo bäŋ gïn wïnyge, këël dïcäŋi en.»

1 Körin 1:20

?Age ŋata wïïe leer? ?Na age ŋata näk dïpööy mar ciik Jwøk? ?Age ŋata ŋäc pïëm ki luup yi pinyi en? ?Aŋø, Jwøk leec wïc mar jø piny käre tïïö na luum bøøl?